Génesis 31:42 - CHUYA QELLQA La Biblia en Quechua de Ayacucho 2012

⁴² Abrahampapas taytay Isaacpapas yupaychasqanku Dios ñoqawan mana kaptinqa lliwtachiki qechuruwankiman karqa. Ichaqa Diosmi ñakariywan llamkasqayta rikurqa, chaymi chisi tuta qaqchasurqanki, nispa.

Quechua Ayacucho Bible 1987

⁴² Abrahampa Diosnin otaq taytay Isaacpa respetasqan Dios ñoqawan mana kaptinqa kunanmi mana imayoqta kachaykuwankiman karqa. Ichaqa Diosmi ñakariywan llamkasqayta qawarqa hinaspam chisi tuta qaqchasurqanki —nispa.

Chuya Qellqa 1992

⁴² Abrahampapas taytay Isaacpapas yupaychasqanku Dios ñoqawan mana kaptinqa lliwtachiki qechuruwankiman karqa. Ichaqa Diosmi ñakariywan llamkasqayta rikurqa, chaymi chisi tuta qaqchasurqanki, nispa.

Génesis 31:42 Iomraidhean Croise

Génesis 11:5

Ichaqa Tayta Diosmi uraykamuspan runakunapa ruwasqan llaqtata chaynataq torretapas qawaykurqa.

Génesis 16:11

Wiksayuqmi kachkanki, qari wawata wachakuspaykim Ismaelwan sutichanki. Waqasqaykitam Tayta Dios uyarirusunki.

Génesis 16:13

Rimapayaqnin Tayta Diostam Agar suticharqa: Qamqa “Rikuqniy Diosmi” kanki, nispan. Agarqa nirqataqmi: Diosta rikuruchkaspaypas kawsachkaniraqmi, nispa.

Génesis 27:33

Chaymi Isaac sinchita hukmanyaruspan nirqa: Chaynaqa, ¿pitaq hapimusqanta aparamuwarqa? Manaraq chayamuchkaptikim mikuruniña. Bendicionniytapas paymanmi qoykuniña, chaynaqa payñam Diospa bendecisqan kanqa, nispa.

Génesis 29:32

Leam wiksayakuruspan qari wawata wachakurqa, hinaspam Rubenwan suticharqa: Humillasqa kasqaytam Tayta Dios qawariykuwan, kunanqa qosayqa kuyawanqañam, nispa.

Génesis 31:12

Payñataqmi niwarqa: “Muyaq carnerokunata qawariy. Llapallanmi allqakuna, cheqchikuna hinaspa murukuna. Labanpa tukuy mana allin ruwasusqaykitapas rikurqanim.

Génesis 31:24

Hinaptinmi Aram casta Labanman chay tuta mosqoyninpi rikuriykuspan Dios nirqa: Yanqataq Jacobta imatapas nichkawaq, nispa.

Génesis 31:29

Chaynaqa, makillaypim kachkankichik imatapas ruwarunaypaq. Ichaqa taytaykipa Diosninmi chisi tuta mosqoyniypi niwarqa: “Yanqataq Jacobta imatapas niwaq”, nispa.

Génesis 31:5

Chaypim paykunata nirqa: Taytaykichikmi hukmanyarun, manañam ñawpaqta hinañachu. Taytaypa Diosninmi ichaqa ñoqawan kachkan.

Génesis 31:53

Mana chayna kaptinqa Abrahampa, Nacorpa Diosninyá juzgawasunchik, nispa. Chaymi Jacobqa taytan Isaacpa yupaychasqan Diosrayku jurarqa.

Génesis 32:9

Chaymantam Jacobqa Diosta maña-kurqa: Abueloy Abrahampa chaynataq taytay Isaacpa yupaychasqan Tayta Dios, qanmi niwarqanki: “Taytaykipa aylluykikunapa kasqanman kutikuy, hinaptinmi allinta ruwasqayki nispayki”.

Génesis 35:3

hinaspa hatariychik Bet-el lawman rinanchikpaq, chaypim llakiypi rimapayawaqniy Diospaq altarta ruwamusaq, paymi purisqaykunapi ñoqawan karqa.

Génesis 46:1

Israelmi tukuy kapuqnintin ripukurqa. Beersebaman chayaruspanmi animalkunata wañuchispa taytan Isaacpa Diosninman ofrecerqa.

1~Crónicas 12:17

Chay-mi hamuqkunaman taripaykuspan David nirqa: Sichum allin sonqowan yanapawanaykichikpaq hamuchkankichik hinaptinqa tukuy sonqoywanmi chaskisqaykichik, sichum mana huchayuq kachkaptiy enemigoykunaman qoykuwanaykichikpaq hamuptikichikqa, ñawpa taytaykichikkunapa Diosninyá juzgaspa castigasunkichik, nispa.

Éxodo 3:7

Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Isaías 8:13

Tukuy Atiyniyuq Tayta Diosllata chuyapaqqa hapiychik, payllata kasukuspa hatunchaychikpas.

Daniel 2:23

Ñawpaq taytakunapa Diosnin, qanmanmi graciasta qoyki, qamtataqmi yupaychayki; qanmi yachayta qowarqanki, qamtaqmi atiytapas qowarqanki. Kunanmi imam mañakusqaykuta reqsiykachiwankiku, kunanmi reypa mosqorusqanta yachaykachiwankiku.

Deuteronomio 15:13

Libreta kachay-kuspaykichikpas amataqmi mana imayuqtaqa kachaykunkichikchu.

Judas 1:9

Angelkunata kamachiq Miguelmi Moisespa cuerponmanta diablowan pelearqa, chaywanpas diablotaqa manam ñakarqachu, aswanqa kaynallatam nirqa: “Señoryá qaqchasunki”, nispan.