Génesis 42:36 - CHUYA QELLQA La Biblia en Quechua de Ayacucho 2012

³⁶ Hinaptinmi taytanku Jacob paykunata nirqa: ¿Manaña churiyuqtachu saqeruwankichik? Joseyqa manañam ñoqanchikwanñachu, nitaqmi Simeonpas kaypiñachu, Benjamintapas pusaruptikichikqa, tukuy kaykunawanqa llakimantachá wañurusaq, nispa.

Quechua Ayacucho Bible 1987

³⁶ Chaymi taytanku Jacob paykunata nirqa: —Manaña churiyoqtachu dejaruwankichik, Joseyqa manam kanñachu nitaqmi Simeonpas kaypiñachu. Benjamintapas qechuruwaytam munachkankichik. Tukuy kaykunaqa ñoqapa contraypim —nispa.

Chuya Qellqa 1992

³⁶ Hinaptinmi taytanku Jacob paykunata nirqa: ¿Manaña churiyuqtachu saqeruwankichik? Joseyqa manañam ñoqanchikwanñachu, nitaqmi Simeonpas kaypiñachu, Benjamintapas pusaruptikichikqa, tukuy kaykunawanqa llakimantachá wañurusaq, nispa.

Génesis 42:36 Iomraidhean Croise

Génesis 42:37

Chaymi taytanta Rubén nirqa: Ñoqam Benjamintaqa kutichimusaq, mana kutichimuptiyqa iskaynin churiykunatachiki wañurachinki, nispa.

Génesis 43:14

Tukuy Atiyniyuq Diosyá chay runapa sonqonman qamkunapaq llakipayakuyta churaykuchun, chaynapi Simeontawan Benjaminta kacharimunanpaq. Churiykunata qechuruwaptinqa imanasaqtaq, mana churiyuqñachiki qepasaq, nispa.

Génesis 44:12

Chaymi piwi kaqmanta maskayta qallaykuspan sullka kaqpi tukurqa, hinaspam Benjaminpa costalninpi vasota tarirurqa.

Génesis 45:28

Hinaspam Israel nirqa: Kunanmi ichaqa cheqappaqña hapini, ¡churiy Joseyqa kawsasqamiki! Chaynaqa, rispay tupaykamusaq manaraq wañukuchkaspay, nispan.

Génesis 47:12

Joseymi taytanta, wawqenkunata chaynataq taytanpa llapallan ayllunkunata mikuyta qospa yanaparqa.

Jobwan Sutichasqa Libro 7:7

¡Diosnilláy, yuyarillaway! Kawsayniyqa pasaruq wayra hinallam kusikuytaqa manañachá haykapipas rikusaqñachu.

Eclesiastés 7:8

Imapas qallariymantaqa imapas tukupayninmi aswan allinqa; hatun tukuq kaymantaqa pacienciakuymi aswan allinqa.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Isaías 38:10

Ñoqam nirqani: Kallpallaypiraqchiki wañukusaq, wañuqkunapa kasqanmanñachiki risaq kaykamallañachiki kawsasaq.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Jeremías 31:15

Ñoqa Tayta Diosmi nini: Ramá llaqtapim qapariy uyarikun, sinchi waqakuymi uyarikun, Raquelmi wawankunamanta waqachkan, wawankunam wañurun, chayraykum consuelaptinkupas mana upallayta munanchu, nispa.

Mateo 14:31

Chaymi Jesusñataq Pedrota makin-manta hapiykuspan nirqa: ¡Pisi iñiyniyuq runa! ¿Imanasqataq iskayrayanki? nispa.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

1~Corintios 10:13

Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.

2~Corintios 4:17

Ñakariykunaqa pisillam hinaspa pasaruqllam, chaymantañam chaskisunchik mana imawanpas tupachiy atina wiña-wiñaypaq hatun kaqkunata.

1~Samuel 27:1

Davidmi yuyaymanayninpi nirqa: Hukkaqnin punchawtachá Saulqa wañurachiwanqa, chaynaqa filisteokunapa nacionninman ayqekusaq, chaypi kaptiyqa Saulqa manañam maskawanqañachu nitaq Israel runakunapa allpanpipas. Chaynatam paypa makinmanta lluptikusaq, nispa.