Génesis 35:16 - CHUYA QELLQA La Biblia en Quechua de Ayacucho 2012

¹⁶ Bet-elmanta rispa Efrata llaqtaman hichpaykuchkaptinkum Raquelpa wachakunan tiempo chayaramurqa, hinaptinmi llumpayta ñakarirqa.

Quechua Ayacucho Bible 1987

¹⁶ Betel lawmantam pasarqaku ichaqa Efrata llaqtachaman hichpachkaptinkuñam Raquel wachakuspa llumpayta ñakarirqa.

Chuya Qellqa 1992

¹⁶ Bet-elmanta rispa Efrata llaqtaman hichpaykuchkaptinkum Raquelpa wachakunan tiempo chayaramurqa, hinaptinmi llumpayta ñakarirqa.

Génesis 35:16 Iomraidhean Croise

Génesis 3:16

Warmitañataqmi nirqa: Wiksayakuptikim nanaynikikunata mirachisaq, llumpay nanaywanmi wachakunki. Munakuynikim qosaykipaq kanqa, payñataqmi qampi munaychakunqa, nispa.

Génesis 35:19

Raquel wañukuptinmi Efrata llaqtaman riq ñanpi pamparurqaku. Efratapa huknin sutinqa Belenmi.

Génesis 48:7

Pada-narammanta kutimuchkaptiymi mamayki Raquel wañukurqa, Canaán law Efrata llaqtaman riq ñanpa hichpanpi, chaypim pampamurqani. Chay Efrata llaqtapa huknin sutinqa Belenmi, nispa.

2~Reyes 5:19

Chaymi Eliseo nirqa: Hawkalla kutikuy, nispa. Chaymi Naamán pasakurqa. Ichaqa manaraqpas karuta richkaptinmi,

1~Crónicas 2:19

Azuba wañu-kuptinmi Calebqa Efratawan yapakururqa. Paymi wachakurqa Hurta.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Mateo 2:1

Judá nacionpi rey Herodes munaychakuchkaptinmi, Jesús nacerurqa Judea law Belén llaqtapi. Chay punchawkunapim yachayniyuq runakuna intipa qespimunan lawmanta Jerusalenman chayaramuspanku,

Mateo 2:16

Herodesmi chay yachayniyuqkunapa engañarusqanwan llumpayta piñakururqa, hinaspam kamachikurqa Belén llaqtapi chaynataq muyuriqnin llaqtakunapi kaq qari wawakuna, iskay watayuqmanta urayman wañuchisqa kananpaq. Chaytaqa ruwarqa yachayniyuqkunapa willakusqan tiempopa nisqanman hinam.

Mateo 2:18

“Ramá llaqtapim qapariy uyarikun, sinchi waqakuywan hatun llakikuymi uyarikun; Raquelmi wawankunamanta waqakuchkan, wawankuna wañurusqanraykum consuelasqa kaytapas manaña munanchu”, nispa.

1~Timoteo 2:15

Chaymi warmiqa wachakuspa hinaspa wawankunata allinta uywaspa, iñiyninpi takyaspa kuyakuq kaspa hinaspa chuyanchakuspan salvakunqa.

Rutwan Sutichasqa Libro 1:2

Chay runapa sutinmi karqa Elimelec, warminpañataq Noemí, iskaynin churinkunapañataq Mahlonwan Quelión. Paykunaqa karqaku Judá nacionpi Belén law Efrata llaqtayuqmi. Paykunam Moab lawman chayaruspanku chaypiña yacharqaku.

Rutwan Sutichasqa Libro 4:11

Hinaptinmi llaqtapa punkunpi kaq llapallan runakuna hinaspa ancianokunapas nirqaku: Arí, testigom kaniku. Diosyá wasikiman yaykumuq warmita Raqueltawan Leata hina ruwachun, chay iskaynin warmikunamantam ñoqanchik Israel castakuna mirarqanchik. Qamtapas Diosyá yanapasunki Efrata llaqtapi munaychakunaykipaq chaynataq Belén llaqtapipas ancha reqsisqa kanaykipaq.

1~Samuel 10:2

Chaynaqa, kunan rakinakuykuptillan-chikmi, Selsa lawpi, Raquelpa sepulturanpa hichpanpi iskay runakunawan tupanki. Kayqa kachkan Benjamín casta runakunapa allpanpim. Chay runakunam nisunki: Maskasqayki asnokunataqa tarirunkuñam, taytaykiqa manañam llakikunñachu, aswanqa qamkunamantaña llakikuspam kaynata nichkan: ¿Imatataq churillaymanta ruwaykullasaq? nispa.

1~Samuel 4:20

Wachakuywan wañuy patanpiña kachkaptinmi yanapaqninkuna nirqaku: Ama manchakuychu, qari wawatam wachakurunki, nispanku. Paymi ichaqa manaña imatapas nirqachu nitaqmi musyakurqañachu.