Génesis 34:27 - CHUYA QELLQA La Biblia en Quechua de Ayacucho 2012

²⁷ Jacobpa wakin churinkunañataqmi llaqtaman rispanku wañuchisqanku runakunapa tukuy imankuta apakurqaku, paninku penqayman churasqa kasqanrayku.

Quechua Ayacucho Bible 1987

²⁷ Jacobpa wakin churinkunapas paninku penqayman churasqa kasqanmantam chay wañuchisqanku runakunapa kasqanman rispanku saquearqaku llaqtata.

Chuya Qellqa 1992

²⁷ Jacobpa wakin churinkunañataqmi llaqtaman rispanku wañuchisqanku runakunapa tukuy imankuta apakurqaku, paninku penqayman churasqa kasqanrayku.

Génesis 34:27 Iomraidhean Croise

Génesis 34:2

Hamorpa churin Siquemmi Dinata rikururqa, hinaspam mana munakuchkaqta hapiruspan abusarurqa. Hamorqa chaylawpi kamachikuq Hev casta runam karqa.

Génesis 34:26

Hamortapas churin Siquemtawan kuskatam espadawan wañurachirqaku, hinaspam Siquempa wasinmanta Dinata hurqoruspanku ripukurqaku.

Génesis 34:28

Hinaspam ovejakunata, vacakunata, asnokunata, llaqtapi llapa ima kaqkunata chaynataq campopi kaqkunatapas apakurqaku.

Génesis 34:31

Chaymi paykunañataq nirqaku: ¿Chuchumikata hinachu paniykuta ruwanman karqa? nispanku.

Ester 9:10

Paykunam karqaku judiokunapa enemigon Hame-datapa churin Amanpa chunkantin churinkuna; llapa kapuqninkutam ichaqa mana imanarqakuchu.

Ester 9:16

Huklaw provinciakunapi yachaq judiokunapas adar killapa chunka kimsayuq punchawninpim vidankuta defiendenankupaq huñunakurqaku, hinaspam enemigonkuta vengakuspa qanchis chunka pichqayuq waranqa runakunata wañuchirqaku, ichaqa manam imankutapas aparqakuchu.

Éxodo 2:14

Chaymi payñataq nirqa: ¿Pitaq qamta ñoqaykupa kamachiqniyku hinaspa juezniyku kanaykipaq churasurqanki? ¿Egipto runata wañurachispachu ñoqatapas wañurachiwayta munachkanki? nispa. Hinaptinmi sonqonpi mancharikuruspan Moisés nirqa: “Cheqaptapunipas kay ruwasqaytaqa yacharunkum”, nispa.

Ezequiel 39:10

Manañam montekunamanqa yanta pallaqpas lloqsinqakuñachu, nitaqmi sachatapas kuchunqakuñachu; aswanqa chay armakunam yantapi servikunqa. Ñawpaqta suwaqninkutam paykunaña suwanqaku, imankupas qechuqninkutam paykunaña qechunqaku. Ñoqa Tayta Diosmi chaynata nini.

Amós 3:11

Chayraykum Tayta Dios kaynata nin: Enemigoykikunam hamunqa kay pachapa muyuriqninmanta; hinaptinmi muyuriqnikipi harkasuqniki perqakuna tuñichisqa kaptin, palacioykipi tukuy ima taqesqaykipas suwasqa kanqa, nispa.

1~Timoteo 6:10

Qollqella kuyayqa tukuy mana allin ruwaykunapa qallariyninmi. Achkaqmi qollqeta kuyaruspanku Diosman iñisqankumantapas karunchakurunku, hinaspam sasachakuykunapiwan ñakariykunapi tarikunku.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:13

Hatarispayki runakunata chuyanchay hinaspa paqarinpaq chuyanchakamunankupaq kamachiy. Ñoqa Tayta Diosmi, Israelpa Diosninmi kaynata nini: Chinkachisqa kananpaq ñakasqa kaqkunam Israel ukupi kachkan. Chaykuna chawpikichikmanta chinkachisqa kanankamam enemigoykichikta mana venceyta atinkichikchu.

Josué 7:21

Jericó llaqtamanta apamusqanchik kaqkunamantam, Babiloniamanta kaq kuyayllapaq capata, iskay chunka kimsayuq kilo qollqeta hinaspa medio kilo pesaq qorita rikururqani. Chaykunatam kuyaruspay hapikurqani, hinaspaymi carpaypa chawpinpi allpa ukupi pamparurqani, qollqepas chaykunapa ukunpim pakasqa kachkan, nispa.