Génesis 29:17 - CHUYA QELLQA La Biblia en Quechua de Ayacucho 2012

¹⁷ Leaqa karqa sumaq ñawichayuqmi, Raquelñataqmi karqa chakinmanta umankama kuyayllapaq.

Quechua Ayacucho Bible 1987

¹⁷ Leaqa karqa sumaq ñawichayoqmi, Raquelñataqmi karqa buenamozallaña.

Chuya Qellqa 1992

¹⁷ Leaqa karqa sumaq ñawichayuqmi, Raquelñataqmi karqa chakinmanta umankama kuyayllapaq.

Génesis 29:17 Iomraidhean Croise

Génesis 12:11

Egiptoman chayaykuchkaspanmi warmin Saraita nirqa: Qamqa kuyayllapaq warmim kanki.

Génesis 12:14

Egipto nacionman Abram chayaruptinmi, Egipto runakuna qawarqaku Saraiqa kuyayllapaq warmi kasqanta.

Génesis 24:16

Rebecaqa karqa buenamozam, manaraq qari reqsiq sipas. Paymi pozoman uraykuspan yakuta wisiykuspa kutikuchkarqaña.

Génesis 26:7

Chaymi warmin Rebecamanta chay llaqtapi yachaqkuna tapuptinku Isaac nirqa: “Paniymi” nispa, “warmiymi” niyta manchakuspan. Buenamoza kasqanraykum piensarqa: “Warmiywan qepakunankuraykum wañurachiwanqaku”, nispa.

Génesis 29:16

Labanpam iskay warmi churinkuna karqa. Piwi kaqmi karqa Lea, sullkañataqmi karqa Raquel.

Génesis 29:18

Chaymi Raquelta kuyasqanrayku Jacob nirqa: Sullka kaq churiki Raquelraykum qanchis wata servisqayki, nispa.

Génesis 29:30

Jacobmi Raquelwan puñururqa, hinaspam Leamantapas masta kuyarurqa. Chaywanpas qanchis watatawanraqmi Labanta servirqa.

Génesis 30:22

Diosmi ichaqa Raquelmanta mana qonqarurqachu, chaymi mañakuyninta uyarispan wachakuq kananpaq yanaparqa.

Génesis 35:24

Raquelpi churinkunañataqmi Joseywan Benjamín.

Génesis 39:6

Tukuy kapuqninta Joseyman saqeykuspanmi Potifarqa manaña imamantapas preocupakurqañachu, aswanqa mikunallanmantañam. Joseyqa allin rikchayniyuq kuyapa jovenmi karqa.

Génesis 48:7

Pada-narammanta kutimuchkaptiymi mamayki Raquel wañukurqa, Canaán law Efrata llaqtaman riq ñanpa hichpanpi, chaypim pampamurqani. Chay Efrata llaqtapa huknin sutinqa Belenmi, nispa.

Proverbios 31:30

Kuyayllapaq kaywan buenamoza kayqa tukuruqllam, Tayta Diosta respetaq warmim ichaqa alabasqa kanqa.

Jeremías 31:15

Ñoqa Tayta Diosmi nini: Ramá llaqtapim qapariy uyarikun, sinchi waqakuymi uyarikun, Raquelmi wawankunamanta waqachkan, wawankunam wañurun, chayraykum consuelaptinkupas mana upallayta munanchu, nispa.

Mateo 2:18

“Ramá llaqtapim qapariy uyarikun, sinchi waqakuywan hatun llakikuymi uyarikun; Raquelmi wawankunamanta waqakuchkan, wawankuna wañurusqanraykum consuelasqa kaytapas manaña munanchu”, nispa.

1~Samuel 10:2

Chaynaqa, kunan rakinakuykuptillan-chikmi, Selsa lawpi, Raquelpa sepulturanpa hichpanpi iskay runakunawan tupanki. Kayqa kachkan Benjamín casta runakunapa allpanpim. Chay runakunam nisunki: Maskasqayki asnokunataqa tarirunkuñam, taytaykiqa manañam llakikunñachu, aswanqa qamkunamantaña llakikuspam kaynata nichkan: ¿Imatataq churillaymanta ruwaykullasaq? nispa.