Génesis 32:31 - CHUYA QELLQA La Biblia en Quechua de Ayacucho 2012

³¹ Chaymantam Jacobqa wistutyastin rirqa, Penielta pasaruptinñam inti qespiramurqa.

Quechua Ayacucho Bible 1987

³¹ Penielta pasaruptinmi inti qespiramurqa, Jacobñataqmi rirqa wistutyastin.

Chuya Qellqa 1992

³¹ Chaymantam Jacobqa wistutyastin rirqa, Penielta pasaruptinñam inti qespiramurqa.

Génesis 32:31 Iomraidhean Croise

Génesis 16:13

Rimapayaqnin Tayta Diostam Agar suticharqa: Qamqa “Rikuqniy Diosmi” kanki, nispan. Agarqa nirqataqmi: Diosta rikuruchkaspaypas kawsachkaniraqmi, nispa.

Génesis 19:15

Achikyaykamuchkaptinmi angelkuna Lotta hikutarqaku: Utqayman lloqsiy, warmikiwan chaynallataq iskaynin warmi churikikunapiwan, kay llaqtata puchukachiptiyku mana wañunaykichikpaq, nispanku.

Génesis 19:23

Lotmi inti qespimuyta Zoar llaq-tachaman chayarurqa.

Génesis 32:25

Chay runam mana venceyta atispa Jacobta pierna kuchunpi waqtarurqa, chaymi Jacobpa huknin piernan moqakururqa.

Génesis 32:32

Jacobta pierna kuchunpi waqtarusqanraykum Israel runakunaqa mana mikunkuchu animalpa piernanpi kaq ankuntaqa kunan punchawkamapas.

1~Reyes 12:25

Jeroboammi Efraín law orqokunapi kaq Siquem llaqtata musoqmanta hatarichispan chaypi yacharqa, chaymantam Penuel llaqtaman rispan chay llaqtatapas hatarichirqa.

1~Reyes 18:26

Chaymi apamusqanku torota chaskiruspanku nakarurqaku, hinaspam achikyasqanmanta chawpi punchawkama Baal diosninkuta kaynata qayakurqaku: ¡Taytallayku Baal, uyariykullawayku! nispanku. Ichaqa manam ima qayakuyllatapas uyarirqakuchu chayraykum perqasqanku altarpa muyuriqninpi pawaykachaspa muyurirqaku.

Éxodo 24:10

chaypim Israelpa Diosninta rikurqaku. Chakinpa sarusqanmi kasqa suma-sumaq kichasqa cielo hina hinaspa zafiro rumi hina.

Éxodo 24:11

Diosqa Israelpi kamachikuqkuna-taqa manam imanarqachu, chaymi Diosta qawaspanku mikuspa tomar-qaku.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Malaquías 4:2

Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

2~Corintios 12:7

Chay rikusqay suma-sumaq revelacionmanta mana hatun tukunaypaqmi, kichkapa tipakuyninta hina aychaypi qowarqa, chayqa karqa ñakarichiwananpaq Satanaspa kachamusqan toksikuq puyam.

2~Corintios 12:9

Hinaptinmi Señor niwarqa: Kuyakuyniypiyá contentakuy, atiyniyqa mana kallpayuq runakunapim qawachikun, nispa. Chaymi mana kallpayuq kasqaymanta kusikuywan alabakuni, chaynapi Cristopa atiynin ñoqapi takyananpaq.

Deuteronomio 5:24

“Cheqaptapunipas Señorninchik Tayta Diosmi kanchaynintawan atiyninta qawaykachiwanchik. Ninapa chawpinmanta lloqsimuq rimaynintam uyarirunchik. Kunanmi yacharuniku Tayta Dios rimapayachkaptinpas runakunaqa mana wañurusqanta.

Deuteronomio 5:26

Kawsaq Diospa ninapa chawpinmanta rimamusqanta ñoqayku hina uyarispaqa manam pipas kawsanmanchu.

Jueces 6:22

Tayta Diospa angelnin kasqanta yacharuspanmi Gedeón nirqa: ¡Ay Señorlláy! ¡Ay Diosnilláy! Tayta Diospa angelnintam rikurullani, nispa.

Jueces 6:23

Ichaqa Tayta Diosmi nirqa: Ama manchakuychu, hawkalla kay, manam wañunkichu, nispa.

Jueces 8:8

Peniel llaqtaman chayaruspapas hina chaynallatam mañakurqa, hinaptinmi chaypi yachaqkunapas Sucot llaqtayuqkuna hinalla nirqaku.