Génesis 35:5 - CHUYA QELLQA La Biblia en Quechua de Ayacucho 2012

⁵ Chaymanta ripuptinkum muyuriqninku llaqtakunaman Diosmanta hamuq hatun manchakuy yaykururqa, chaynapim Jacobpa churinkunata manaña qatirqakuchu.

Quechua Ayacucho Bible 1987

⁵ Ripukuptinkum Dios qorqa manchakuyta muyuriqnin llaqtapi kaq runakunaman chaynapi Jacobpa churinkunata mana qatinankupaq.

Chuya Qellqa 1992

⁵ Chaymanta ripuptinkum muyuriqninku llaqtakunaman Diosmanta hamuq hatun manchakuy yaykururqa, chaynapim Jacobpa churinkunata manaña qatirqakuchu.

Génesis 35:5 Iomraidhean Croise

Génesis 34:30

Jacobñataqmi Leviytawan Simeonta nirqa: Cananeokunawan hinaspa ferezeokunawanmi cheqninarachiwankichik, hinaspam penqayman churaruwankichik; chaynaqa huñunakuruspankuchá atacaramuwanqaku, asllataq runaykunapas kachkan, hinaspachá wañurachiwanqaku, aylluykunatapas wañurachinqakuchá, nispa.

Génesis 35:4

Chaymi Jacobman llapa idolokunata chaynataq rinrinkupi aretekunatapas apamurqaku, hinaptinmi Siquem llaqtapa hichpan encina sachapa sikinpi Jacob pamparurqa.

2~Crónicas 14:13

Rey Asañataqmi soldadonkunapiwan Gerar llaqtakama qatispanku Etiopía soldadokunata Tayta Diospa qayllanpi mana hukllatapas puchuykuspa wañurachirqaku, hinaspam tukuy imankutapas apakurqaku.

2~Crónicas 14:14

Chaymantam Gerar llaqtapa muyuriqninpi llapallan llaqtakunata atacarurqaku, Tayta Diospa ruwasqanwanmi chaykunapi yachaqkuna mancharikururqaku. Judá runakunam llapallan llaqtakunapa tukuy imankuta qechurqaku chaypi achkallaña llapa imakuna kasqanrayku.

2~Crónicas 17:10

Judá nacionpa muyuriqninpi nacionkunam Tayta Diosta manchakururqaku, chayraykum rey Josafatpa contranpi mana peleayta munarqakuchu.

Éxodo 23:27

Ñawpaqnikitam manchakuyta kachasaq, yaykusqayki llaqtakunapi runakunatam sustocharusaq. Enemigoy-kikunapas manchakuymantam ñawpaqnikimanta ayqenqaku.

Éxodo 34:24

Ñawpaqnikichikmantam wakin nacionkunata wischuspay allpaykichikta mirachisaq. Watapi kimsa kutitakama qayllayman hamunaykichikkamaqa manam pipas allpaykichiktaqa hapikuykunqachu. Ñoqam Diosnikichik kani.

Deuteronomio 11:25

Manam pipas qamkunawan peleaytaqa atinqachu, prometewasqanchikman hinam maylawman riptikichikpas chaypi kaq runakunata Señornikichik Tayta Dios mancharichispan katkatatachinqa.

Deuteronomio 2:25

Kunanmantapunim kay pachapi runakunata mancharichiyta qallarisaq. Qamkunamanta rimaqta uyarispankum mancharikuymanta katkatataspa qewipakunqaku”, nispa.

Josué 5:1

Jordán mayupa intipa seqaykunan lawninpi yachaq amorreokuna reyninkunawan Mediterráneo lamar qochapa hichpanpi yachaq cananeokunapa reyninkunam yacharurqaku, imaynam Israelpa mirayninkuna chimpay tukunankukama Jordán mayuta Tayta Dios chakirachisqanta. Chayraykum pasaypaqta hukmanyaruspanku manaña Israelpa contranpi peleayta munarqakuñachu.

1~Samuel 11:7

Chaymi iskay torokunata hapiykuspan chika-chikanta kuchuparuspan, chay willakuqkunawan Israel nacionman kaynata nispan apachirqa: “Kaynatam ruwanqa Saulwan chaynataq Samuelwan guerraman mana lloqsimuy munaq runapa toronkunawan”, nispa. Tayta Diosmanta manchakuy paykunaman huntaykuptinmi, chulla runa hinalla lloqsirqaku.

1~Samuel 14:15

Chaymi Filistea tropakunaman, campamentopi kaqkunaman, chakrapi kaqkunapas chaynataq wateqaq soldadokunamanpas llumpay manchakuy yaykururqa; chay punchawmi temblorpas pasarqa, hinaptinmi llapa runakuna llumpayta mancharikurqaku.