Génesis 29:20 - CHUYA QELLQA La Biblia en Quechua de Ayacucho 2012

²⁰ Chaymi Jacobqa Raquelrayku qanchis watata servirqa. Ichaqa payta kuyasqanraykum as punchawkunallapaq hina rikchakarapurqa.

Quechua Ayacucho Bible 1987

²⁰ Jacobmi Raquelrayku servirqa qanchis watatapuni. Ichaqa payta kuyasqanraykum rikchakarapurqa as punchawkunallapaq.

Chuya Qellqa 1992

²⁰ Chaymi Jacobqa Raquelrayku qanchis watata servirqa. Ichaqa payta kuyasqanraykum as punchawkunallapaq hina rikchakarapurqa.

Génesis 29:20 Iomraidhean Croise

Génesis 24:67

Chaymantam Isaacqa maman Sarapa carpanman Rebecata pusarqa, hinaspam casarakurqaku. Rebecata anchata kuyasqanraykum mamanpa wañukusqanmanta Isaacpa sonqon tiyarqa.

Génesis 29:19

Hinaptinmi Labán nirqa: Allinmi, huk runaman qonaytaqa qanmanyá qosqayki, ñoqapaqyá llamkay, nispa.

Génesis 29:27

Leawan casarakusqayki semanatayá cumpliruy, chaymantañam Raquelwan casarachisqayki, qanchis watatawanraq serviwanaykipaq prometekuptiki, nispa.

Génesis 29:30

Jacobmi Raquelwan puñururqa, hinaspam Leamantapas masta kuyarurqa. Chaywanpas qanchis watatawanraqmi Labanta servirqa.

Génesis 30:26

chaynataq warmiykunatawan churiykunatapas. Paykunaraykum servirqayki, qamqa yachankim imaynam servisqayta, nispa.

Génesis 31:15

ñoqaykumanta qollqe pagasqaykitapas lliwtañam tukurun, hinaspam ñoqaykutapas huklaw llaqtayuq warmikunata hinaña qawawachkanku.

Génesis 34:19

Hinaptinmi Siquemqa qari kayninpi utqayman señalarachikurqa, Jacobpa churin Dinata kuyasqanrayku. Siquemqa ayllunkunapa ancha respetasqanmi karqa.

Oseas 12:12

Jacobmi Aram lawman ayqekurqa, Israelmi warmirayku oveja michiypi llamkarqa.

Oseas 12:13

Tayta Diosmi huk profetantakama Israelta Egipto nacionmanta hurqomurqa, huk profetantakamam paykunata Tayta Dios waqaycharqa.

1~Corintios 13:7

Tukuytam ñakarin, tukuytam creen, tukuytam suyan, tukuytam aguantan.

2~Corintios 5:14

Cristopa kuyakuyninmi ñoqanchikpi munaychakun, llapallanchikpa rantinchikpi Cristopa wañusqanta yachaspaqa, yachanchiktaqmi wañusqa hinaña kasqanchikta.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

1~Samuel 18:23

Saulpa serviqninkuna chaynata willaykuptinkum paykunata David nirqa: ¿Yanqallapaqchu reypa masan karuyta hapinkichik? Ñoqaqa wakcham kani, nitaqmi reqsisqachu kani, nispa.