Génesis 38:24 - CHUYA QELLQA La Biblia en Quechua de Ayacucho 2012

²⁴ Kimsa killa pasaruptinmi Judaman kaynata willaykurqaku: Llumchuyniki Tamarmi huchapakuruspa wiksayuq rikurirun, nispanku. Chaymi Judá nirqa: Hurqomuspa kañaychik, nispa.

Quechua Ayacucho Bible 1987

²⁴ Kimsa killa pasaruptinmi Judaman willamurqaku: —Llumchuyniki Tamarqa huchapakurunmi hinaspam wiksayoq kachkan —nispa. Chaymi Juda nirqa: —Horqomuspa kañaychik —nispa.

Chuya Qellqa 1992

²⁴ Kimsa killa pasaruptinmi Judaman kaynata willaykurqaku: Llumchuyniki Tamarmi huchapakuruspa wiksayuq rikurirun, nispanku. Chaymi Judá nirqa: Hurqomuspa kañaychik, nispa.

Génesis 38:24 Iomraidhean Croise

Génesis 20:3

Chaymi Abimelecman chay tuta musqoyninpi rikuriykuspan Dios nirqa: Kunanqa wañunkim, kay pusachimusqayki warmiqa qosayuqmi, nispa.

Génesis 20:7

Chaynaqa, kunanyá chay warmita qosanman kutichipuy, payqa profetaymi, mañapusunkim mana wañunaykipaq. Mana kutichipuspaykiqa llapallan runaykikunapiwanmi wañunki, nispa.

Génesis 20:9

Chaymantam Abimelecqa Abrahamta qayachispa nirqa: ¿Imatataq kayta ruwaruwankiku? ¿Imapitaq qamta pantarqayki ñoqatawan runaykunata llumpayta huchallichiwanaykikupaq? Mana ruwanaykitam kaytaqa ruwaruwanki.

Génesis 34:31

Chaymi paykunañataq nirqaku: ¿Chuchumikata hinachu paniykuta ruwanman karqa? nispanku.

Génesis 38:23

Hinaptinmi Judá nirqa: Mana tarimuptikiqa hinañayá chay saqemusqayta apakuchun, ama pipas asipayawananchikpaq. Ñoqaqa kay chivatochatam apachirqayki, aswanqa manam tarimunkichu, nispa.

2~Samuel 12:5

Chayta David uyariruspanmi chay runapa contranpi llumpayta piñakuruspan Natanta nirqa: Kawsaq Tayta Diosraykum jurani, chayna runaqa wañunanpunim.

2~Samuel 12:7

Chaymi Davidta Natán nirqa: Chay runaqa qanmi kanki. Israelpa yupaychasqan Tayta Diosmi kaynata nin: “Ñoqam aceitewan tallichispay Israel nacionpi munaychakunaykipaq sapaqcharqayki, Saulpa makinmantapas libraspay.

Eclesiastés 7:26

Kaytam tarirurqani: Warmiqa wañuymantapas aswanraq ñakarichikuq kasqanta, wichichikuq trampa hina kasqanta, sonqonpas toqlla hina kasqanta, makinkunapas cadena hina kasqanta. Diosta kasukuqkunallam chay warmimantaqa lluptiyta atinqa, huchasapa runam ichaqa chaylla wichiykunqa.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 3:8

Rikurqataqmi hukwan pierdesqanrayku mana kasukuq Israelmanta rakikusqaytapas; ichaqa paypas ñañan hinam mana kasukurqachu, aswanraqmi mana manchakuwaspan chuchumika warmi hina qanrakurqa.

Ezequiel 16:15

Ichaqa kuyayllapaq kaynikimanmi hapipakururqanki, hinaspam ancha reqsisqa kasqaykirayku chuchumika hinaña rikurirurqanki, llapallan chayninta puriqkunawanmi qanrakurqanki.

Ezequiel 16:25

Ñanpa hawankunapim capillakunata hatarichirqanki, chaykunapim kuyayllapaq kaynikita qachacharqanki. Chayninta puriqmanqa lliwmanmi cuerpoykita qorqanki. Hukwan-hukwanmi qanrakurqanki.

Ezequiel 16:26

Vecinoyki Egipto runakunawanmi qanrakurqanki, chuchumika kaynikipi millakuypaq kaqkunata ruwaspam piñachiwarqanki.

Ezequiel 16:28

Chaywanpas mana wanaspam Asiria runakunawanpas qanrakurqanki, ichaqa manam chaywanpas contentarqankichu.

Ezequiel 16:41

Wasikitapas kañaspankum llapa warmikunapa qayllanpi juzgasunki. Chaynapim hukwan-hukwan qanrakuynikita puchukarachisaq, hinaptinmi waynaykikunamanpas manaña pagankiñachu.

Ezequiel 23:19

Payqa aswanraqmi hukninwan-hukninwan qanrakurqa, Egipto nacionpi sipas kayninpi chuchumika kayninta yuyarispanmi

Ezequiel 23:44

Chuchumika warmiman hinaraqmi, hukwan-hukwan kakuq Aholaman hinaspa Aholibaman hamurqaku millay warmikuna.

Ezequiel 23:5

Aholam ñoqawan kachkaspan hukwan-hukwan kakuyta qallaykurqa, Asiria nacionniyuq tropakunata kuyaruspanmi paykunawan pierdekururqa.

Oseas 2:5

Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Oseas 3:3

Hinaspaymi nirqani: Qamqa unaypaqmi warmiy kanki; chaynaqa amam huchapakunkiñachu nitaqmi qarikunawanpas kakunkiñachu, ñoqapas manam qanwanqa puñusaqchu, nispay.

Oseas 4:15

Israelpa mirayninkuna, qamkuna waqllikuspa huchallikuptikichikpas, amayá Judá ayllukunaqa huchallikuchunkuchu. Amaña Gilgal llaqtamanpas riychikñachu, nitaq Bet-avén orqomanpas seqaychikñachu, Tayta Diospa sutinpipas amaña juraychikñachu.

Levítico 20:10

Sichum pi qaripas runamasinpa warminwan waqllikuruptinqa iskayninkum wañuchisqa kanqaku.

Levítico 21:9

Sacerdotepa warmi churin penqayman churakuspan chuchumikaña rikuriruspanqa taytantam penqayman churachkan, paytaqa kawsachkaqtam kañanqaku.

Romanos 14:22

Kaykunapi iñisqaykimantaqa sonqollaykipi waqaychaspayki Diosllaman willakuy. Mayna kusisqam imapas ruwasqanmanta sonqon “allinmi” niptinqa.

Deuteronomio 24:16

Wawa-churinkupa huchallikusqanmantaqa amam tayta-mamantaqa wañuchinkichikchu, nitaqmi tayta-mamanpa huchanmantapas wawa-churintaqa wañuchinkichikchu. Huchallikuspaqa sapakamam huchankumanta wañunqaku.

Jueces 19:2

Hinaptinmi chay warmiqa piñakuruspan Judá law Belén llaqtapi taytanpa wasinman kutikurqa. Tawa killaña chaypi kachkaptinmi,