Génesis 3:8 - CHUYA QELLQA La Biblia en Quechua de Ayacucho 2012

⁸ Tardeykuyta wayrariykamuptinmi Tayta Diospa purisqanta huertapi uyarirurqaku, chaymi Adanwan Evaqa Diosmanta pakakururqaku huertapi sachakunapa ukunpi.

Quechua Ayacucho Bible 1987

⁸ Huertapa chawpinpi wayrarimuptinmi Tayta Diospa purisqanta uyarirurqaku chaymi warmi-qari huerta sachakunapa ukunpi Tayta Diosmanta pakakururqaku.

Chuya Qellqa 1992

⁸ Tardeykuyta wayrariykamuptinmi Tayta Diospa purisqanta huertapi uyarirurqaku, chaymi Adanwan Evaqa Diosmanta pakakururqaku huertapi sachakunapa ukunpi.

Génesis 3:8 Iomraidhean Croise

Génesis 18:33

Chaymantam Abrahamwan rimayta tukuruspan Tayta Dios pasakurqa, Abrahamñataqmi maymi kasqanman kutikurqa.

Génesis 3:10

Chaymi payñataq nirqa: Huertapi voznikita uyariruspaymi, qalalla kasqayta qawakuykuspay mancharikurqani, nispa.

Jobwan Sutichasqa Libro 22:14

Payqa cielokunatam patan-patan muyun, yanay-yanay puyukunam pampaykun chayraykum mana rikuwanchikchu”, nispa.

Jobwan Sutichasqa Libro 31:33

Wakin runakuna hinaqa manam huchaytaqa pakarqanichu, nitaqmi millay kaqkuna ruwasqaytapas pakarqanichu,

Jobwan Sutichasqa Libro 38:1

Sinchi wayrapa ukunmanta rima-payaspanmi Jobta Tayta Dios nirqa:

Proverbios 15:3

Tayta Diospa ñawinqa tukuy hinastinpim kachkan, allin runatapas mana allin runatapas qawaspan.

Jeremías 23:24

¿Pitaq qayllaymanta pakakurunman? ¿Manachu ñoqaqa hanaq pachapipas kay pachapipas kachkani?

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Levítico 26:12

Qamkunapa chawpikichikpi purispaymi Diosnikichik kasaq, qamkunañataqmi runaykuna kankichik.

Jonás 1:3

Jonasñataqmi mana kasukuspan Tayta Diosmanta lluptispan Tarsis lawman ayqekurqa, hinaspanmi Jope llaqtaman chayaruspan, Tarsis lawman lloqsiq barcota tariykuspan, pasajentapas pagaykuspa Tayta Diosmanta ayqekurqa.

Romanos 2:15

Paykunaqa imapas ruwasqankuwanmi, sonqonkupi Diospa leynin qellqasqa kasqanta qawachikunku. Kikinkupa concienciankuwan yuyaymanayninkum acusanqa huchayuq otaq mana huchayuq kasqankutapas.

Deuteronomio 23:14

Señornikichik Tayta Diosmi campamentoykichikpi purichkan, waqaychasuspaykichik enemigoykichikta vencechisunaykichikpaq, chayraykum campamentoykichikqa chuyanchasqa kanan, mana chayqa Diosmi qamkuna ukupi ima qachatapas rikuspan qamkunamanta asurikunman.

Deuteronomio 4:33

¿Ima llaqtataq qamkuna hina, Tayta Diospa ratachkaq ninapa chawpinmanta rimapayamusqanta uyarichkaspa mana wañururqachu?

Deuteronomio 5:25

Chaywanpas, ¿imamantamá kay mancharikuypaq ninapa rupasqanqa chinkasaqku? Sichum Señorninchik Tayta Diospa rimamusqanta yapatawan uyarispaqa wañurusaqkum.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

Apocalipsis 6:15

Kay pachapi hatun kamachikuqkunapas hatunchakuqkunapas, apukunapas, capitankunapas, atiyniyuqkunapas, esclavokunapas chaynataq libre kaqkunapas machaykunapim, orqokunapim hinaspa qaqakunapa chawpinpim pakakururqaku.