Génesis 34:3 - CHUYA QELLQA La Biblia en Quechua de Ayacucho 2012

³ Ichaqa Siquemmi Jacobpa churin Dinata llumpayta kuyaruspan kuyakuyllawanña rimapayarqa.

Quechua Ayacucho Bible 1987

³ Aswanqa Jacobpa churin Dinatam kuyarurqa Siquem hinaspam kuyakuyllawanña rimapayarqa.

Chuya Qellqa 1992

³ Ichaqa Siquemmi Jacobpa churin Dinata llumpayta kuyaruspan kuyakuyllawanña rimapayarqa.

Génesis 34:3 Iomraidhean Croise

Génesis 34:2

Hamorpa churin Siquemmi Dinata rikururqa, hinaspam mana munakuchkaqta hapiruspan abusarurqa. Hamorqa chaylawpi kamachikuq Hev casta runam karqa.

Génesis 34:4

Chaymi taytan Hamorta Siquem nirqa: Kay sipasman yaykupakapuway paywan casarakunaypaq, nispan.

Génesis 50:21

Chaynaqa, ama manchakuychikchu. Ñoqam qamkunatapas churikichikkunatapas uywasqaykichik, nispa. Chaynatam Joseyqa paykunata consuelarqa, hinaspam kuyakuywan rimapayarqa.

2~Samuel 19:7

Chaynaqa, kunanyá hawaman lloqsispayki tropaykikunata allinllata rimapayamuy, mana chaynata ruwaptikiqa manam huk runallapas kunan tuta qanwan puchunqachu, chaytaqa Diosraykum jurani. Joven kasqaykimanta mana allinkuna pasasusqaykimantapas aswan mana allinraqmi kayqa karunman, nispa.

2~Crónicas 30:22

Chaymi tukuy sonqowan Tayta Diosta serviq levitakunata sumaq rimaykunawan rey Ezequías kallpancharqa. Qanchis punchawmi fiestapi wañu-chisqanku animalkunata mikurqaku, Dioswan allinlla kasqankumanta ofrendatapas ofrecespankum ñawpaq taytankupa yupaychasqan Tayta Diosman graciasta qorqaku.

Isaías 40:2

Jerusalenpi runaykunata kuyakuywan rimapayaychik, huchankuta Tayta Dios pampachasqantaña, huchankurayku criado kaspa ñakariyninku tukurusqantaña, qaparispa paykunaman willaychik.

Oseas 2:14

Chayraykum kuyakuyllawan rimapayasaq, chunniqman pusaruspaymi sonqonta sumaqllata suwaykusaq.

Oseas 2:16

Chay punchawkunapiqa manañam “dueñolláy” niwanqañachu, aswanqa “qosalláy” nispañam niwanqa.

Jueces 19:3

qosanñataq qepanta qatirqa kuyakuyllawan rimapayaspan kutichimunanpaq. Pusarqataqmi criadontawan iskay asnokunatapas. Chayaruptinmi chay warmiqa taytanpa wasinpi chaskiykurqa.

Rutwan Sutichasqa Libro 1:14

Hinaptinmi paykuna huktawan qaparispa waqarqaku. Chaymantam Orfaqa suegranta muchaykuspan kutikurqa, Rutñataqmi Noemiywan qeparurqa.

1~Samuel 18:1

Davidwan Saúl rimayta tukuruptinmi, Davidwan Jonatán amistadta armarurqaku, hinaspam kikinta hina kuyarqa.