Génesis 39:3 - CHUYA QELLQA La Biblia en Quechua de Ayacucho 2012

³ Potifarmi qawarqa Joseywan Tayta Dios kasqanta chaynataq tukuy ruwasqanpipas yanapasqanta.

Quechua Ayacucho Bible 1987

³ Patronninmi qawarqa Joseytaqa Tayta Dios yanapasqanta chaynataq tukuy rurasqanpipas Tayta Dios allinllataña favorecesqanta.

Chuya Qellqa 1992

³ Potifarmi qawarqa Joseywan Tayta Dios kasqanta chaynataq tukuy ruwasqanpipas yanapasqanta.

Génesis 39:3 Iomraidhean Croise

Génesis 21:20

Dios yanapaptinmi warmaqa hatunyaruspan chunniqpi yacharqa, hinaspanmi flecha manejayta yacharurqa.

Génesis 21:22

Chay tiempopim Abimelecqa tropanpa capitannin Ficolpiwan Abrahamta watukuspa nirqaku: Diosmi tukuy ima ruwasqaykipi qanwan kachkan.

Génesis 21:23

Kunanyá Diosrayku prometewayku ñoqatapas, churiykunatapas chaynataq willkaykunatapas ama imanawanaykikupaq. Contrato ruwasqanchikman hinayá ruway ñoqawanpas, chaynallataq kay yachasqayki allpapi runakunawanpas, nispa.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 26:28

Chaymi paykunañataq nirqaku: Yachanikum Tayta Dios qanwan kasqanta, chaymi piensarqaniku juraspa qanwan pacto ruwayta, chay pactoqa kaynam kanqa:

Génesis 30:27

Chaymi Labán nirqa: Ama hina kaspaykiyá amaraq ripukuychu, qawakuykunim qamrayku Tayta Dios bendeciwasqanta.

Génesis 30:30

Manaraq chayamuptiyqa asllam kapusurqanki. Kaypi kasqaymantam ichaqa Tayta Dios bendecisuptiki achkallataña mirarun. ¿Haykapiñamá kikiypa aylluypaqqa llamkasaq? nispa.

Génesis 39:2

Ichaqa Tayta Diosmi Joseywan karqa, chaynapim payqa Egipto nacionniyuq patronninpa wasinpi yachaspa ima ruwasqanpipas allin lloqsirqa.

Génesis 39:21

Ichaqa Tayta Diosmi Joseywan karqa hinaspam kuyapayarqa, carcelpi kamachikuqwanpas allinpaqmi qawachirqa.

Génesis 39:23

Carcelpi kamachikuqmi Joseyman kunaykusqan punchawmanta manaña preocupakurqañachu Joseywan Dios kasqanrayku. Tayta Dios yanapaptinmi tukuy ima ruwasqanpas allin karqa.

2~Reyes 18:7

Paywan Tayta Dios kasqanraykum tukuy ima ruwasqanpas allin lloqsirqa. Ezequiasmi Asiria nacionpa reyninpa contranpi hoqarikuruspan manaña payta servirqachu.

1~Crónicas 22:13

Sichum Israelpa mirayninkunaman Moisesnintakama Tayta Diospa qosqan kamachikuykunata, decretonkunata kasukunki, hinaptinqa ima ruwasqaykipas allinmi lloqsinqa. Chaynaqa, kallpanchakuspayá qarinchakuy, ama manchakuychu nitaq hukmanyaychu.

1~Crónicas 9:20

Sacerdote Eleazarpa churin Fineesmi ñawpaqta paykunapa kamachiqninku karqa. Tayta Diosmi paywan karqa.

2~Crónicas 1:1

Davidpa churin Salomonmi munaychakuyninta allinta takyarachirqa. Tayta Diosmi paywan kaspan ancha atiyniyuqta ruwarurqa.

2~Crónicas 26:5

Zacarías kawsanankamaqa Tayta Diostam allinta maskarqa, Zacariasmi Tayta Dios respetayta yachachirqa. Tayta Diosta maskasqanraykum anchata bendecirqa.

Nehemías 2:20

Ñoqañataqmi paykunata nirqani: Hanaq pachapi munaychakuq Diosmi yanapawanqaku, ñoqayku serviqninkunaqa hatarispaykum perqasaqku. Qamkunaqa ama chapukamuwaykuchu, manataqmi Jerusalén llaqtayuqchu kankichik, nispa.

Zacarías 8:23

Tukuy Atiyniyuq Tayta Diosmi kaynata nin: Chay punchawkunapim, tukuy rikchaq rimayniyuq huklaw nacionkunamanta chunka runakuna, Judá nacionniyuq runata capanmanta hapipakuruspa ninqaku: “Qamkunawan riytam munaniku, qamkunawan Dios kasqantam uyariruniku”, nispanku.

Mateo 5:16

Chaynayá qamkunapas runakunapa qayllanpi achkiychik, chaynapi allin ruwasqaykichikta qawaspanku hanaq pachapi kaq Taytaykichikta yupaychanankupaq.

1~Corintios 16:2

Sapakamayá ganasqaykichikman hina sapa domingo ofrendaykichikta huñuychik, chaynapi chayamuptiyraq ama huñuchkanaykichikpaq.

Deuteronomio 2:7

Señornikichik Tayta Diosmi tukuy ima ruwasqanchikpi bendeciwarqanchik, tawa chunka watañam ñoqanchikwan kasqanqa, chaymi kay manchakuypaq chunniqpi puriptinchikpas mana imapas pisiwarqanchikchu.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Apocalipsis 3:9

Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.

1~Samuel 18:14

Tayta Dios yanapaptinmi Davidqa tukuy imata allinta ruwaq.

1~Samuel 18:28

Ichaqa chayta qawaykuspanmi Saúl aswanraq yacharurqa Davidtaqa Tayta Diospuni yanapasqanta, qawaykurqataqmi imaynam churin Micalpas Davidta kuyasqanta.

1~Samuel 3:19

Samuelpa wiñasqanman hinam, Tayta Diosqa paywan karqa; payqa manam usuchirqachu nitaqmi yanqacharqachu Diospa Chuya simintapas.