Génesis 35:2 - CHUYA QELLQA La Biblia en Quechua de Ayacucho 2012

² Chaymi Jacobqa ayllunkunata hinaspa llapallan paywan kaqkunata nirqa: Llapa idolokunata wischuychik hinaspa chuyanchakuychik, bañakuspa pachaykichiktapas mudakuychik,

Quechua Ayacucho Bible 1987

² Chaymi Jacob nirqa familiantawan llapallan paywan kaqkunata: —Wischuychik hatallisqaykichik taytacha-mamachakunata hinaspa limpiakuychik, mudakuychiktaq pachaykichiktapas.

Chuya Qellqa 1992

² Chaymi Jacobqa ayllunkunata hinaspa llapallan paywan kaqkunata nirqa: Llapa idolokunata wischuychik hinaspa chuyanchakuychik, bañakuspa pachaykichiktapas mudakuychik,

Génesis 35:2 Iomraidhean Croise

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

Génesis 31:19

Labanñataqmi ovejankuna rutuq pasakuspa mana wasinpichu tarikurqa. Chaykamam Labanpa idolonkunata Raquel suwaramurqa.

Génesis 31:30

Taytaykipa wasinman llumpayta kutiyta munaspaqa ¿imanasqataq diosniykunata suwaramuwarqanki? nispa.

Génesis 31:34

Raquelñataqmi chay idolokunata camellokunapa monturan ukunman pakaruspa hawanpi tiyarurqa, chaynapim Labanqa mana tarirqachu.

Génesis 34:2

Hamorpa churin Siquemmi Dinata rikururqa, hinaspam mana munakuchkaqta hapiruspan abusarurqa. Hamorqa chaylawpi kamachikuq Hev casta runam karqa.

Génesis 35:22

Chay allpapi Israel yachachkaptinmi, taytanpa churiwachan Bilhawan Rubén puñururqa. Chayta yacharuspanmi Israel llumpayta piñakururqa. Jacobpa churinkunam karqa chunka iskayniyuq.

2~Samuel 7:23

Israel llaqtayki hinaqa manam kay pachapi huk nacionqa kanchu. Diosnilláy, paykunataqa qanmi libramurqanki runaykikunaña kanankupaq, admirakuypaq kaqkunata ruwaspaykim paykunataqa ancha reqsisqata ruwarqanki. Egiptomanta hurqomuspaykim qayllankumanta achka nacionkunata chaynataq idolonkunatapas wischururqanki.

2~Reyes 17:29

Chaywanpas sapa nacionmanta kaqkunam maymi yachasqankupi diosninkuta ruwarurqaku, hinaspam Samaria runakunapa ruwasqan capillakunapi churarurqaku.

2~Reyes 5:10

Ichaqa Eliseom willakuqta kachaspan nichimurqa: Jordán mayuman rispa chaypi qanchis kutikama bañakamuy, hinaptinmi aychaykiqa ñawpaqta hina sanoña kanqa, nispa.

1~Crónicas 16:26

Llaqtakunapa diosninkuqa idolokunallam, Tayta Diosmi ichaqa cielokunata unancharqa.

Jobwan Sutichasqa Libro 1:5

Sapa convido tukuytam, Jobqa churinkunata qayachimuspan chuyanchaq. Tutapayta hatarispanmi sapa churinpaq huchankumanta mayllasqa kanankupaq animalta wañuchispa Diosman lliw kañana sacrificiota ofreceq. Sapa kutillam chaynata ruwaq sonqonpi kaynata nispan: Ichapas churiykunaqa imawanpas huchallikurunku, ichapas paykunaqa Diosta. sonqonkupi kamirunku, nispa.

Éxodo 19:10

Chaymi Tayta Dios nirqa: Runakunaman kutispayki, kunan chaynataq paqarin punchaw chuyanchamuy, pachankuta taqsakuchunku,

Éxodo 19:14

Orqomanta uraykamuspanmi, Diosta yupaychanankupaq runakunata Moisés chuyancharqa. Hinaptinmi runakunapas pachankuta taqsakurqaku.

Éxodo 23:13

Chaynaqa, tukuy nisqaykunatayá kasukuychik. Amam mañakunkichikchu nitaqmi rimankichikpaschu sapaq dioskunapa sutintaqa.

Eclesiastés 5:1

Diospa templonman rispaykiqa qasillalla kaspayá yachachikuyta allinta uyariy, amayá mana yachayniyuq runakunapa sacrificasqanta hina ofrecenaykipaqchu, paykunaqa manam yachankuchu mana allin ruwasqankutaqa.

Isaías 1:16

Mayllakuspa chuyanchakuychik, mana allin ruwaynikichikta qayllaymanta asuchiychik, mana allin ruwaynikichikta saqeychik.

Isaías 52:11

¡Babilonia llaqtamanta utqayman lloqsiychik, millakuypaq kaqkunataqa ama llapchaychikchu! ¡Paykunapa chawpinmanta lloqsiychik, Diospa servicionkunata apaqkuna chuyanchakuychik!

Jeremías 13:27

Rikurqanim waqllikusqaykitapas, yegua hina weqeqeqespa hukwan-hukwan qanrakusqaykitapas, rikurqanitaqmi chuchumika warmi hina, moqokunapipas pampakunapipas millakuypaq kaqkuna ruwasqaykitapas. ¡Ay, Jerusalén llaqta! ¿Haykapikamataq mana chuyanchakunkichu? nispa.

Jeremías 16:20

¿Runaqa yaqachu diosninta ruwakurunman? Ruwakurunmanmi, ichaqa manam chayqa dioschu, nispanku.

Jeremías 5:7

Tayta Diosmi kaynata nin: ¿Imaynataq chayta pampachaykiman? Churikikunapas qepanchakuwaspankum idolokunapa sutinpi juranku, saksanankukama mikuchichkaptiypas paykunam ichaqa saqeruwanku, tropanpim chuchumika warmikunapa wasinman kallpanku.

Ezequiel 18:31

Ñoqapa contraypi mana allinkuna ruwasqaykichikkunata qamkunamanta wischuychik; hinaspa musoq sonqoyuq, musoq espirituyuqña kaychik. Israel miraykuna, ¿imanasqataq wañuyta munankichik?

Ezequiel 20:7

Hinaspam llapallankuta kamachirqani millakuypaq idolonkunata wischu-nankupaq chaynataq Egipto nacionpa cheqnipay idolonkunawanpas ama qachachakunankupaq. Chaynataqa kamachirqani paykunapa Diosninku kasqayraykum.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Daniel 5:4

Llapallankum vinota upyakuspanku qorimanta, qollqemanta, broncemanta, fierromanta, kullumanta hinaspa rumimanta idolonkunata hatuncharqaku.

Levítico 15:5

Chay onqoqpa camanta tupaykuqqa pachankunata taqsakuspanmi bañakunqa, payqa tutaykuqkamam millakuypaq kanqa.

Levítico 17:16

Sichum pachanta mana taqsanqachu nitaq kikinpas bañakunqachu hinaspaqa huchayuqmi kanqa, nispa.

Números 31:24

Qanchis kaq punchawpim pa-chaykichikta taqsaspa chuyaña kankichik, chaymantañam campamentoman kutiykunkichik”, nispa.

Hechos 19:26

Ichaqa qamkunam rikuchkankichik hinaspa uyarichkankichik kay Pablopa rimasqanta, paymi nichkan: “Runapa ruwasqanqa manam dioskunachu”, nispa. Chaynata nispaqa manam pantachichkan kay Éfeso llaqtapi kaqkunallatachu, aswanqa lliw Asia lawpi kaqkunatawanmi.

1~Corintios 10:7

Chaynaqa, wakinkuna hinaqa amayá idolokunataqa yupaychaychikchu, Chuya Qellqapim kaynata nin: “Runakunam tiyaykuspanku mikurqaku, tomarqaku hinaspam hatarispanku aychankuta kusichirqaku”, nispa.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

Gálatas 4:8

Ñawpaq tiempopiqa Diosninchikta mana reqsisqaykichikraykum, kay pachapi dioskunata servirqankichik.

Deuteronomio 11:28

Idolokunataña qatinaykichikpaq Tayta Diospa kamachikuyninkunata mana kasukuspa chaynataq kunan kamachisqayman hina mana kawsaspaqa ñakasqam kankichik.

Deuteronomio 32:16

Mana reqsisqanku dioskunata yupaychaspankum Tayta Diosta llakichispa piñachirqaku.

Deuteronomio 5:7

Amam ñoqamanta sapaq diosqa kapusunkichu.

Deuteronomio 6:14

Muyuriqnikichik nacionkunapi runakunapa yupaychasqanku idolokunataqa amam qatinkichikchu.

Deuteronomio 7:25

Llapa idolonkunatapas kañankichikmi, chay idolokunata llusichisqanku qorita qollqetapas amam munapayankichikchu, yanqam urmachisunkichikman, Señornikichik Tayta Diospa qayllanpiqa chaykunaqa millakuypaqmi.

Hebreos 10:22

Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.

Josué 23:7

amataqyá qam-kuna ukupi puchuq nacionkunapi runa-kunawanqa hukllawakuychikchu. Idolonkunatapas ama yupaychaychikchu nitaq sutinpipas juraychikchu.

Josué 24:14

Chaynaqa, Tayta Diosta kasukus-payá cheqap sonqowan payta serviy-chik. Eufrates mayupa waklaw chim-panpi chaynataq Egipto nacionpi kachkaspanku ñawpaq taytaykichikkunapa yupaychasqanku idolokunatayá qamkunamanta wischuychik, hinaspayá Tayta Diosllata serviychik.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

Josué 24:2

Hinaspanmi llapallan runata nirqa: Israelpa yupaychasqan Tayta Diosmi nin: “Ñawpaqtam Taytaykichik Taré, Abraham hinaspa Nacor, Eufrates mayupa waklaw chimpanpi yachaspanku rikchaqmana idolokunata yupaycharqaku.

Josué 24:20

Sichum Tayta Diosta saqeruspa idolokunataña serviptikichikqa contraykichikpi kaspanmi castigasunkichik, hinaspam qamkunapaq allinkunata ruwachkaspapas chinkarachisunkichik, nispa.

Josué 24:23

Hinaptinmi paykunata Josué nirqa: Kunanyá hatallisqaykichik idolokunata qamkunamanta wischuychik, hinaspayá tukuy sonqoykichikwan Israelpa yupaychasqan Tayta Diosman kutirikuychik, nispa.

Judas 1:23

Wakinkunata ninamanta hurqochkaq hina salvaychik, wakintañataq imamantapas harkaspa kuyapayaychik, ichaqa amayá huchankuwanqa aysachikuychikchu, mana allin huchapi purispa pachakusqanku pachatapas millakuychik.

Jueces 10:16

Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.

Rutwan Sutichasqa Libro 1:15

Chaymi huktawan Noemí nirqa: Waqaya llumchuymasikipas llaqtanman, diosninkunaman kutikun; chaynayá qampas kutikuy, nispa.

1~Samuel 16:5

Samuelñataqmi nirqa: Arí, Tayta Diosman sacrificio qoqmi hamuchkani, chaynaqa qamkunapas chuyanchakuychik sacrificiota Diosman qonanchikpaq, nispa. Chaymantam Isaitawan churinkunata chuyancharuspa sacrificiota ofrecenankupaq qayarqa.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.