Génesis 31:3 - CHUYA QELLQA La Biblia en Quechua de Ayacucho 2012

³ Chaymi Jacobta Tayta Dios nirqa: “Tayta-mamaykipa allpanman, aylluykikunapa kasqanman kutikuy, ñoqam qanwan kasaq”, nispa.

Quechua Ayacucho Bible 1987

³ Chaymi Tayta Dios nirqa Jacobta: —Ñoqam yanapasqayki, kutikuy taytaykipa kasqan aylluykikunaman —nispa.

Chuya Qellqa 1992

³ Chaymi Jacobta Tayta Dios nirqa: “Tayta-mamaykipa allpanman, aylluykikunapa kasqanman kutikuy, ñoqam qanwan kasaq”, nispa.

Génesis 31:3 Iomraidhean Croise

Génesis 13:15

Kay qawasqayki allpatam qanmanwan miraynikikunaman wiña-wiñaypaq qosqaykichik.

Génesis 21:22

Chay tiempopim Abimelecqa tropanpa capitannin Ficolpiwan Abrahamta watukuspa nirqaku: Diosmi tukuy ima ruwasqaykipi qanwan kachkan.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

Génesis 28:15

Ñoqam qanwan kachkani, mayman riptikipas waqaychasqaykim, hinaspam kay allpaman kutichimusqayki. Manam saqesqaykichu, nisqaykunataqa cumplisaqpunim, nispa.

Génesis 28:4

Abrahamman prometesqan bendicionnintayá qanmanwan miraynikikunaman qosunkichik, chaynapi mana llaqtayuq hina yachasqanchik allpa qamkunapaña kananpaq, nispa.

Génesis 30:25

Joseyta Raquel wachakuruptillanmi Labanta Jacob nirqa: Aviawayña llaqtayman ripukunaypaq,

Génesis 31:13

Ñoqam Bet-el lawpi rikuriqniki Dios kani. Chaypim rumiman aceiteta tallispayki prometikuwarqanki. Chaynaqa, kay llaqtamanta aylluykikunapa kasqanman kutiy”, nispa.

Génesis 31:18

Padan-aram lawpi llapallan animalkuna armasqanta qatirikuspa, Canaán lawpi taytan Isaacpa kasqanman kutikurqa.

Génesis 31:2

Jacobqa qawarqataqmi Labanpa hukmanyarusqantawan manaña ñawpaq hina kasqantapas.

Génesis 31:4

Chaymi Raqueltawan Leata hatuspi animalkunawan kasqanman Jacob qayachirqa.

Génesis 32:10

Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Génesis 32:5

Kunanqa kapuwanñam va-caykuna, asnoykuna, ovejaykuna, cabray-kuna chaynataq criadoykunawan criadaykunapas, chaymi qam señorniyman willachimuyki llakipayariykuwaspa chaskiykuwanaykipaq”, nispa.

Génesis 32:9

Chaymantam Jacobqa Diosta maña-kurqa: Abueloy Abrahampa chaynataq taytay Isaacpa yupaychasqan Tayta Dios, qanmi niwarqanki: “Taytaykipa aylluykikunapa kasqanman kutikuy, hinaptinmi allinta ruwasqayki nispayki”.

Génesis 35:1

Jacobtam Dios nirqa: Bet-el lawman rispayki chaypi yachamuy, chaypitaq ñoqapaq altarta ruwamuy. Ñoqam kani wawqeki Esaumanta lluptichkaptiki rikuriqniki Dios, nispa.

Génesis 35:3

hinaspa hatariychik Bet-el lawman rinanchikpaq, chaypim llakiypi rimapayawaqniy Diospaq altarta ruwamusaq, paymi purisqaykunapi ñoqawan karqa.

Génesis 50:24

Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.