Génesis 30:1 - CHUYA QELLQA La Biblia en Quechua de Ayacucho 2012

¹ Raquelmi qolluq kasqanrayku ñañanmanta envidiakuspan Jacobta nirqa: Wawakunata qoway mana chayqa wañurusaqmi, nispa.

Quechua Ayacucho Bible 1987

¹ Raquelmi Jacobpa churinta mana wachakuspan ñañanmanta envidiakuspan Jacobta nirqa: —Qoway wawakunata mana chayqa wañurusaqmi —nispa.

Chuya Qellqa 1992

¹ Raquelmi qolluq kasqanrayku ñañanmanta envidiakuspan Jacobta nirqa: Wawakunata qoway mana chayqa wañurusaqmi, nispa.

Génesis 30:1 Iomraidhean Croise

Génesis 29:31

Leata Jacobpa despreciasqan kasqanta Tayta Dios qawaspanmi wachakuq kananpaq yanaparqa, Raqueltañataqmi qolluqta ruwarurqa.

Génesis 37:11

Chaymi Joseymanta wawqenkuna envidiakurqaku, taytanñataqmi chay willasqan mosqoymanta yuyaymanarqa.

1~Reyes 19:4

Payñataqmi chunniqninta huk punchaw puriyta pasakurqa, chaypim retama sachapa sikinpi tiyaykuspan wañuyta munaspan nirqa: Dios Taytalláy, kaykamallañayá kawsasaq, wañurachiwayña, manam ñawpaq taytaykunamanta aswan allinninchu kani, nispa.

Jobwan Sutichasqa Libro 13:19

¿Pitaq ñoqawan atipanakunman? Sichum upallaruspayqa wañurusaqmi.

Jobwan Sutichasqa Libro 3:11

¿Imanasqataq mamaypa wiksallanpiraq mana wañururqanichu? ¿Imanasqataq mamaypa wiksanmanta lloqsimuchkaspay mana wañururqanichu?

Jobwan Sutichasqa Libro 5:2

Cheqaptapunipas mana yachayniyuqtaqa piñakuyninmi wañuchin, hukpa kapuqninta munapayaq runataqa envidiakuyllanmi wañuchin.

Proverbios 14:30

Llampu sonqoqa cuerpotam kawsachin, envidiakuymi ichaqa tullupi onqoy hina.

Proverbios 30:16

Chaykunam sepultura, mana wachakuq warmi, mana yakuta saksaq allpa, chaynataq ninapas.

Eclesiastés 4:4

Kaytapas rikurqanim: Pipas llamkakuspa imatapas armakuptinqa runakunam envidiakunku. Chaypas yanqallam, waspiy hina chinkaruqllam.

Números 11:15

Sichum chaynata ñoqawan ruwaspaykiqa, ama hina kaspa wañurachiway. Hinaptinqa manañam chayna sasachakuykunapi kasaqñachu, nispa.

Números 11:29

Chaymi Moisés nirqa: ¿Imamantataq envidiakunki? Amalaya llapallan runankunaman Espiritunta Tayta Dios qoykunman, chaynapi llapallankuña profetizanankupaq, nispa.

Juan 4:3

Chaymi Judea lawmanta lloqsiruspan Galileaman pasakurqa.

Juan 4:8

Discipulonkunañataqmi llaqtata rirqaku mikuy rantiq.

1~Corintios 3:3

Qamkunaqa aychaman hinallaraq kawsasqaykichikraykum envidianakunkichik, liryanakunkichik hinaspa cheqninakunkichik. Chaykunata ruwaspaqa, ¿manachum aychaman hinallaraq hinaspa runakunapa ruwasqanman hinallaraq kawsachkankichik?

2~Corintios 7:10

Diospa munasqanman hina llakikuyqa huchanchikmanta wanakuymanmi apawanchik, chaynapi salvasqa kanan-chikpaq, chaynaqa manam ñakakunanchikchu. Runakunapa munasqanman hina llakikuymi ichaqa wañuyta apamun.

Gálatas 5:21

hukpa kaqnin munapayaykuna, (wañuchinakuykuna), upyakuykuna, mikuysapa kaykuna hinaspa chaykunaman rikchakuq tukuy rikchaq huchakuna. Ñawpaq nisqaytam huktawan nimuykichik: Chayna huchakuna ruwaqkunaqa manam Diospa munaychakusqanmanqa yaykunqakuchu.

Tito 3:3

Ñawpaqtaqa ñoqanchikpas karqanchik, mana yuyayniyuqmi hinaspa mana kasukuqmi, pantaypi kaspam aychapa munayninkunapi chaynataq tukuy imaymana viciokunapa apasqan karqanchik, mana allinllapi yuyaymanaspam envidiakuspa kawsarqanchik, cheq-nichikuspam kikinchikpurapas cheq-ninakurqanchik.

Santiago 3:14

Sichum qamkunapi envidianakuykuna kaptinqa hinaspa kikillaykichikpaq imatapas munaspaqa, amayá hatun tukuychikchu yachayniyuq kasqaykichikmantaqa, chaynata ruwaspaqa cheqap kaqpa contranpim llullakuchkankichik.

Santiago 4:5

Manam yanqachu Qellqaqa nin: “Ñoqanchikpi kawsaq Diospa Espi-ritunmi llumpa-llumpayta nanachikuwanchik”, nispa.

1~Samuel 1:10

Hinaspam Anaqa llumpay llakisqa sonqontin, sinchi waqakuywan Diosta mañakurqa.