Génesis 31:11 - CHUYA QELLQA La Biblia en Quechua de Ayacucho 2012

¹¹ Chaymi mosqoyniypi Diospa angelnin sutiymanta qayawaptin nirqani: ¿Imata, taytáy? nispa.

Quechua Ayacucho Bible 1987

¹¹ Chaymi Diospa angelnin mosqoyniypi sutiymanta qayawarqa. Hinaptinmi nirqani: “¿Imata, taytáy?” nispa.

Chuya Qellqa 1992

¹¹ Chaymi mosqoyniypi Diospa angelnin sutiymanta qayawaptin nirqani: ¿Imata, taytáy? nispa.

Génesis 31:11 Iomraidhean Croise

Génesis 18:1

Mamre lawpi encina sachankunapa kasqanpi, sinchita rupamuptin carpapa punkunpi Abraham tiyachkaptinmi Tayta Dios payman rikuriykurqa.

Génesis 18:17

Chaymi Tayta Dios yuyaymanarirqa: Abrahammanqa manam ima ruwanaytapas pakaymanchu.

Génesis 22:1

Kaykuna pasaruptinmi Abrahamta pruebaspan Dios nirqa: Abraham, nispa. Payñataqmi nirqa: Kaypim kachkani, nispa.

Génesis 22:11

Chaymi Tayta Diospa angelnin cielomanta nimurqa: ¡Abraham, Abraham! nispa. Hinaptinmi Abraham nirqa: Kaypim kachkani, nispa.

Génesis 22:15

Diospa angelninmi cielomanta huktawan Abrahamta qayamurqa,

Génesis 31:10

Ovejakunapa muyakusqan tiempopim mosqoyniypi rikurqani muyaq carnerokunaqa allqakuna, cheqchikuna hinaspa murukuna kasqanta.

Génesis 31:13

Ñoqam Bet-el lawpi rikuriqniki Dios kani. Chaypim rumiman aceiteta tallispayki prometikuwarqanki. Chaynaqa, kay llaqtamanta aylluykikunapa kasqanman kutiy”, nispa.

Génesis 31:24

Hinaptinmi Aram casta Labanman chay tuta mosqoyninpi rikuriykuspan Dios nirqa: Yanqataq Jacobta imatapas nichkawaq, nispa.

Génesis 31:5

Chaypim paykunata nirqa: Taytaykichikmi hukmanyarun, manañam ñawpaqta hinañachu. Taytaypa Diosninmi ichaqa ñoqawan kachkan.

Génesis 37:5

Huk kutipim José mosqokururqa hinaspam wawqenkunaman willarqa, chaynapim paykunaqa aswanraq cheqnirurqaku.

Génesis 46:2

Chay tutam Israelta mosqoyninpi rimapayaspan Dios nirqa: Jacob, Jacob, nispan. Payñataqmi nirqa: Kaypim kachkani, nispa.

Éxodo 3:4

Moisespa risqanta qawaspanmi, tankar kichkamanta Tayta Dios qayamurqa: ¡Moisés, Moisés! nispa. Payñataqmi nirqa: ¿Imata, Señor? nispa.

Isaías 58:9

Chayna kaptinqa qayakamuwasqaykitapas uyarisqaykim, yanapanaypaq qayakamuwaptikipas “kaypim kachkani”, nisqaykim. Runamasikita manaña ñakarichiptikiqa, runamasikita millay rimaywan burlakuspa manaña insultaptikiqa,

Números 12:6

paykunata nirqa: Kay nisqayta uyariychik: Qamkuna ukupi profeta kaptinqa ñoqam payman visionpi rikurisaq, hinaspam mosqoyninpi rimapayasaq.

Mateo 27:19

Tribunalpi Pilato tiyachkaptinmi warmin kaynata willachimurqa: Ama imanaychu chay allin ruwaq runataqa. Payraykum chisi tuta manchapallataña mosqokuruni, nispa.

1~Samuel 3:16

Qayas-panmi Samuelta Elí nirqa: Kuyasqay churilláy Samuel, nispa. Samuelñataqmi nirqa: Kaypim kachkani, nispan.

1~Samuel 3:4

Samuelta Tayta Dios qayarqa: ¡Samuel, Samuel! nispan. Samuelñataqmi, nirqa: “Kaypim kachkani”, nispan.

1~Samuel 3:6

Ichaqa Tayta Diosmi huktawan Samuelta qayarqa: ¡Samuel, Samuel! nispan. Chaymi Samuel hatarispan rirqa Eliypa kasqanman, hinaspam nirqa: Taytáy, ¿imapaqtaq qayamuwarqanki? nispan. Hinaptinmi Eliyñataq nirqa: Churilláy, manam ñoqaqa qayamurqaykichu, kutispayá puñukamuy, nispa.

1~Samuel 3:8

Samuelta kimsa kutikamaña Tayta Dios qayaptinmi, Samuelqa hatarispan Eliypa kasqanman rirqa, hinaspam nirqa: Taytáy, ¿imapaqtaq qayamuwarqanki? nispan. Chaynapim Elí musyarurqa Samueltaqa Tayta Dios qayasqanta.