Génesis 41:34 - CHUYA QELLQA La Biblia en Quechua de Ayacucho 2012

³⁴ Kaytawan ruway: Sapa llaqtapi kamachikuqkunata churay, chaynapi Egipto nacionpi qanchisnintin wata sumaqllaña cosechakunamanta, pichqa costalmanta hukninta huñuspa waqaychanankupaq.

Quechua Ayacucho Bible 1987

³⁴ Kaynatayá ruray: llaqtakunapiyá gobernadorkunata churay chaynapi Egipto nacionpi qanchisnintin wata sumaqllaña kaq cosechakunamanta huñunankupaq, pichqa costalmanta huknintayá waqaychachunku.

Chuya Qellqa 1992

³⁴ Kaytawan ruway: Sapa llaqtapi kamachikuqkunata churay, chaynapi Egipto nacionpi qanchisnintin wata sumaqllaña cosechakunamanta, pichqa costalmanta hukninta huñuspa waqaychanankupaq.

Génesis 41:34 Iomraidhean Croise

Génesis 41:33

Chaynaqa, kunanpuni maskay allin yuyayniyuq chaynataq yachayniyuq runata hinaspa churay Egipto nacionpi kamachikunanpaq.

Génesis 41:35

Chaynaqa, kay hamuq allin wata-kunapiyá qampa qawasqaykita llapallan kawsayta huñuchunku. Llapa trigokunatayá sapa llaqtapi taqechunku, muchuy tiempopi runakuna mikunankupaq.

Génesis 47:24

Cosechaspam ichaqa pichqa costalmanta huknin costalta Faraonman qonkichik, wakin tawa costalñataqmi chakrapi tarpunaykichikpaq hinaspa aylluykichikkunapiwan mikunaykichikpaq kanqa, nispa.

Génesis 47:26

Chaynapim Joseyqa huk kamachikuyta churarqa, Egipto nacionpi chakrakunamanta pichqa costalmanta huk costalta Faraonman qonankupaq. Chay kamachikuyqa hinallam kunankamapas kachkan. Sacerdotekunapa chakranmi ichaqa mana Faraonpachu karqa, chayraykum paykunaqa mana impuestotaqa pagarqakuchu.

2~Crónicas 34:12

Chay runakunam allin sonqowan llamkarqaku. Capatazkunam karqaku Leví ayllumanta kaq Meraripa miraynin Jahatwan Abdías, Coatpa miraynin Zacariaswan Mesulam hinaspa rikchaqmana tocanankunata tocaq levitakunapas.

Nehemías 11:9

Paykunapa kamachiqninkum karqa Zicripa churin Joel, Judapa churin Senuañataqmi Jerusalén llaqtapi iskay kaq kamachikuq karqa.

Jobwan Sutichasqa Libro 5:20

Yarqay tiempopipas wañuymantam waqaychasunki, guerra tiempopipas espadamantam hurqoykusunki.

Proverbios 22:3

Allin tanteakuq runaqa sasachakuyta qawarispam suchurikun, mana yachayniyuq runam ichaqa sasachakuyman yaykuruspan ñakarin.

Proverbios 27:12

Yachayniyuq runaqa sasachakuyta qawaspam asurikun, mana yuyaymanayniyuqmi ichaqa sasachakuyman yaykuspa ñakarin.

Números 31:14

Ichaqa Moisesmi piñakururqa guerramanta kutimuq tropakunapa kamachiqninkunapaqwan waranqa soldadokunapa chaynataq pachak soldadokunapa kamachiqkunapaq.

Lucas 16:5

Chaymi haykam patronnin debeqkunata sapakamata qayaspan, hukninta nirqa: “¿Haykataq patronniyta debenki?” nispa.