Génesis 4:2 - CHUYA QELLQA La Biblia en Quechua de Ayacucho 2012

² Huktawan wiksayakuruspanmi huk qari wawata wachakurqa. Paytam Abel nispa suticharqa. Cainmi karqa chakra llamkaq, Abelñataqmi karqa oveja michiq.

Quechua Ayacucho Bible 1987

² Chaymantañataqmi Cainpa wawqen Abelta wachakurqa. Abelqa ovejakuna michiqmi karqa, Cainñataqmi karqa chakrapi llamkaq.

Chuya Qellqa 1992

² Huktawan wiksayakuruspanmi huk qari wawata wachakurqa. Paytam Abel nispa suticharqa. Cainmi karqa chakra llamkaq, Abelñataqmi karqa oveja michiq.

Génesis 4:2 Iomraidhean Croise

Génesis 3:23

Chaymi Tayta Dios Edén huertamanta runata qarqorurqa allpata llamkananpaq, payqa allpamanta ruwasqam karqa.

Génesis 37:13

Chaymi Joseyta Israel nirqa: Wawqekikunam Siquem lawpi ovejata michichkanku, paykunata watukaramuy, nispa. Joseyñataqmi nirqa: Rirusaqyá, nispa.

Génesis 4:1

Adanmi warmin Evawan puñurqa hinaptinmi wiksayakuruspan qari wawata wachakururqa, paytam Caín nispa suticharqa, chaymi Eva nirqa: Tayta Diospa munasqanman hinam huk qari wawata wachakuruni, nispa.

Génesis 4:3

Cainmi watakunapa risqanman hina, chakranpi tarpusqan kawsaykunamanta apamurqa Tayta Diosman ofrendata qonanpaq.

Génesis 47:3

Chaymi Joseypa wawqenkunata Faraón tapurqa: ¿Ima oficioyuqtaq kankichik? nispan. Paykunañataqmi nirqaku: Serviqnikikunaqa ñawpaq taytaykumantapacham oveja michiqkuna kaniku.

Génesis 9:20

Chaymantam Noeyqa chakrapi llamkayta qallarispa uvasta plantarqa.

Éxodo 3:1

Moisesmi Madianpi sacerdote suegron Jetropa ovejankunata michichkaspan chunniqninta qatispan Diospa sapaqchasqan Horeb orqokama chayarurqa.

Amós 7:15

Ichaqa Tayta Diosmi ovejata michichkaptiy qayaykuwaspan kamachiwarqa: “Israel llaqtayman riy hinaspa ñoqamanta willamuy”, nispan.

Lucas 11:50

Chayraykum kay miraykunamanta cuentata Dios mañanqa, kay pachapa qallariyninmantapuni llapa profetakunapa yawarnin chaqchusqankumanta,

Lucas 11:51

Abelpa wañusqanmanta qallaykuspa Zacariaskama, Zacariastam altarmanta santuarioman rinapi wañurachirqaku. Chayraykum nikichik, paykunapa wañusqanmantam kunan miraykunata cuentata Dios mañanqa.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

1~Juan 3:12

Amayá Caín hinachu kasun, payqa diablopa runanmi karqa, chaymi wawqenta wañurachirqa. ¿Imanasqataq wañurachirqa? Paypa ruwayninkuna mana allin kasqanraykum, Abelpa ruwayninkunañataqmi allin karqa.

1~Juan 3:15

Pipas iñiqmasinta cheqniqqa runa wañuchiqmi. Yachasqanchikpi hinapas runamasin wañuchiqqa manaraqmi wiñay kawsayniyuqchu.