Génesis 32:30 - CHUYA QELLQA La Biblia en Quechua de Ayacucho 2012

³⁰ Chaynapim Jacobqa chay lugarta Penielwan suticharqa, kaynata nispa: Diosta rikuruchkaspaypas kawsachkaniraqmi, nispa.

Quechua Ayacucho Bible 1987

³⁰ Chaymi Jacob chay lugarta suticharqa Penielwan: —Diosta rikuruchkaspaypas kawsachkaniraqmi —nispa.

Chuya Qellqa 1992

³⁰ Chaynapim Jacobqa chay lugarta Penielwan suticharqa, kaynata nispa: Diosta rikuruchkaspaypas kawsachkaniraqmi, nispa.

Génesis 32:30 Iomraidhean Croise

Génesis 16:13

Rimapayaqnin Tayta Diostam Agar suticharqa: Qamqa “Rikuqniy Diosmi” kanki, nispan. Agarqa nirqataqmi: Diosta rikuruchkaspaypas kawsachkaniraqmi, nispa.

Génesis 28:19

Chay lugartam Bet-elwan suticharqa, punta sutinñataqmi karqa Luz.

Génesis 35:9

Chaypim Diosqa huktawan Jacobman rikuriykurqa, Padan-aram lawmanta kutimuptin, hinaspam payta bendecispan

1~Reyes 12:25

Jeroboammi Efraín law orqokunapi kaq Siquem llaqtata musoqmanta hatarichispan chaypi yacharqa, chaymantam Penuel llaqtaman rispan chay llaqtatapas hatarichirqa.

Éxodo 33:14

Chaymi Dios nirqa: Ñoqam qanwan risaq hinaspam samachisqayki, nispa.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Isaías 9:5

Guerrapi peleaptinku tropakunapa bullallaña ruwaq zapatonkupas, chaynataq yawarwan qachachasqa pachankupas, lliwmi ninawan rupaspa tukurunqa.

Números 12:8

Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa, ¿imanasqamá manaqa manchakurqankichikchu serviqniy Moisespa contranpi rimaytaqa? nispa.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

1~Corintios 13:12

Kunanqa espejopi hinam chinka-chinkallata qawachkanchik, ichaqa huk punchawmi imam kaqta rikusunchik. Kunanqa reqsini wakillantam, chay punchawmi ichaqa tukuy imata reqsisaq imaynam ñoqata Dios reqsiwasqanta hina.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Gálatas 1:6

Admirasqallañam kachkani, Jesu-cristopa kuyakuyninraykum Dios qayasurqankichik, hinaptinqa, ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa?

Efesios 1:17

Señorninchik Jesucristopa Atiyniyuq Dios Taytantam mañakuch-kani Espiritunwan yachayniyuq kay atiyta qosunaykichikpaq, chaynapi qamkunaman reqsichikuptin cheqapta reqsinaykichikpaq.

Deuteronomio 34:10

Israelpa mirayninkunapiqa manañam haykapipas Diospa profetan Moisés hinaqa karqachu. Paywanqa Tayta Diospas uyapuram rimarqa.

Deuteronomio 5:24

“Cheqaptapunipas Señorninchik Tayta Diosmi kanchaynintawan atiyninta qawaykachiwanchik. Ninapa chawpinmanta lloqsimuq rimaynintam uyarirunchik. Kunanmi yacharuniku Tayta Dios rimapayachkaptinpas runakunaqa mana wañurusqanta.

Colosenses 1:15

Mana rikuy atina Diospa rikchayninqa Cristom, llapa imakunapas manaraq unanchasqa kachkaptinqa payqa karqañam.

2~Timoteo 1:10

Kunanmi salvawaqninchik Jesucristopa hamusqanwan kuyawasqanchikta qawaykachiwanchik, paymi wañuypa atiyninta chinkarachin hinaspam allin noticianwan wiñay kawsayta qoykuwanchik.

Hebreos 11:27

Iñiyllawanmi Moisespas, reypa piñakuynintapas mana manchakuspan Egiptomanta pasakurqa. Mana rikuy atina Diosta qawachkaq hinam kallpanchakurqa.

Josué 5:13

Jericó llaqtapa hichpanpi Josué kachkaspanmi qonqaymanta huk runata espada makiyuq sayachkaqta ñawpaqninpi rikururqa. Chaymi asuykuspan tapurqa: ¿Ñoqayku partechu kanki icha enemigoykumantachu? nispa.

Jueces 13:17

Chayraykum Tayta Diospa angelninta tapurqa: Sutikitayá willaykuwayku niwasqaykiku cumplikuptin qamta reqsikunaykupaq, nispa.

Jueces 13:18

Chaymi Tayta Diospa angelnin nirqa: ¿Imanasqataq sutiyta tapuwanki? Sutiyqa admirakuypaqmi, nispa.

Jueces 8:17

Chaynallataqmi Peniel llaqtapa torrentapas tuñirachirqa, hinaspam runakunatapas wañurachirqa.

Jueces 8:8

Peniel llaqtaman chayaruspapas hina chaynallatam mañakurqa, hinaptinmi chaypi yachaqkunapas Sucot llaqtayuqkuna hinalla nirqaku.