Génesis 3:22 - CHUYA QELLQA La Biblia en Quechua de Ayacucho 2012

²² Chaymantam Tayta Dios nirqa: Runaqa ñoqanchik hinañam rikurirun, allin kaqtapas mana allin kaqtapas yachaqña. Yanqañataq kawsay qokuq sachapa ruruntapas pallaruspa mikurunman hinaspa wiñaypaq kawsaqña rikurirunman, nispa.

Quechua Ayacucho Bible 1987

²² Tayta Diosmi nirqa: —Runaqa ñoqanchik hina Allin kaqtapas hinaspa mana allin kaqtapas yachaqñam rikurirun. Chaynaqa yanqañataqmi kawsay qokuq sachapa ruruntapas pallaruspa mikurunman hinaspa wiñaypaq kawsaqña karunman —nispa.

Chuya Qellqa 1992

²² Chaymantam Tayta Dios nirqa: Runaqa ñoqanchik hinañam rikurirun, allin kaqtapas mana allin kaqtapas yachaqña. Yanqañataq kawsay qokuq sachapa ruruntapas pallaruspa mikurunman hinaspa wiñaypaq kawsaqña rikurirunman, nispa.

Génesis 3:22 Iomraidhean Croise

Génesis 1:26

Chaymantam Dios nirqa: Runata ruwasun ñoqanchikman rikchakuqta, ñoqanchik kaqllata; challwakunapi, alton pawaq animalkunapi, qasqonpa puriq urukunapi chaynallataq tukuy rikchaq animalkunapi munaychakunanpaq, nispa.

Génesis 2:9

Tayta Diosmi wiñachirqa mikunapaq sumaq ruruq tukuy rikchaq sachakunata. Wiñachirqataqmi kawsay qokuq sachatapas huertapa chawpinpi, chaynallataq allin kaqta mana allin kaqta reqsinapaq sachatapas.

Génesis 3:21

Hinaspam qaramanta pachata ruwaykuspa warmiqarita Tayta Dios pachaykachirqa.

Génesis 3:23

Chaymi Tayta Dios Edén huertamanta runata qarqorurqa allpata llamkananpaq, payqa allpamanta ruwasqam karqa.

Génesis 3:5

Diosqa yachanmi, maypacham mikuruptikichikqa ñawikichik kicharikuruptin kikin Dios hinaña allin kaqtapas mana allin kaqtapas yachaqña rikurirunaykichikta, nispa.

Proverbios 3:18

Yachayqa kawsaymi pipas tariruqninpaqqa. ¡Mayna kusisqam tariruspa waqaychaqkunaqa!

Jeremías 22:23

Libanomanta apamusqa cedrokunapa chawpinpim hawkallaña qesaykipi yachachkanki; ichaqa maynataraq qaparkachanki wachakuq warmita hina nanay hapisuptiki.

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.

Apocalipsis 22:14

Mayna kusisqam pachankuna taqsakuqkunaqa, paykunaqa punkunta llaqtaman yaykuspam kawsay qokuq sacha-pa rurunta mikunqaku.

Apocalipsis 22:2

Chay llaqtapa callenpa chawpinpiñataqmi mayupa kaylaw-waklawninpi kawsay qokuq sacha wiñasqa. Chay sachaqa killan-killanmi rurusqa watapi chunka iskayniyuq kutita, llaqenkunañataqmi kasqa kay pachapi llapallan runakuna hampikunankupaq.