Génesis 3:16 - CHUYA QELLQA La Biblia en Quechua de Ayacucho 2012

¹⁶ Warmitañataqmi nirqa: Wiksayakuptikim nanaynikikunata mirachisaq, llumpay nanaywanmi wachakunki. Munakuynikim qosaykipaq kanqa, payñataqmi qampi munaychakunqa, nispa.

Quechua Ayacucho Bible 1987

¹⁶ Warmitañataqmi nirqa: Wiksayakuptikim ñakariykunata yapasqayki. Nanaywanmi wawaykikunata wachakunki, chaywanpas qosaykitam munaypaq-munanki, hina paytaqmi qamtaqa kamachisunki.

Chuya Qellqa 1992

¹⁶ Warmitañataqmi nirqa: Wiksayakuptikim nanaynikikunata mirachisaq, llumpay nanaywanmi wachakunki. Munakuynikim qosaykipaq kanqa, payñataqmi qampi munaychakunqa, nispa.

Génesis 3:16 Iomraidhean Croise

Génesis 4:7

Allinta ruwaspaqa ¿manachum chaskisqa kawaq? Mana allinta ruwaptikim ichaqa hucha hichpallaykipiña kachkan wichirachisunaykipaq. Chaywanpas qamqa atiwaqmi chay hucha atipayta, nispa.

1~Crónicas 4:9

Jabesqa wawqenkunamantapas ancha reqsisqam karqa. Mamanmi Jabeswan suticharqa: “Llumpay nanaywan wachakusqaymi”, nispan.

Ester 1:20

Chay decreto qosqaykiqa munaychakusqayki provinciakunapa yachasqanmi kanan, chaynapim llapa warmikuna apupas wakchapas qosankuta respetanqaku, nispa.

Isaías 13:8

Manchakuypa intuykusqanñam rikurirunqaku, wachakuq warmipa nanaynin hinam ñakariywan nanayllaña paykunata intuykunqa, ancha hukmanyasqam sapakama qawanakunqaku, uyankupas penqakuymantam ruparinqa.

Isaías 21:3

Chaymi cuerpoyta nanay huntaykun, wachakuywan ñakarispa qewipakuq warmita hinam nanawachkan, mancharisqallaña chaynataq llakisqa kaspaymi, mana imatapas rikunichu nitaq uyarinichu.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Jeremías 13:21

Jerusalén llaqta, ¿imaninkitaq yachachisqayki runakuna kamachiqniki rikuriruptin? Wachakuq warmipa nanaynin hinaraqmi qanmanpas nanay hamusunki.

Jeremías 22:23

Libanomanta apamusqa cedrokunapa chawpinpim hawkallaña qesaykipi yachachkanki; ichaqa maynataraq qaparkachanki wachakuq warmita hina nanay hapisuptiki.

Jeremías 4:31

Nanaywan qapariytam uyarini, chayllaraq wachakuq warmipa nanaywan qapariyninta hina; Sión llaqtapa wawanmi qaparichkan, manañam samatyaytapas atinñachu, makinkunata hoqarispanmi kaynata nichkan: ¡Ay, imallapiraq rikukuni! ¡Wañuchiwaqniykunapa makinpiñam tarikuni! nispa.

Jeremías 49:24

Damasco llaqtam manaña kallpayuq rikurirun, lluptikunanpaqmi alistakuchkan. Manchakuywan llakikuy hinaspa nanaymi wachakuq warmita hinaraq huntaykun.

Jeremías 6:24

Jerusalén llaqtapi runakunam kaynata ninku: Willakuytam uyariniku, manchakuymantam manaña kallpayuq kachkaniku, wachakuq warmi hinañam, nanaypa ñakariypa huntasqan kachkaniku.

Números 30:13

Pi warmipa imataña ruwananpaq otaq ayunananpaq prometekusqantapas qosanmi “allinmi” ninqa otaq “manam” ninqapas.

Juan 16:21

Warmiqa wachakunan tiempo chayaramuptinmi nanaywan tarikun; wawan naceramuptinñataqmi nanayninkunatapas qonqarun, kay pachapi wawan nacerusqanraykum payqa kusikun.

1~Corintios 11:3

Ichaqa munanim kay yachanaykichikta: Cristoqa llapa qaripa umanmi, qariñataqmi warminpa uman Diosñataqmi Cristopa uman.

1~Corintios 14:34

Warmikunaqa mana rimanankuchu huñunakuypiqa upallallam kananku, Diospa leyninpi kamachikusqanman hinam kasukunanku.

1~Corintios 7:4

Warmipa cuerponqa manam kikinpañachu aswanqa qosanpañam, qosapa cuerponpas manataqmi kikin-pañachu aswanqa warminpañam.

Colosenses 3:18

Casada warmikuna, Señorman iñisqaykichikraykuyá qosaykichikta kasukuychik.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.

1~Timoteo 2:13

Puntataqa Adantam Dios unancharqa, chaymantañam Evataqa.

1~Timoteo 2:15

Chaymi warmiqa wachakuspa hinaspa wawankunata allinta uywaspa, iñiyninpi takyaspa kuyakuq kaspa hinaspa chuyanchakuspan salvakunqa.

Tito 2:5

allin yuyay-manayniyuq kayta, chuya sonqo kayta, wasinkupi imapas allin ruwakuyta, allin runa kayta hinaspa qosanku kasukuyta, chaynapi ama pipas Diospa palabranpa contranpi rimanankupaq.