Génesis 41:38 - CHUYA QELLQA La Biblia en Quechua de Ayacucho 2012

³⁸ Hinaptinmi runankunata Faraón nirqa: José hina Diospa espiritunwan kaq runataqa manam maypipas tarichwanchu, nispa.

Quechua Ayacucho Bible 1987

³⁸ Hinaptinmi Faraon nirqa paykunata: —Diospa espiritunwan kaq Josey hina runataqa manam tarichwanchu —nispa.

Chuya Qellqa 1992

³⁸ Hinaptinmi runankunata Faraón nirqa: José hina Diospa espiritunwan kaq runataqa manam maypipas tarichwanchu, nispa.

Génesis 41:38 Iomraidhean Croise

Génesis 41:37

Faraonpaqwan yanapaqninkunapaqmi Joseypa nisqankuna allinpaq rikchakapurqa.

Esdras 7:25

Esdras, qamñataqmi Diosnikipa yachay qosusqaykiman hina, haykam Tayta Diospa kamachikuynin yachaqkunamanta juezkunatawan gobernadorkunata churanki, chaynapi Eufrates mayupa intipa seqaykunan lawninpi yachaq runakunata kamachinankupaq; mana yachaqkunatañataqmi qam yachachinki.

Jobwan Sutichasqa Libro 32:8

Cheqaptapunipas runapiqa espiritum kachkan, Tukuy Atiyniyuq Diospa Espiritunmi runataqa entiendechin.

Proverbios 14:35

Yachayniyuq runaqa reypa kuyakuynintam tarin, penqayman churaqninmi ichaqa piñakuyninta tarinqa.

Proverbios 22:29

Pipas ruwananta allinta llamkakuqqa reykunatam servinqa, manam huk runataqa servinqachu. -6-

Isaías 19:11

Zoán llaqtapi kamachikuqkunaqa llumpay roqrukunam. Rey Faraonpa yachaysapa consejeronkunapas mana pasaqtam consejanqaku. Ninkuraqmi: Yachayniyuqmi ñoqaykuqa kaniku, ñoqaykuqa ñawpaq reykunapa castanmi kaniku, nisparaq.

Daniel 4:18

“Ñoqa rey Nabucodonosormi chaynata mosqokurqani, chaynaqa Beltsasar, qamyá chay mosqoyniypa imam ninanta niykuway. Kay munaychakuyniypi kaq yachayniyuq runakunaqa manam willawayta atinkuchu, qanmi ichaqa willaykuwankiman, qampiqa chuya dioskunapa espiritunmi kachkan”, nispa.

Daniel 4:6

Chayraykum kamachikurqani Babilonia nacionpi llapallan yachayniyuq runakuna qayllayman hamunankupaq, chaynapi mosqorusqaypa imam ninanta willawanankupaq.

Daniel 5:11

Kay munaychakusqayki nacionpiqa kachkanmiki chuya dioskunapa espiritunpa huntaykusqan runa. Abueloyki rey Nabucodonosorpa tiemponpim chay runaqa dioskuna hina allin yachayniyuq chaynataq allin yuyayniyuq kasqanta qawachikurqa. Chayraykum abueloyki Nabucodonosorqa payta churarurqa layqakunapa, qawaqkunapa, Caldeapi kaq yachayniyuqkunapa hinaspa adivinaqkunapa kamachiqnin kananpaq.

Daniel 5:14

Uyarirqanim dioskunapa espiritunwan huntasqa kasqaykita hinaspa ancha yuyayniyuq chaynataq llumpay yachayniyuq kasqaykitapas.

Daniel 6:3

Danielqa wakin kamachikuqkunamantapas chaynataq llapallan gobernadorkunamantapas ancha reqsisqam rikurirurqa, admirakuypaq espirituyuq kasqanrayku. Chaymi reyqa tantearurqa, lliw munaychakuyninpi kamachikunanpaq Danieltaña churaruyta.

Daniel 6:4

Chayraykum kamachikuqmasinkunapas hinaspa lliw gobernadorkunapas Danielpa pantasqanta maskarqaku chayman hina acusanankupaq, ichaqa manam ima pantaytapas tarirqakuchu; Danielqa imatapas yachaywanmi ruwarqa.

Números 27:18

Tayta Diosñataqmi nirqa: Nunpa churin Josueymi espiritupa huntasqan kachkan, payta akllaspam umanman makikita churanki.