Génesis 42:21 - CHUYA QELLQA La Biblia en Quechua de Ayacucho 2012

²¹ hukninkumanta hukninkukama nina-kurqaku: Cheqaptapunim wawqenchikpa contranpi huchallikururqanchik. Ruega-kuwachkaptinchikpas ñakariyninta qawachkaspam mana uyarirqanchikchu, chayraykum ñoqanchikman kay ñakariy chayaramuwanchik, nispanku.

Quechua Ayacucho Bible 1987

²¹ ninakurqaku: —Cheqaptapunim huchallikururqanchik wawqenchikpa contranpi. Ruegakuwachkaptinchikmi ñakariyninta qawachkaspa mana uyarirqanchikchu chayraykum ñoqanchikman kay ñakariy hamuruwanchik —nispa.

Chuya Qellqa 1992

²¹ hukninkumanta hukninkukama ninakurqaku: Cheqaptapunim wawqenchikpa contranpi huchallikururqanchik. Ruegakuwachkaptinchikpas ñakariyninta qawachkaspam mana uyarirqanchikchu, chayraykum ñoqanchikman kay ñakariy chayaramuwanchik, nispanku.

Génesis 42:21 Iomraidhean Croise

Génesis 41:9

Chaymi rey Faraonta vino serviqkunapa kamachiqnin nirqa: Kunanmi huchayta yuyariruni.

Génesis 44:16

Chaymi Judá nirqa: Manam imatapas nikikumanñachu nitaqmi negakuytapas atiymankuñachu. Mana allin ruwasqaykutam Dios rikurirachin. Chaynaqa, makikipiñam kaniku, vasoyki apaqpiwan kuska qamllataña servinaykupaq, nispa.

Génesis 45:3

Wawqenkunatam José nirqa: Ñoqaqa Joseymi kani, ¿kawsachkanraqchu taytanchik? nispa. Wawqenkunañataqmi manchakuymanta mana ima niytapas atirqakuchu.

Génesis 50:15

Taytanku wañukuptinmi Joseypa wawqenkuna ninakurqaku: Joseyqa ichapas cheqniwachkanchik, hinaspaqa vengakuruwasunmi tukuy mana allin ruwasqanchikmanta, nispanku.

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

1~Reyes 17:18

Chaymi Eliasta viuda nirqa: Diospa runan ¿imatataq contraykipi ruwaruni? ¿Huchaykunata yuyarichiwaspa wawayta wañuchinaykipaqchu hamurqanki? nispa.

Proverbios 21:13

Wakchakunapa qayakuyninta mana uyariq runaqa, yanapakuyta mañakuspapas manam uyarisqachu kanqa.

Proverbios 28:17

Runamasinta wañurachiq runaqa mana pipa harkasqanmi wañuyman chayanankama ayqenqa.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 34:17

Chayraykum ñoqa Tayta Dios kaynata nini: Qamkunaqa aylluykichikkunata libretaña mana kacharispam mana kasuwarqankichikchu, chayraykum ñoqapas qamkunapa contraykichikpi guerrata, peste onqoyta hinaspa yarqayta kacharimusaq, kay pachapi nacionkunapas manchakuymanta katkatatanankama.

Jeremías 4:18

Mana allin kawsaynikiraykum, mana allin ruwaynikikunaraykum, kaykuna pasasunki; mana allinkuna ruwasqaykipa pagonmi kayqa, chayraykum sonqoykita pasaypaqta nanachisunki.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Números 32:23

Nisqaykichikta hina mana ruwaspam ichaqa Tayta Diospa contranpi huchallikunkichik, chaymantaqa cheqaptapunipas castigasqam kankichik.

Mateo 7:2

Imaynam juzgas-qaykichikman hinam Diospas juzga-sunkichik, imaynam ruwasqaykichikman hinataqmi Diospas qamkunawan ruwanqa.

Marcos 9:48

Chaypiqa manam urukunapas wañunchu nitaqmi ninapas wañunchu.

Lucas 16:28

kachkanraqmi pichqa wawqeykuna, paykunamanyá willaramuchun, chaynapi kay ñakariypa kasqanman amaña hamunankupaq”, nispa.

Hechos 19:18

Chaymi achka iñiqkuna hamuspanku llapa runakunaman willakurqaku, ñaw-paqta mana allinkuna ruwasqankumanta.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.

Jueces 1:7

Chaymi rey Adoni-bezec nirqa: Qanchis chunka reykunapa makinkunapa hinaspa chakinkunapa maman dedonkunatam qoruchirqani, paykunam mesaymanta mikuy wichiqkunata huñuspa mikuqku. Diospas ruwasqayman hinallam pagaykapuwan, nispa. Adoni-bezecta Jerusalén llaqtaman pusamuptinkum chaypi wañukurqa.