Génesis 37:4 - CHUYA QELLQA La Biblia en Quechua de Ayacucho 2012

⁴ Taytankupa llumpay kuyasqanta qawaspankum wawqenkunaqa Joseyta cheqnikurqaku, hinaspam allillaqa rimapayaqkupaschu.

Quechua Ayacucho Bible 1987

⁴ Taytanmi Joseyta kuyarqa wakin churinkunamantapas aswan masta chayraykum wawqenkuna cheqniqku hinaspam piñasqalla rimapayaqku Joseyta.

Chuya Qellqa 1992

⁴ Taytankupa llumpay kuyasqanta qawaspankum wawqenkunaqa Joseyta cheqnikurqaku, hinaspam allillaqa rimapayaqkupaschu.

Génesis 37:4 Iomraidhean Croise

Génesis 27:41

Jacobta taytan bendeciykusqanraykum Esaú llumpayta cheqnikuruspan kaynata tantearqa: “Taytay wañuruptinmi wawqey Jacobta wañurachisaq”, nispa.

Génesis 37:11

Chaymi Joseymanta wawqenkuna envidiakurqaku, taytanñataqmi chay willasqan mosqoymanta yuyaymanarqa.

Génesis 37:5

Huk kutipim José mosqokururqa hinaspam wawqenkunaman willarqa, chaynapim paykunaqa aswanraq cheqnirurqaku.

Génesis 4:5

Cainpa ofrendantam ichaqa mana chaskirqachu, hinaptinmi Caín sinchita piñakururqa rikchayninpas hukmanyanankama.

Génesis 49:23

Payta cheqnikuspankum flechakunawan flechamunku, yuya-yuyarispam paytaqa kamimunku.

Jeremías 12:6

Wawqekikunawan aylluykikunapas traicionarusunkim, qepaykipiqa hatunmantaraqmi insultasunki. Kuyakuyllawanña rimapayasuptikipas ama paykunapiqa hapipakuychu.

Marcos 3:25

Huk ayllupas rakinasqa kaspaqa manataqmi takyanmanchu.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

1~Juan 2:11

Pipas iñiqmasinta cheqniqqa tutayaypiraqmi kawsachkan, payqa manam yachanchu mayman risqantapas, ñawinta tutayay ñawsayarachisqanrayku.

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

1~Juan 3:12

Amayá Caín hinachu kasun, payqa diablopa runanmi karqa, chaymi wawqenta wañurachirqa. ¿Imanasqataq wañurachirqa? Paypa ruwayninkuna mana allin kasqanraykum, Abelpa ruwayninkunañataqmi allin karqa.

1~Juan 4:20

Sichum pipas: “Diostaqa kuyanim” nichkaspan runamasintañataq cheqninman, chayna runaqa llullam. Rikuchkasqan runamasinta mana kuyaspaqa, ¿imay-nataq mana rikusqan Diostaqa kuyan-man?

1~Samuel 17:28

Davidpa mayor wawqen Eliabmi ichaqa, chay runakunawan rimasqanta uyariruspan Davidpaq piñakurqa, hinaspam nirqa: ¿Imamantaq hamurqanki? ¿Pimantaq aslla ovejakunata saqeramunki? Ñoqaqa yachanim hatun tukuq kaspayki mana allinta sonqoykipi tanteasqaykita. Qamqa hamurqanki guerrata qawakunaykipaqmi, nispa