Génesis 39:9 - CHUYA QELLQA La Biblia en Quechua de Ayacucho 2012

⁹ Kay wasipiqa ñoqamanta aswan munayniyuqqa manam pipas kanchu. Wasinpi tukuy iman kaqkunatam nanachikunaypaq saqeykuwan, qamllatañam manaqa saqewarqachu warmin kasqaykirayku. ¿Imaynataq kay mana allinta ruwaspay Diospa contranpi huchallikuyman? nispa.

Quechua Ayacucho Bible 1987

⁹ Manam kay wasipiqa ñoqamanta aswan atiyniyoqqa pipas kanchu. Kayqayá wasinpi tukuy kaqta patronniy entregaykuwan ichaqa qamllatañam mana qowanchu warmin kasqaykirayku. ¿Imaynataq kay mana allinta ruraspayqa Diospa contranpiqa huchallikuyman? —nispa.

Chuya Qellqa 1992

⁹ Kay wasipiqa ñoqamanta aswan munayniyuqqa manam pipas kanchu. Wasinpi tukuy iman kaqkunatam nanachikunaypaq saqeykuwan, qamllatañam manaqa saqewarqachu warmin kasqaykirayku. ¿Imaynataq kay mana allinta ruwaspay Diospa contranpi huchallikuyman? nispa.

Génesis 39:9 Iomraidhean Croise

Génesis 13:13

Sodomapi runakunaqa llumpay mana allin runakunam karqaku, Tayta Diospa contranpim millakuypaq kaqkunata ruwaspa anchata huchallikuqku.

Génesis 20:3

Chaymi Abimelecman chay tuta musqoyninpi rikuriykuspan Dios nirqa: Kunanqa wañunkim, kay pusachimusqayki warmiqa qosayuqmi, nispa.

Génesis 20:6

Hinaptinmi musqoyninpi Dios nirqa: Yachanim allin sonqowan ruwasqaykita, chayraykum Sarata llapchayllapas llapchaykunaykimanta harkakurqayki, chaynapi contraypi mana huchallikunaykipaq.

Génesis 20:9

Chaymantam Abimelecqa Abrahamta qayachispa nirqa: ¿Imatataq kayta ruwaruwankiku? ¿Imapitaq qamta pantarqayki ñoqatawan runaykunata llumpayta huchallichiwanaykikupaq? Mana ruwanaykitam kaytaqa ruwaruwanki.

Génesis 24:2

Abrahammi tukuy imankunamanta nanachikuq mayornin kaq serviententa nirqa: Kunanyá makikita piernay ukuman churay,

Génesis 39:10

Sapa punchawmi Joseyta chay warmi hikutaq paywan puñunanpaq, Joseymi ichaqa mana munakuqchu.

Génesis 41:40

Qanmi kay palacioypi kamachikunki, lliw runaykunam kamachisqaykita kasusunki. Ñoqallañam rey kasqayrayku qanmanta masqa kasaq, nispa.

Génesis 42:18

Kimsa punchawmantam paykunata José nirqa: Ñoqaqa Diostam kasukuni, kawsakuyta munaspaqa kaynata ruwaychik:

2~Samuel 11:27

Lutokusqan tiempo pasaruptinmi Uriaspa viudanta palacionman David pusachimurqa. Chaymi warminña kaspan Davidpa qari churinta wachakurqa. Ichaqa Davidpa ruwarusqanqa manam Tayta Diospa munasqanman hinachu karqa.

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Nehemías 6:11

Chaymi nirqani: Ñoqa hina qarikunaqa manam ayqenchu, manataqmi salvakunanpaqpas Diospa wasinpiqa pakakunchu. Ñoqaqa manam yaykusaqchu, nispay.

Jobwan Sutichasqa Libro 31:23

Ñoqallayqa Diospa castigontam manchakurqani, paypa qayllanpiqa manam hoqarikuyta atiymanchu.

Éxodo 20:14

Amam hukwanqa waqllikunkichu.

Proverbios 6:29

Runamasinpa warminwan puñuruq runaqa, cheqaptapunim castigasqa kanqa.

Proverbios 6:32

Hukpa warminwan huchallikuq runaqa mana yachayniyuq runam; chayta ruwaq runaqa kikillanmi tuñichikuchkan.

Eclesiastés 7:26

Kaytam tarirurqani: Warmiqa wañuymantapas aswanraq ñakarichikuq kasqanta, wichichikuq trampa hina kasqanta, sonqonpas toqlla hina kasqanta, makinkunapas cadena hina kasqanta. Diosta kasukuqkunallam chay warmimantaqa lluptiyta atinqa, huchasapa runam ichaqa chaylla wichiykunqa.

Jeremías 28:16

Chayraykum Tayta Dios kaynata nisunki: Kay pachamantam chinkarachisqayki. Runakunata umachaspa ñoqapa contraypi hatarichisqaykimantam kunan wata wañunki, nispa.

Jeremías 50:7

Enemigonkunam tariruspanku mikururqaku, hinaspam kaynataraq nirqaku: “Manam ñoqanchikpaqqa huchanchikchu, paykunaqa Tayta Diospa contranpim huchallikururqaku. Tayta Diosqa mikunanku pasto hinam karqa, ñawpa taytankupa hapipakunanmi payqa karqa”, nispanku.

Levítico 20:10

Sichum pi qaripas runamasinpa warminwan waqllikuruptinqa iskayninkum wañuchisqa kanqaku.

Levítico 6:2

Pipas runamasinta engañaspa imapas churachikusqanta otaq prestasqanta hapikuykuq runaqa ñoqa Tayta Diospa contraypim huchallikurun. Contraypitaqmi huchallikurun imapas waqaychachikusqanta hapikuykuq runaqa, suwakuq runaqa, negociopi engañakuq runaqa,

Números 32:23

Nisqaykichikta hina mana ruwaspam ichaqa Tayta Diospa contranpi huchallikunkichik, chaymantaqa cheqaptapunipas castigasqam kankichik.

Lucas 12:48

Sichum patronninpa imam munasqanta mana yachasqanrayku imapipas faltakuruq sirvienteqa pisilla castigasqam kanqa. Achkanpi chaskiqtaqa achkanpitaqmi mañanqapas. Achkanpi confiasqa runamantapas achkanpitaqmi mañanqa.

1~Corintios 4:2

Allin mayordomoqa patronpa kamachisqantam cumplin.

Tito 2:10

ama imantapas suwakuspayá confianza runakuna kachunku chaynata ruwaspam salvaqninchik Diospa yachachikuyninkunata vidankuwan tukuy imapi sumaqllataña qawachinqaku.

Hebreos 13:4

Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan hucha-pakuqkunatam ichaqa Dios juzganqa.

1~Juan 3:9

Diospaqña musoqmanta naceqkunaqa manañam huchallikunkuñachu Diospa kawsaynin paykunapi kasqanrayku, manañaqa huchallikunkuchu Diospa churinña kasqankuraykum.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.