Génesis 42:28 - CHUYA QELLQA La Biblia en Quechua de Ayacucho 2012

²⁸ Chaymi wawqenkunata nirqa: Qollqeytam kutiykarachimuwasqa, costalniypim tariruni, nispa. Hinaptinmi mancharikuspanku ninakurqaku. ¿Imatataq Diosqa kaywan ruwawachkanchik? nispanku.

Quechua Ayacucho Bible 1987

²⁸ Chaymi nirqa wawqenkunata: —Qollqeytam kutiykarachimuwasqa, costalniypim kasqa —nispa. Hinaptinmi mancharikuywan katkatataspanku ninakurqaku. —¿Imatataq Diosqa rurawachkanchik? —nispanku.

Chuya Qellqa 1992

²⁸ Chaymi wawqenkunata nirqa: Qollqeytam kutiykarachimuwasqa, costalniypim tariruni, nispa. Hinaptinmi mancharikuspanku ninakurqaku. ¿Imatataq Diosqa kaywan ruwawachkanchik? nispanku.

Génesis 42:28 Iomraidhean Croise

Génesis 27:33

Chaymi Isaac sinchita hukmanyaruspan nirqa: Chaynaqa, ¿pitaq hapimusqanta aparamuwarqa? Manaraq chayamuchkaptikim mikuruniña. Bendicionniytapas paymanmi qoykuniña, chaynaqa payñam Diospa bendecisqan kanqa, nispa.

Génesis 42:29

Canaanman chayaruspankum taytanku Jacobman imaynam kamusqankuta willakuspa nirqaku:

Génesis 42:36

Hinaptinmi taytanku Jacob paykunata nirqa: ¿Manaña churiyuqtachu saqeruwankichik? Joseyqa manañam ñoqanchikwanñachu, nitaqmi Simeonpas kaypiñachu, Benjamintapas pusaruptikichikqa, tukuy kaykunawanqa llakimantachá wañurusaq, nispa.

Génesis 43:23

Hinaptinmi chay mayordomo nirqa: Qamkunaqa hawkalla kaychik, ama manchakuychikchu, taytaykichikpa Diosninmi costalnikichikpi pakata hina qoykusurqankichik, qollqekichiktaqa imam kaqtam chaskirqani, nispa. Chaymantam Simeonta paykunaman hurqoramurqa,

1~Reyes 10:5

mesanpi tukuy rikchaq mikuykunatapas, palacionpi yanapaqninkunapa imaynam kawsasqankutapas, criadonkunapa imaynam rikchaynintawan imaynam pachakusqankutapas, reyman copa serviqkunatapas, rikurqataqmi Tayta Diospa templonpi animalkunata ofrecesqankutapas. Chaykunawan admirakuspanmi

Cantares 5:6

Kuyay yanayman punkuta kichaykuptiyqa manañam chaypiñachu kasqa, pasakusqañam, rimasqanpa qepantam almaypas pasakurqa. Maskaspaypas manañam tarirqanichu, qayaptiypas manañam contestamuwarqachu.

Isaías 45:7

Achkiytapas tutayaytapas ñoqallam paqarichini, hawkayaytapas sasachakuytapas ñoqallam rikurichini, ñoqa Tayta Diosmi tukuy chaykunata ruwani, nispa.

Lamentaciones 2:17

Tayta Diosqa tanteasqantam ruwarun, payqa nisqantam cumplirun, ñawpaqmantaraq tuñichiy munasqantam mana llakipayarispan tuñirachin, enemigoykikuna asipayasunaykipaqmi chayta ruwarun, cheqnisuqnikipa atiynintam hatuncharun.

Lamentaciones 3:37

¿Pitaq imatapas rimanman Señorpuni mana kamachikuptinqa?

Levítico 26:36

Qamkunamanta puchuqkunamanñataqmi, enemigonkupa allpanpi kaptinku sonqonkuman manchakuyta churasaq, hinaptinmi sachapa rapin wichiykuptillanpas guerramanta hinaraq ayqenqaku, ayqespankum mana pipa qatisqallan urmanqaku.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Lucas 21:26

Kay pachata imam pasananmanta yuyaymanaspankum runakunapas wañunayanqaku; cielopi atiyniyuqkunapas katkatatanqakum.

Deuteronomio 28:65

Chay nacionkunapiqa purisqallaykichikpi kaspam samaytapas mana tarinkichikchu. Tayta Diosmi mancharisqallataña, weqe ñawintinta hinaspa llakisqallataña kawsachisunkichik.