Génesis 3:19 - CHUYA QELLQA La Biblia en Quechua de Ayacucho 2012

¹⁹ Allpaman kutiykunaykikamam sudornikipa chaninta mikunki. Allpamanta ruwasqam kanki, allpallamantaqmi kutiykunkipas, nispa.

Quechua Ayacucho Bible 1987

¹⁹ Allpaman kutiykunaykikamam sinchita llamkaspa mikunaykita tarinki. Allpamanta horqosqam kanki. Allpallam kanki, allpallamantaqmi tikrakunki.

Chuya Qellqa 1992

¹⁹ Allpaman kutiykunaykikamam sudornikipa chaninta mikunki. Allpamanta ruwasqam kanki, allpallamantaqmi kutiykunkipas, nispa.

Génesis 3:19 Iomraidhean Croise

Génesis 18:27

Hinaptinmi Abraham nirqa: Señornilláy, mana imapaq valeq ñutu allpa chaynataq uchpa hina kachkaspaypas mañakullaykim.

Génesis 2:7

Chaymantam runata ñutu allpamanta Tayta Dios ruwarqa, hinaspam kawsachiq samayta senqanpi pukuykuptin kawsaq runaña rikurirurqa.

Génesis 23:4

hinaspam nirqa: Ñoqaqa huklaw llaqtayuqmi qamkuna ukupi yachani. Chaynaqa, warmiy pampanaypaqyá allpata rantikuwaychik, nispa.

Génesis 3:18

Allpamantapas kichkakunawan qorakunallañam wiñapusunki, purun qorakunatam mikunkipas.

Génesis 5:5

Adanqa isqon pachak kimsa chunka watanpiñam wañukurqa.

Jobwan Sutichasqa Libro 1:21

kaynata nirqa: Mamaypa wiksanmantaqa qalallam hamurqani, qalallataqmi kutisaqpas. Tayta Diosmi qowarqa, payllataqmi qechuruwanpas. Tayta Diospa sutinyá hatunchasqa kachun, nispa.

Jobwan Sutichasqa Libro 10:9

Yuyariyá mitumanta ruwawasqaykita, ¿hinaspachum musoqmanta ñutu allpaman tikraruwanki?

Jobwan Sutichasqa Libro 19:26

Kay aychayña lliw wichiriruptinpas, kikiypunim Diosta rikuykusaq.

Jobwan Sutichasqa Libro 21:26

Allpa ukupiqa iskayninkum igualla kanqaku, iskayninkum urupa mikusqan kanqaku.

Jobwan Sutichasqa Libro 34:15

llapallan runakunach tukurunman, allpamancha kutiykunmanku.

Jobwan Sutichasqa Libro 4:19

Chaynaqa, ¿imaynataq mana kallpayuq runapi confiakunman? Runaqa allpapa hawanpi mitumanta ruwasqa wasi hinallam, polilla hina sarusqa kanqa.

Proverbios 21:16

Yachaypa ñanninmanta sapaqchakuruq runaqa wañuqkunapa kasqanpim tukurunqa.

Eclesiastés 1:13

Hinaspam kay pachapi runakunapa tukuy ima ruwasqanta yachanaypaq tapukachakuspay sumaqta qatiparqani. Chay llasaq ruwaytam runakunaman Dios qoykurqa llamkanankupaq.

Eclesiastés 1:3

¿Imatataq runa hurqokun kay pachapi sapa punchaw llamkasqanmanta?

Eclesiastés 12:7

Ñutu allpapas manaraq allpaman kutiykuchkaptin, espiritupas Diosman manaraq kutiruchkaptin.

Eclesiastés 3:20

Lliwmi huk hawaqllaman rinku, lliwpas allpamanta ruwasqallam, allpamantaqmi kutiykunqakupas.

Eclesiastés 5:15

Runaqa, imaynam mamanmanta qalalla nacemurqa chaynam kutinqapas; llamkasqanmantaqa manam imatapas apanqachu.

Daniel 12:2

Wañuqkunamantapas achkallañam kawsarimunqaku: Wakinmi wiñay kawsaypaq wakinñataqmi wiña-wiñay ñakariypaq.

1~Corintios 15:47

Punta kaq runaqa kay pachamantam karqa allpamanta ruwasqa, qepa kaq runam ichaqa hanaq pachamanta hamurqa, payqa Señormi.

Efesios 4:28

Pipas suwakuqqa amañayá suwakuchunchu, aswanqa imatapas allinta ruwaspayá llamkachun, chaynapi mana imayuqkunata imallawanpas yanapaykunanpaq.

1~Tesalonicenses 2:9

Wawqe-paniykuna, qamkunaqa yuyach-kankichikmi mantienekunaykupaq tuta punchaw mana pisipaspa llamkasqaykutapas, chaynapi allin noticia willakuyniykupi mana qamkunata gastachinaykupaq.

2~Tesalonicenses 3:10

Qamkunawan kachkaspaykuraqmi kaynata nirqaykiku: “Pipas mana llamkay munaqqa amayá mikuchunpaschu”, nispayku.

Hebreos 9:27

Diospa citasqanman hinaqa huk kutillatam runakunaqa wañunqa, chaypa qepantañataqmi juicio hamunqa,