Génesis 41:43 - CHUYA QELLQA La Biblia en Quechua de Ayacucho 2012

⁴³ Hinaspam Joseytaqa allinnin carretapi muyuchimurqa, puntan riqkunañataqmi qaparirqaku: “¡Pay pasananpaq ñanmanta asuriychik!” nispanku. Chaynatam Joseqa Egipto nacionpi kamachikuqpaq churasqa karqa.

Quechua Ayacucho Bible 1987

⁴³ Chaymantam Joseyta muyuchimurqa iskay kaq allin carretanpi hinaptinmi puntanpi kaqkuna qayakurqaku: “¡Pay pasananpaq asuriychik ñanmanta!” nispa. Chaynapim Josey churasqa karqa Egipto lliw nacionpi kamachikuqpaq.

Chuya Qellqa 1992

⁴³ Hinaspam Joseytaqa allinnin carretapi muyuchimurqa, puntan riqkunañataqmi qaparirqaku: “¡Pay pasananpaq ñanmanta asuriychik!” nispanku. Chaynatam José Egipto nacionpi kamachikuqpaq churasqa karqa.

Génesis 41:43 Iomraidhean Croise

Génesis 41:42

Hinaspanmi makinmanta sellanan anillota hurqoykuspa Joseyman churaykurqa, fino linomanta pachawan pachaykachispam kunkanmanpas qorimanta collarta churaykurqa.

Génesis 41:44

Faraonqa nirqataqmi: Ñoqa rey kachkaptiypas Egipto nacionpi runakunaqa qam kamachiptillaykim tukuy imatapas ruwanqaku, nispa.

Génesis 42:30

Egipto nacionpi kamachikuq runam nacionnin wateqaqpaq hapiwaspanku llumpay piñasqallaña rimapayawarqaku.

Génesis 42:33

Hinaptinmi chay nacionpi kamachikuq niwarqaku: “Kaynapim reqsisqaykichik cheqap runakuna kasqaykichikta, huknin wawqekichikta ñoqawan saqeychik hinaspa aylluykichikman mikunankupaq kawsayta aparikuspa kutiychik,

Génesis 42:6

Egipto nacionpim José munaychakuq karqa, paymi llapa runakunaman kawsayta rantikuq. Joseypa wawqenkunam chayaruspanku paypa ñawpaqninpi pampakama kumuykurqaku.

Génesis 45:26

Hinaspam willakurqaku: ¡Joseyqa kawsachkasqam! ¡Lliw Egipto nacionpi kamachikuqmi kasqa! nispanku. Hinaptinmi Jacobpa sonqon yaqa wañunankama tukukurqa, willasqankuta llullapaq hapisqanrayku.

Génesis 45:8

Chaynaqa, manam qamkunachu kaymanqa kachamuwarqankichik, aswanqa Diosmi; paytaqmi Faraonpa umachaqninta churaruwan, chaynapi lliw wasinpipas, Egipto nacionpipas kamachikuq kanaypaq.

Génesis 50:18

Hinaptinmi wawqenkuna hamuspa paypa qayllanpi kumukuykuspa nirqaku: Kunanqa makikipim kaniku, criadoykikunañam kaniku, nispanku.

Génesis 50:9

Joseywanmi rirqaku achkallaña runakuna, carretakunapas hinaspa caballokunapi silladakunapas.

Ester 10:3

Judío Mardoqueoqa llaqtamasinkunapa reqsisqan hinaspa ancha kuyasqanmi karqa; payqa llaqtanpa chaynataq castankunapa allinnintam maskarqa. Atiyniyuq kayninpipas rey Asueropa qatiqllanmi karqa.

Ester 3:2

Chaymi reypa serviqninkunawan palacio punkupi kaqkuna, Amanpa ñawpaqninpi kumuykuqku; chaynataqa ruwarqaku rey kamachikusqanraykum. Mardoqueom ichaqa mana qonqorakuqchu nitaq kumuykuqchu.

Eclesiastés 4:14

Chay joventaqa carcelmanta lloqsimuqña kaptinpas otaq chay nacionninpi wakchaña naceruspa munaychakuyman chayaruptinpas,

Daniel 2:48

Danielta llumpayta hatunchaspanmi achkallaña regalokunata rey qorqa, hinaspam Babilonia lawpi gobernador kananpaq, chaynallataq chay nacionpi llapallan yachayniyuq runakunapa kamachiqnin kananpaq churarqa.

Hechos 7:10

hinaspam llapa ñakariyninkunamanta librarqa. Dios yanapaptinmi Joseyqa allin yachayniyuq karqa, chaymi rey Faraonpas allinpaq qawaspan Joseyta akllarqa Egipto nacionpi hinaspa kikin reypa wasinpi kamachikuq kananpaq.

Filipenses 2:10

chaynapi Jesuspa sutinpi hanaq pachapi kaqkunapas, kay pachapi kaqkunapas chaynataq uku pachapi kaqkunapas qonqorakunankupaq.