Génesis 32:10 - CHUYA QELLQA La Biblia en Quechua de Ayacucho 2012

¹⁰ Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Quechua Ayacucho Bible 1987

¹⁰ Cheqap kuyapayakuynikitaqa manam chaskinaypaq hinachu kani. Tawnallaywanmi kay Jordan Mayutaqa chimpamurqani kunanqa iskay hatajoman rakinasqa kapuqniyoqñam kachkani.

Chuya Qellqa 1992

¹⁰ Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Génesis 32:10 Iomraidhean Croise

Génesis 18:27

Hinaptinmi Abraham nirqa: Señornilláy, mana imapaq valeq ñutu allpa chaynataq uchpa hina kachkaspaypas mañakullaykim.

Génesis 24:12

Hinaspam Diosta mañakuspan nirqa: Patronniy Abrahampa yupaychasqan Dios, mañakuykim patronniy Abraham-man prometesqaykita cumplinaykipaq. Yanapaykuwayá imamanmi hamusqay allin lloqsinanpaq.

Génesis 24:27

kaynata nirqa: Patronniy Abrahampa yupaychasqan Tayta Dios, alabaykim patronniyman prometesqaykita cumplisqaykimanta hinaspa ayllunkunapa kasqanman hawkallata pusamuwasqaykimanta, nispa.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

Génesis 28:15

Ñoqam qanwan kachkani, mayman riptikipas waqaychasqaykim, hinaspam kay allpaman kutichimusqayki. Manam saqesqaykichu, nisqaykunataqa cumplisaqpunim, nispa.

Génesis 30:43

Chaynapim Jacobqa anchallataña apuyarurqa. Animalninkunapas, criadonkunapas, camellonkunapas hinaspa asnonkunapas anchallataña mirarapurqa.

Génesis 31:3

Chaymi Jacobta Tayta Dios nirqa: “Tayta-mamaykipa allpanman, aylluykikunapa kasqanman kutikuy, ñoqam qanwan kasaq”, nispa.

Génesis 32:5

Kunanqa kapuwanñam va-caykuna, asnoykuna, ovejaykuna, cabray-kuna chaynataq criadoykunawan criadaykunapas, chaymi qam señorniyman willachimuyki llakipayariykuwaspa chaskiykuwanaykipaq”, nispa.

Génesis 32:7

Chaymi Jacobqa anchata mancharikuspan hukmanyarurqa, hinaspam paywan kaq runakunata, ovejakunata, vacakunata chaynallataq camellokunatapas iskayman rakirurqa,

2~Samuel 17:24

Mahanaim llaqtaman David chayaruptinmi Absalonñataq Israelpa llapallan soldadonkunawan Jordán mayuta chimpachkarqa.

2~Samuel 7:18

Hinaptinmi rey Davidqa Diospa qayllanman yaykuykuspan kaynata nirqa: Dios Taytalláy, ¿pitaq ñoqallayqa kani chaynataq aylluykunapas kaykama chayachimuwanaykipaqqa?

Jobwan Sutichasqa Libro 17:9

Allin ruwaq runakunaqa kawsasqanpim kallpanchakunku, mana huchayuqkunaqa kallpankutam mirachinku.

Jobwan Sutichasqa Libro 8:7

Ñawpaq kapusuqnikikunaqa imallaraqsi qepa kapusuqnikikunam aswan allinqa kanqa.

Proverbios 4:18

Allin runakunapa ñanninqa pacha achikyay hinam, achkimusqanman hinam suma-sumaqta kancharimun.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Isaías 63:7

Tayta Diospa kuyakuyninmantam willakusaq, ñoqanchikrayku tukuy ima ruwasqankunata yuyarispam, Israelta tukuy imapi bendecisqanta yuyarispam, llakipayakuyninman hina ruwasqanmanta yuyarispam, llumpay kuyapayakuyninta yuyarispam takisaq.

Miqueas 7:20

Amayá qonqaruychu Jacobman prometesqaykitapas, nitaq Abrahampaq kuyapayakuynikitapas, chaynatam taytaykuman ñawpaqmantaraq jurarqanki.

Lucas 17:10

Chaynayá qamkunapas, tukuy kamachisusqaykichikta ruwaruspaqa kaynata niychik: “Mana imapaq valeq sirvientekunam kanchik, kamachiwasqallanchiktam ruwarunchik”, nispaykichik.

Lucas 5:8

Chayta Simón Pedro qawaykuspanmi Jesuspa ñawpaqninpi qonqorakuykuspan nirqa: Señor, ñoqamanta asurikuy, huchasapa runam kallani, nispan.

2~Corintios 12:11

Qamkuna alabawanaykichik kachkaptinmi, loco hina kikillaymanta alabakurqani, ichaqa qamkunam chayta ruwachiwarqankichik. Ñoqaqa mana valeqña kaspaypas chay hatu-hatun apostolkunamantaqa manam menoschu kani.

Deuteronomio 8:18

Aswanqa Señornikichik Tayta Diostam yuyarinkichik. Paymi kapuqnikichikta armakunaykichikpaq kallpata qosurqankichik, chaynapi ñawpaq taytaykichikkunaman jurasqan pactota qamkunawan kunan cumplinanpaq.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.