Génesis 3:1 - CHUYA QELLQA La Biblia en Quechua de Ayacucho 2012

¹ Tayta Diospa unanchasqan llapallan purun animalkunamantam maqta uruqa llumpay sakri karqa. Warmitam chay maqta uru nirqa: Chaynaqa, ¿Dioschu nisurqankichik huertapi llapa sachakunapa ruruntaqa amam mikunkichikchu, nispa?

Quechua Ayacucho Bible 1987

¹ Tayta Diospa purunpi llapallan animalkuna unanchasqanmantam culebra aswan sacre karqa. Culebram warmita nirqa: —Diosqariki nisurqankichik: “Huertapi llapa sachakunapa ruruntaqa amam mikunkichikchu” nispam ¿aw?

Chuya Qellqa 1992

¹ Tayta Diospa unanchasqan llapallan purun animalkunamantam maqta uruqa llumpay sakri karqa. Warmitam chay maqta uru nirqa: Chaynaqa, ¿Dioschu nisurqankichik huertapi llapa sachakunapa rurunta amam mikunkichikchu, nispa?

Génesis 3:1 Iomraidhean Croise

Eclesiastés 4:10

Huknin wichiptinpas hukninmi hatarichinqa. Ichaqa, ¡mayna llakikuypaqmi chullalla runaqa! Wichiykuptinpas manam pipas hatarichiqnin kanqachu.

Isaías 27:1

Chay punchawmi Tayta Diosqa hatu-hatun espadanwan, Leviatanwan sutichasqa millqorayaq maqta uruta wañuchinqa, Leviatanwan sutichasqa apurawman kallpaq maqta uruta sipinqa, wañuchinqataqmi lamar qochapi dragontapas.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 4:3

Hinaptinmi diabloñataq Jesusta tentananpaq asuykuspan nirqa: Sichum Diospa Churin kaspaykiqa kay rumikunatayá kamachiy tantayarunanpaq, nispan.

Mateo 4:6

nirqa: Sichum Diospa Churin kaspaykiqa kaymanta pawaykuy, qellqasqam kachkan: “Qamraykum waqaychasunaykipaq angelninkunata Dios kamachimunqa. Paykunam makinkupi chaskisunki, rumikunaman chakikita mana takakunaykipaq”, nispa.

Mateo 4:9

Hinaspam nirqa: Sichum qonqorakuykuspa hatunchawaki, hinaptinqa tukuy kaykunatam qosqayki nispan.

2~Corintios 11:14

Kayqa manam admirakunapaqchu, Satanaspas kancharichkaq angelmanmi tikrakun.

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

1~Pedro 3:7

Qosakuna, qamkunapas warmiki-chikwanyá allinta kawsaychik, yachay-wanyá paykunawanqa kawsaychik, chaylla pakiruq vasota hinayá cuidaychik, hanaq pachapi herencia chaskiqmasikichikta hinayá nanachikuychik, chaynapi mañakusqaykichikta Dios uyarisunaykichikpaq.

Apocalipsis 12:15

Dragonñataqmi siminmanta mayu hina achka-achka yakuta atqorqa chay warmita aparunanpaq.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 20:2

Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.