Génesis 37:34 - CHUYA QELLQA La Biblia en Quechua de Ayacucho 2012

³⁴ Hinaspanmi Jacobqa llakimanta pachanta llikipakuspa luto pachawan churakurqa, hinaspam churinmanta achka punchawta waqallarqa.

Quechua Ayacucho Bible 1987

³⁴ Chaymi Jacob pachanta llakimanta llikipaspa luto pachawan churakurqa hinaspam waqallarqa churinmanta achka punchawta.

Chuya Qellqa 1992

³⁴ Hinaspanmi Jacobqa llakimanta pachanta llikipakuspa luto pachawan churakurqa, hinaspam churinmanta achka punchawta waqallarqa.

Génesis 37:34 Iomraidhean Croise

Génesis 37:29

Rubenñataqmi chay pozoman kutispa Joseyta manaña tarispan, llakimanta pachankunata llikipakurqa.

Génesis 42:38

Jacobñataqmi nirqa: Qamkunawanqa manañam churiyqa rinmanchu, wawqen wañuruptinmi sapallanña qeparqa, chay risqaykichikpi imapas pasaruptinqa, qamkunapa hawaykichikpim llakimanta kay yuyaq taytaykichik wañurusaq, nispa.

Génesis 44:13

Tariruptinmi paykuna mana ima ruwakuyta atispa pachankuta llikiparqaku, hinaspam asnonkuman cargakuykuspa llaqtaman kutirqaku.

2~Samuel 1:11

Chayta uyariykuspanmi Davidqa runankunapiwan pachankuta llikiparqaku.

2~Samuel 3:31

Chaymantam Joabta runankunatawan David kamachirqa: Pachaykichikta llikipakuspa, qachqa pachawan churakuychik hinaspa Abnerpa wañukusqanmanta waqaychik, nispa. Rey Davidmi chakanapi kaq ayapa qepanta qatirqa.

1~Reyes 20:31

Hinaptinmi rey Ben-adadta yanapaqninkuna nirqaku: Uyarirqanikum Israel nacionpi reykunaqa kuyapayakuq kasqankuta, chaynaqa kunanyá qachqa pachawan churakuspa kunkanchikmanpas waskata watakuruspa Israel nacionpa reyninman risunchik, icharaqpas kawsachisunkiman, nispanku.

1~Reyes 21:27

Chaykunata uyariykuspanmi Acabqa pachanta llikiparurqa, hinaspam qachqa pachawan churakuruspa ayunarqa. Hina chay qachqa pachantillanmi puñurqapas, hinaspam llakisqallaña purirqa.

2~Reyes 19:1

Chayta uyariruspanmi rey Eze-quías pachanta llikiparurqa, hinaspam qachqa pachawan churakuruspan Tayta Diospa templonman yaykurqa.

2~Reyes 2:12

Chayta qawaspanmi Eliseo qaparirqa: Taytalláy, taytallá, qamqa atiyniyuq tropakuna hinam Israel nacionpaq karqanki, nispa. Chaymantapunim Eliasta manaña Eliseo rikurqañachu, chaymi pachanta iskayman llikirurqa.

2~Reyes 22:11

Kamachikuy libropa imam nisqanta uyariykuspanmi reyqa pachanku-nata llikipakurqa.

1~Crónicas 21:16

Davidñataqmi qawarispan Tayta Diospa angelninta rikururqa kay pachapa altonpi kaspan espadanta hapiykuspan Jerusalén llaqtaman haywarayachkaqta. Chaymi Davidwan llapa ancianokuna, qachqa pachawan pachakuruspanku qonqoranpa pampaman kumuykurqaku.

1~Crónicas 7:22

Chaymi taytanku Efraín unay punchaw paykunamanta waqarqa, hinaptinmi wawqenkuna rispanku sonqonta tiyachirqaku.

Nehemías 9:1

Hina chay killapa iskay chunka tawayuq punchawninpim, Israelpa mirayninkuna huñunakurqaku ayunanankupaq, hinaspam qachqa pachawan churakuspanku umankumanpas allpawan machqekurqaku.

Jobwan Sutichasqa Libro 1:20

Chaymi Jobqa llakikuymanta hatarispan pachanta llikipakurqa, hinaspam chukchantapas rutukuruspan pampaman qonqoranpa kumuykuspan Diosta hatunchaspan

Jobwan Sutichasqa Libro 16:15

Llakipa pampasqanmi qachqa pachakunawan churakuruni, umaymanpas allpatam tallikuruni.

Jobwan Sutichasqa Libro 2:12

Paykunam karullamantaraq qawarispanku Jobtaqa mana reqsiytapas atirqakuchu, chaymi qaparispa waqarqaku, pachankutapas llikikuspankum allpatapas umankuman machqekurqaku.

Isaías 32:11

Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Isaías 36:22

Hinaptinmi Eliaquimwan secretario Sebna hinaspa escriba Joañataq pachankuta llikiparuspanku rey Ezequiasman kutispanku chay kamachikuqpa rimasqankunata willarqaku.

Jeremías 36:24

Chay palabrakunata uyarichkaspapas manam reypas nitaq serviqninkunapas manchayllapas mancharikurqakuchu, nitaqmi pachankutapas llikiparqakuchu.

Jeremías 48:37

Lliw runapa umanmi paqlayachisqa kachkan, lliw runapa barbanmi rutusqa kachkan, llapallankum makinkuta ikipakurunku, llapallankum qachqa pachawan churakurunku.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Mateo 11:21

¡Ay, Corazín llaqta, imaynaraq kanki! ¡Ay, Betsaida llaqta, imaynaraq kanki! Sichum qamkuna ukupi ruwasqay milagrokunata Tiro llaqtapi hinaspa Sidón llaqtapi ruwaptiyqa, chayllachá qachqa pachawan churakuykuspa, uchpawan machqekuspa wanakurunmankuña karqa.

Mateo 26:65

Hinaptinmi sumo sacerdoteñataq pachanta llikipakuspan nirqa: ¡Kay runaqa Diospa contranpim rima-run! ¿Imapaqñataq testigokunatapas munachwan? Diospa contranpi rimasqantaqa qamkunapas uyarichkankichikmi.

Hechos 14:14

Chaymi apóstol Bernabeywan apóstol Pablo chayta uyariruspanku pachankuta llikiparqaku, hinaspam llapa runakunaman kuskanchakuruspanku qaparirqaku:

Josué 7:6

Hinaptinmi Josueywan Israelpa ancianonkuna, pachankuta llikipakuspanku, umankumanpas allpata machqekuspanku Tayta Diospa Arcanpa ñawpaqninpi tardeykuykama qonqoranpa kumuykurqaku.

Apocalipsis 11:3

Ñoqañataqmi iskay testigoykunata kachasaq, chaynapi qachqa pachawan hinakuykuspanku waranqa iskay pachak soqta chunka punchaw ñoqamanta willakamunankupaq, nispa.

Jueces 11:35

Churinta Jefté qawaykuspanmi, pachankunata llikipakuspan kaynata nirqa: ¡Ay, churilláy! Hatun llakimanmi churaruwanki, qamraqtaq lloqsiramunkipas kay hatun llakiman churaykuwanaykipaq, Tayta Diosmanmi prometekurqani, chay prometekusqaytaqa ruwanaypunim, nispa.