Génesis 42:24 - CHUYA QELLQA La Biblia en Quechua de Ayacucho 2012

²⁴ Chaymi paykunamanta rakikuykuspa José waqarqa. Sonqon tiyaruptinmi paykunaman kutispan huktawan rimapayaspa qawachkaptinku Simeonta chaqnachispa presocharurqa.

Quechua Ayacucho Bible 1987

²⁴ Joseymi paykunamanta rakikuykuspan waqarqa, chaymantam paykunaman kasqan kutispan rimapayarqa hinaspam Simeonta qawachkaptinku presochaspa chaqnachirqa.

Chuya Qellqa 1992

²⁴ Chaymi paykunamanta rakikuykuspa José waqarqa. Sonqon tiyaruptinmi paykunaman kutispan huktawan rimapayaspa qawachkaptinku Simeonta chaqnachispa presocharurqa.

Génesis 42:24 Iomraidhean Croise

Génesis 34:25

Hinaptinmi kimsa punchawña hatun nanaypi kachkaptinku, Jacobpa iskay churinkuna otaq Dinapa turinkuna Simeonwan Leví, sapakama espadankuta hapispa llaqtaman yaykururqaku, hinaspam llapallan runakunata mana defiendekuy atichkaqta wañurachirqaku.

Génesis 42:23

Paykunaqa manam yacharqakuchu rimasqankuta José entiendesqanta, paykunata José rimapayaptin rimayninkuman huk runa tikrasqanrayku.

Génesis 43:14

Tukuy Atiyniyuq Diosyá chay runapa sonqonman qamkunapaq llakipayakuyta churaykuchun, chaynapi Simeontawan Benjaminta kacharimunanpaq. Churiykunata qechuruwaptinqa imanasaqtaq, mana churiyuqñachiki qepasaq, nispa.

Génesis 43:23

Hinaptinmi chay mayordomo nirqa: Qamkunaqa hawkalla kaychik, ama manchakuychikchu, taytaykichikpa Diosninmi costalnikichikpi pakata hina qoykusurqankichik, qollqekichiktaqa imam kaqtam chaskirqani, nispa. Chaymantam Simeonta paykunaman hurqoramurqa,

Génesis 43:30

Chaymi wawqenmanta waqanayay hapiruptin cuartonman yaykuruspan José waqakururqa.

Génesis 45:1

Joseymi llapallan serviqninkunapa qayllanpi waqayta manaña aguantaspan nirqa: ¡Qayllaymanta llapallaykichik lloqsiychik! nispan. Chaymi serviqninkuna lloqsiruptinku wawqenkunawan José reqsichikurqa,

Génesis 45:2

hinaspam qaparispa waqakurqa, chaytam Egipto runakunapas uyarirurqaku, Faraonpa wasinpi kaqkunapas yacharurqakum.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Lucas 19:41

Jerusalenman hichpaykuspanmi, llaqtata qawarispan Jesús waqarqa:

Romanos 12:15

Kusikuqkunawan kusikuychik, waqaq-kunawan waqaychik.

1~Corintios 12:26

Cuerpopa hukkaqnin parten ñakariptinqa wakiqninkupas ñakarintaqmi, huknin parten allin kuyasqa kaptinqa llapallantaqmi kusikunku.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.