Génesis 41:8 - CHUYA QELLQA La Biblia en Quechua de Ayacucho 2012

⁸ Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

Quechua Ayacucho Bible 1987

⁸ Chaymi paqarinnintinta Faraon llumpay hukmanyasqallaña kaspan Egipto nacionpi brujokunata hinaspa yachayniyoqkunata qayachirqa. Chay mosqorusqanta willaptinpas manam pipas mosqoyninpa imam ninan willayta atirqachu.

Chuya Qellqa 1992

⁸ Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

Génesis 41:8 Iomraidhean Croise

Génesis 40:6

Paqarinnintin qawaqninku hamuspanmi, paykunata sinchi hukmanyasqata José tarirurqa.

Génesis 40:8

Chaymi paykuna nirqaku: Mosqokurunikum hinaptinmi mana pipas imam ninanta niwaqniyku kanchu, nispanku. Hinaptinmi José paykunata nirqa: Willawaychikyá, Diosmi nisunkichik mosqoynikichikpa imam ninanta, nispa.

Génesis 41:15

Faraonmi Joseyta nirqa: Mosqoyniypa imam ninantam mana pipas willawayta atinchu, ichaqa uyarirqanim mosqoykunata uyariykuspalla imam ninanta willakuq kasqaykita nispa.

Génesis 41:24

Chaymi pusillanña espigakuna qanchis sumaq espigakunata millpururqaku. Chaykunatam willarqani layqakunaman, ichaqa manam mayqanninkupas ima ninanmi kasqantapas willawayta atirqakuchu, nispa.

Génesis 41:7

Hinaspam chay qanchis pusillanña espigakuna poqosqa allin grano espigakunata millpururqaku. Faraón rikchariruptinmi chayqa mosqoylla kasqa.

Éxodo 7:11

Faraonpas yachaysapa runakunatawan layqakunata qayachiptinmi, Egipto nacionniyuq layqakunapas layqayninkuwan chaynata ruwarqaku.

Éxodo 7:22

Egipto nacionniyuq layqakunapas layqayninkuwan chaynata ruwaptinkum Faraonpa sonqon rumiyarurqa, chaymi Tayta Diospa nisqanpi hina Moisestawan Aaronta mana kasurqachu.

Éxodo 8:7

Layqakunapas chaynata ruwaspankum Egipto allpaman karyakunata lloqsichimurqaku.

Éxodo 9:11

Layqakunapas Moisespa ñawpaqninpiqa chupuwan kasqankuraykum mana aguantayta atirqakuchu. Chupum layqakunapi chaynataq lliw Egipto runakunapipas rikurirurqa.

Isaías 19:3

Egipto runakunapa yuyaymanaynintam chinkarachisaq, imapas ruway tanteasqankutam yanqacharusaq, hinaptinmi idolonkuta, layqakunata tapunqaku, wañuqkunapa almankunata tapukunqaku.

Isaías 29:14

Chayraykum huktawan admirakuypaq milagrokunata ruwaspay kay llaqtata yapamanta hukmanyachisaq. Yachaysapa runankunapa yachayninmi tukurunqa, yuyaysapa runankunapa yuyayninmi waspirunqa, nispa.

Isaías 8:19

Sichum runakuna nisunkichik: Espiritistakunata qayakuychik, wachachachaspa upallallamanta rimaq espirituyuqkunata qayakuychik, ¿runakunaqa manachum diosninkuta tapukunmanku? ¿Kawsaqkunaqa manachum wañuqkunapa almanta tapukunmanku? nispanku.

Daniel 1:20

Imapas yachay kaqkunamantawan entiendena kaqkunamanta rey tapuspanmi paykunata chunka kuti aswan yachayniyuqtaraq tarirqa, nacionninpi layqakunamantapas hinaspa qawaqkunamantapas.

Daniel 4:18

“Ñoqa rey Nabucodonosormi chaynata mosqokurqani, chaynaqa Beltsasar, qamyá chay mosqoyniypa imam ninanta niykuway. Kay munaychakuyniypi kaq yachayniyuq runakunaqa manam willawayta atinkuchu, qanmi ichaqa willaykuwankiman, qampiqa chuya dioskunapa espiritunmi kachkan”, nispa.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 4:5

Ichaqa camaypi puñuykuspaymi mancharikuypaqta mosqokururqani, chaymi pensamientopa intusqan hukmanyarurqani.

Daniel 4:6

Chayraykum kamachikurqani Babilonia nacionpi llapallan yachayniyuq runakuna qayllayman hamunankupaq, chaynapi mosqorusqaypa imam ninanta willawanankupaq.

Daniel 4:7

Chaymi hamurqaku layqakuna, qawaqkuna, Caldea lawpi yachayniyuqkuna hinaspa qatipaqkuna-pas. Paykunamanmi imam mosqorus-qayta willarqani, ichaqa manam chay mosqoypa imam ninan willawayta atirqakuchu.

Daniel 5:11

Kay munaychakusqayki nacionpiqa kachkanmiki chuya dioskunapa espiritunpa huntaykusqan runa. Abueloyki rey Nabucodonosorpa tiemponpim chay runaqa dioskuna hina allin yachayniyuq chaynataq allin yuyayniyuq kasqanta qawachikurqa. Chayraykum abueloyki Nabucodonosorqa payta churarurqa layqakunapa, qawaqkunapa, Caldeapi kaq yachayniyuqkunapa hinaspa adivinaqkunapa kamachiqnin kananpaq.

Daniel 7:28

Kaypim chay willawasqan tukun. Ñoqa Danielñataqmi chaykunapi yuyaymanarispay anchata mancharikurqani, uyaypas hukmanyarurqam; ichaqa chaykunata sonqollaypi waqaychaspam mana pimanpas willarqanichu.

Daniel 8:27

Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Levítico 19:31

Alma qayaqkunamanwan qatipaq-kunamanqa amam rinkichikchu, chay-kuna ruwaqta maskaspaqa millakuypaqmi kawaqchik. Ñoqa Tayta Diosmi Diosnikichik kani.

Levítico 20:6

Sichum pipas almakunata qayaqkunaman otaq qatipaqkunaman rispaqa, chuchumikapa ruwaynintam ruwan, hinaptinqa chay runapa contranpi sayariruspaymi llaqtanmanta chinkarachisaq.

Habacuc 3:16

Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

Mateo 2:1

Judá nacionpi rey Herodes munaychakuchkaptinmi, Jesús nacerurqa Judea law Belén llaqtapi. Chay punchawkunapim yachayniyuq runakuna intipa qespimunan lawmanta Jerusalenman chayaramuspanku,

Hechos 17:18

Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Hechos 7:22

Chaynapim Egiptopi tukuy yachaykunata yachachirqaku, chaymi Moisesqa karqa rimayninpipas chaynataq ruwayninpipas hatun yachayniyuq runa.

1~Corintios 1:19

Chuya Qellqapas kaynatam nin: “Yachaysapa runapa yachaynintam chinkarachisaq, yuyaysapa runapa yuyaynintam yanqacharusaq”, nispa.

1~Samuel 6:2

Chaymi filisteokuna, sacerdotekunata chaynataq qatipaqkunata tapunankupaq qayachirqaku: ¿Imatataq Diospa Arcanwan ruwasunchik? Willaykuwayku, ¿imaynatataq maymi kasqanman kutichichwanchik? nispa.