Génesis 35:3 - CHUYA QELLQA La Biblia en Quechua de Ayacucho 2012

³ hinaspa hatariychik Bet-el lawman rinanchikpaq, chaypim llakiypi rimapayawaqniy Diospaq altarta ruwamusaq, paymi purisqaykunapi ñoqawan karqa.

Quechua Ayacucho Bible 1987

³ Hakuchik Betel lawman, llakiypi rimapayawaqniy Diosmanmi chaypi ruramusaq altarta, paymi purisqaykunapi ñoqawan karqa.

Chuya Qellqa 1992

³ hinaspa hatariychik Bet-el lawman rinanchikpaq, chaypim llakiypi rimapayawaqniy Diospaq altarta ruwamusaq, paymi purisqaykunapi ñoqawan karqa.

Génesis 35:3 Iomraidhean Croise

Génesis 28:15

Ñoqam qanwan kachkani, mayman riptikipas waqaychasqaykim, hinaspam kay allpaman kutichimusqayki. Manam saqesqaykichu, nisqaykunataqa cumplisaqpunim, nispa.

Génesis 31:3

Chaymi Jacobta Tayta Dios nirqa: “Tayta-mamaykipa allpanman, aylluykikunapa kasqanman kutikuy, ñoqam qanwan kasaq”, nispa.

Génesis 31:42

Abrahampapas taytay Isaacpapas yupaychasqanku Dios ñoqawan mana kaptinqa lliwtachiki qechuruwankiman karqa. Ichaqa Diosmi ñakariywan llamkasqayta rikurqa, chaymi chisi tuta qaqchasurqanki, nispa.

Génesis 32:24

Jacobñataqmi sapallan qeparurqa, chaypim huk runawan achikyanankama pelearqa.

Génesis 32:7

Chaymi Jacobqa anchata mancharikuspan hukmanyarurqa, hinaspam paywan kaq runakunata, ovejakunata, vacakunata chaynallataq camellokunatapas iskayman rakirurqa,

Génesis 35:4

Chaymi Jacobman llapa idolokunata chaynataq rinrinkupi aretekunatapas apamurqaku, hinaptinmi Siquem llaqtapa hichpan encina sachapa sikinpi Jacob pamparurqa.

Génesis 35:7

Altarta chaypi ruwaruspanmi, chay sitiota El-Bet-elwan suticharqa, wawqenmanta lluptichkaptin chaypi Dios rikuriykusqanrayku.

Génesis 48:15

Joseyta bendecispanmi kaynata nirqa: “Taytay Abrahampa, Isaacpa servisqan Diosmi, nacesqay punchawmantapunim kunankama waqaychawarqa.

Proverbios 3:6

Tukuy ima ruwasqaykipipas Tayta Diospi yuyaymanay, hinaptinqa paymi munasqanman hina kawsachisunki.

Isaías 30:19

Sión moqopi runakuna, Jerusalén llaqtapi yachaqkuna, manañam haykapipas waqankichikñachu. Payqa llakipayakuspa kuyapayakuqmi. Qaparispa mañakuptikichikmi uyarisunkichik.

Isaías 43:2

Yakunta riptikipas, qanwanmi kasaq, mayunta chimpaptikipas, manam apasunkichu, nina ukunta pasaptikipas, manam rupasunkichu, lenwachkaq ninapas manam kañasunkichu.

1~Samuel 10:3

Chaymanta pasaspaykim, Taborpi encina sachapa kasqanman chayaruspayki, kimsa runakunawan tupanakunki, Bet-el llaqtaman Diosta yupaychaq richkaqwan, kimsa cabrata, kimsa tantakunata chaynataq huk puyñupi vinota apachkaqwan.