Génesis 28:3 - CHUYA QELLQA La Biblia en Quechua de Ayacucho 2012

³ Tukuy Atiyniyuq Tayta Diosyá bendecisunki churisapallaña kanaykipaq, chaynapi qanmanta achka nacionkuna lloqsinanpaq.

Quechua Ayacucho Bible 1987

³ Tukuy Atiyniyoq Dios bendecisuptikim churisapallaña kanki. Mirachisunkim achka mirayniyoq kanaykipaq.

Chuya Qellqa 1992

³ Tukuy Atiyniyuq Tayta Diosyá bendecisunki churisapallaña kanaykipaq, chaynapi qanmanta achka nacionkuna lloqsinanpaq.

Génesis 28:3 Iomraidhean Croise

Génesis 1:28

Paykunata bendecispanmi Dios nirqa: Anchata miraspa kay pachaman huntaychik, hinaspa munaychakuychik challwakunapi, alton pawaq animalkunapi, qasqonpa puriq urukunapi, tukuy rikchaq animalkunapipas, nispa.

Génesis 13:16

Miraynikikunatam ñutu allpata hinaña mirachisaq, manam pipas yupayta atinqachu.

Génesis 17:20

Ismaelpaq mañakuwasqaykitapas uyarikim, paytapas bendecispaymi sinchillataña mirachisaq. Paypa mirayninkunamantam chunka iskayniyuq kamachikuqkuna hatarinqa, paymantam huk hatun nacionta hatarichisaq.

Génesis 24:60

Chaymi Rebecata kaynata bendecirqaku: Panillayku, wara-waranqa runakunayá qanmanta mirachun. Miraynikikunayá enemigonkuta vencechunku, nispanku.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 27:33

Chaymi Isaac sinchita hukmanyaruspan nirqa: Chaynaqa, ¿pitaq hapimusqanta aparamuwarqa? Manaraq chayamuchkaptikim mikuruniña. Bendicionniytapas paymanmi qoykuniña, chaynaqa payñam Diospa bendecisqan kanqa, nispa.

Génesis 35:11

Diosqa nirqataqmi: Ñoqaqa Tukuy Atiyniyuq Diosmi kani, churikikunayá achkallaña kachun ancha mirayniyuq kanaykipaq, achka nacionkunam miraynikimanta lloqsinqa, qanmantam reykuna hatarinqa.

Génesis 41:52

Huknin churintañataqmi Efrainwan suticharqa: “Diosmi ñakarisqay nacionpi miraykachiwan” nispa.

Génesis 43:14

Tukuy Atiyniyuq Diosyá chay runapa sonqonman qamkunapaq llakipayakuyta churaykuchun, chaynapi Simeontawan Benjaminta kacharimunanpaq. Churiykunata qechuruwaptinqa imanasaqtaq, mana churiyuqñachiki qepasaq, nispa.

Génesis 48:3

hinaspam Joseyta nirqa: Tukuy Atiyniyuq Diosmi Canaán lawpi Luz sutiyuq llaqtapi rikuriykuwaspan

Génesis 48:4

niwarqa: “Ñoqam churisapata ruwasqayki, achka nacionkunataqmi hatarinqa miraynikimanta. Kay allpatam wiñay herencianku kananpaq miraynikikunaman qosaq” nispan.

Génesis 49:25

Taytaykipa Diosninmi yanapasunki, Tukuy Atiyniyuq Diosmi bendecisunki, cielokunapi kaqkunawan, lamar qochapi kaqkunawanmi bendecisunki. Warmikitapas achka wawakunawanmi bendecinqa.

Génesis 9:1

Diosmi Noeyta hinaspa churinkunata bendecispan nirqa: Achka wawa-churiyuq kaspayá kay pachata huntaychik.

Éxodo 1:7

Ichaqa Israelpa mirayninkunam llumpa-llumpayta mirarurqaku, kallpasapallañam karqakupas, chaymi Egipto nacionman huntaykurqaku.

Éxodo 6:3

Abrahamman, Isaacman hinaspa Jacobmanmi rikurirqani “Tukuy Atiyniyuq Dios” sutiywan reqsichikuspay; “Tayta Dios” sutiypim ichaqa paykunaman manaraq reqsichikurqanichu.

2~Corintios 6:18

Ñoqam qamkunapaq Taytaykichik kasaq, qamkunañataqmi churiykuna kankichik. Tukuy Atiyniyuq Señormi chaynata nin”.

Apocalipsis 21:22

Chay llaqtapiqa manam ima templotapas rikurqanichu, chay llaqtapa templonqa kasqa Tukuy Atiyniyuq Señor Dioswan, Corderollam.

Rutwan Sutichasqa Libro 2:4

Chayllamanmi Boozqa Belén llaqtamanta chayaramuspan rutuqkunata rimaykurqa: Diosyá qamkunawan kachun, nispa. Chaymi rutuqkunapas nirqaku: Qamtapas Diosyá bendecisunki, nispanku.