Génesis 41:14 - CHUYA QELLQA La Biblia en Quechua de Ayacucho 2012

¹⁴ Hinaptinmi Joseyta Faraón qayachispa utqayllaman carcelmanta hurqochimurqa. Chukchanta rutuspam pachantapas mudaykachispa rey Faraonman pusamurqaku.

Quechua Ayacucho Bible 1987

¹⁴ Chaymi Faraon qayachimurqa Joseyta. Apurawtam horqochimurqaku carcelmanta. Chukchanta rutuspam pachantapas mudaykachispa Rey Faraonman pusamurqaku.

Chuya Qellqa 1992

¹⁴ Hinaptinmi Joseyta Faraón qayachispa utqayllaman carcelmanta hurqochimurqa. Chukchanta rutuspam pachantapas mudaykachispa rey Faraonman pusamurqaku.

Génesis 41:14 Iomraidhean Croise

2~Samuel 19:24

Saulpa willkan Mefi-bosetpas rey chaskiqmi lloqsirqa, payqa manam chakintapas mayllakurqachu, barbantapas manam siksikurqachu, nitaqmi pachantapas taqsakurqachu reypa lloqsisqan punchawmanta Jerusalenman hawkalla kutimunankama.

2~Reyes 25:29

Carcelpi kasqan pachankunatapas mudarachiptinmi rey Joaquinqa wañukunan punchawkama Babiloniapa reynin Evil-merodacwan kuska mikurqa.

Ester 5:1

Kimsa punchaw pasaruptinmi reina pachawan Ester pachakurqa, hinaspam reypa palacionpa uku patioman yaykuspa chayarurqa reypa tiyananpa chimpa corredorninman. Reyñataqmi trononpi tiyachkarqa.

Éxodo 10:16

Hinaptinmi utqayllamanña Moisestawan Aaronta qayachimuspan Faraón nirqa: Tayta Diospa chaynataq qamkunapa contraykichikpim huchallikuruni.

Eclesiastés 4:14

Chay joventaqa carcelmanta lloqsimuqña kaptinpas otaq chay nacionninpi wakchaña naceruspa munaychakuyman chayaruptinpas,

Isaías 61:10

Isaiasmi kaynata nirqa: Tayta Diospim llumpayta kusikuni, Diosniypim sonqomanta kusikuni. Salvakunapaq pachawanmi pachaykachiwan, allin ruway capawanmi churaykachiwan, noviota hinam coronaykachiwan, alhajakunawan adornasqa noviata hinam adornaykuwan.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Daniel 2:25

Hinaptinmi utqayman Arioc pusarqa Danielta rey Nabucodonosorpa ñawpaqninman hinaspam kaynata nirqa: Reynilláy, Judá nacionmanta preso hamuqkuna ukupim tariramuni mosqorusqaykipa imam ninantapas willasuqniki atiqta, nispa.