Génesis 32:26 - CHUYA QELLQA La Biblia en Quechua de Ayacucho 2012

²⁶ Chay qarim Jacobta nirqa: Achikyamuchkanñam, kachaykuway pasakunaypaq, nispa. Jacobñataqmi nirqa: Mana bendeciwaptikiqa manam kacharisqaykichu, nispa.

Quechua Ayacucho Bible 1987

²⁶ Chay qarim nirqa Jacobta: —Achikyamuchkanñam kachaykuway pasakunaypaq —nispa. Chaymi Jacobñataq nirqa: —Manam kacharikimanchu mana bendiciwaptikiqa —nispa.

Chuya Qellqa 1992

²⁶ Chay qarim Jacobta nirqa: Achikyamuchkanñam, kachaykuway pasakunaypaq, nispa. Jacobñataqmi nirqa: Mana bendeciwaptikiqa manam kacharisqaykichu, nispa.

Génesis 32:26 Iomraidhean Croise

Génesis 32:25

Chay runam mana venceyta atispa Jacobta pierna kuchunpi waqtarurqa, chaymi Jacobpa huknin piernan moqakururqa.

Génesis 32:27

Chaymi chay runa tapurqa: ¿Imataq sutiki? nispa. Payñataqmi nirqa: Jacobmi, nispa.

1~Crónicas 4:10

Jabesmi Israelpa Diosninta mañakuspa nirqa: “Ruegakuykim bendeciykuwanaykipaq, hatun allpata qoykuwanaykipaq, yanapaykuwanaykipaq, mana allinmanta libraykuwanaykipaq, chaynapi mana ñakarinaypaq”, nispa. Chaymi mañakusqanta Dios qoykurqa.

Éxodo 32:10

Chaynaqa, piñakuyniywan castigarunaypaq saqeykuway, paykunata tukuruspaymi qampa miraynikimantaña hatun nacionta ruwasaq, nispa.

Cantares 3:4

Paykunamanta rakikuykuspallaymi ancha kuyasqayta tarirurqani. Makinmanta hapikuruspaymi mamaypa wasinman pusanaykama, wachakuwaqniypa wasinman pusanaykama, mana kachaykurqanichu.

Cantares 7:5

Umaykipas, Carmelo orqo hinam, chukchaykipas, puka qaytukuna hinam, qaspa chukchachaykipa chawpinpim huk rey preso tarikun.

Isaías 45:11

Israelta unanchaq Chuya Tayta Diosmi kaynata nin: Hamuq punchawkunamanta tapuykuwaychik, churiykunamanta cuentata mañaykuwaychik, imaynam ruwasqaymanta cuentata mañaykuwaychik.

Isaías 64:7

Manam pipas qayakamusuqnikiqa kanñachu, hapipakamusuqnikipas manam kanñachu. Qanmi ñoqaykumanta karunchakurunki, mana allin ruwasqaykupa munaychakusqantam saqeruwankiku.

Oseas 12:4

Angelwan peleaspam kallpanman hina vencerurqa, bendeciykunanpaqmi weqenwan mañakurqa, Diospas Bet-elpi tariruspanmi payta rimapayarqa.

Romanos 8:37

Astawanqa tukuy kaykunatam vencenchik kuyawaqninchik Señorninchik Jesucristontakama.

1~Corintios 15:58

Chaynaqa, kuyasqay wawqe-pani-llaykuna, qaqa hina sayaspayá Señorpa llamkayninpi aswan llamkaychik. Qamkunaqa yachankichikmi Señorpaq llamkasqaykichikqa manam yanqapaqchu kanqa.

Deuteronomio 9:14

Ama harkawaychu, wañurachispay sutinkutapas kay pachamanta chinkarachisaq. Hinaspaymi qampa miraynikimantaña paykunamantapas aswan atiyniyuq nacionta hatarichispay achkallataña mirachisaq”, nispa.

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.