Génesis 28:16 - CHUYA QELLQA La Biblia en Quechua de Ayacucho 2012

¹⁶ Puñusqanmanta rikchariruspanmi Jacob nirqa: Cheqaptapunim Diosqa kaypi kasqa, manam ñoqaqa yacharqanichu, nispa.

Quechua Ayacucho Bible 1987

¹⁶ Chaymi Jacob puñusqanmanta rikchariruspan nirqa: “Cheqappunim Tayta Diosqa kaypi kasqa, manam ñoqaqa yacharqanichu” nispa.

Chuya Qellqa 1992

¹⁶ Puñusqanmanta rikchariruspanmi Jacob nirqa: Cheqaptapunim Diosqa kaypi kasqa, manam ñoqaqa yacharqanichu, nispa.

Génesis 28:16 Iomraidhean Croise

1~Reyes 3:15

Rikchariruspanmi Salomonqa chayqa mosqoylla kasqanta qawaykurqa, chaymi Jerusalén llaqtaman kutiruspan Tayta Diospa pacto ruwasqan Arcapa ñawpaqninpi lliw kañana ofrendatawan Dioswan hawkalla kasqanmanta sacrificiokunata ofrecerqa. Serviqninkunapaqpas convidotam ruwachirqa.

Jobwan Sutichasqa Libro 33:14

Diosqa rikchaqmanapim rimapayawanchik, runam ichaqa mana kaqpaqpas hapinchu.

Jobwan Sutichasqa Libro 9:11

Sichum ñawpaqniyta Dios pasaptinqa manam rikusaqchu, waqtayta pasaptinpas manam musyasaqchu.

Éxodo 15:11

Dios Taytalláy, qam hina huk diosqa manam kanchu, qam hina admirakuypaq chuya Diosqa manam kanchu. Qamqa admirakuypaq kaqkunatam ruwanki, qamqa hatun milagrokuna ruwaqmi kanki.

Éxodo 3:4

Moisespa risqanta qawaspanmi, tankar kichkamanta Tayta Dios qayamurqa: ¡Moisés, Moisés! nispa. Payñataqmi nirqa: ¿Imata, Señor? nispa.

Éxodo 3:5

Chaymi Dios nirqa: Ama asuykamuwaychu, usutaykita hurqokuy, sarusqayki allpaqa ñoqapaq sapaqchasqam, nispa.

Isaías 8:13

Tukuy Atiyniyuq Tayta Diosllata chuyapaqqa hapiychik, payllata kasukuspa hatunchaychikpas.

Jeremías 31:26

Rikchariruspaymi qawaykacharikurqani, hinaspaymi mosqoyniy sumaq kasqanta qawaykurqani.

Números 12:6

paykunata nirqa: Kay nisqayta uyariychik: Qamkuna ukupi profeta kaptinqa ñoqam payman visionpi rikurisaq, hinaspam mosqoyninpi rimapayasaq.

Josué 5:13

Jericó llaqtapa hichpanpi Josué kachkaspanmi qonqaymanta huk runata espada makiyuq sayachkaqta ñawpaqninpi rikururqa. Chaymi asuykuspan tapurqa: ¿Ñoqayku partechu kanki icha enemigoykumantachu? nispa.

Josué 5:15

Chaymi Tayta Diospa tropankunapa kamachiqnin nirqa: Usutaykita hurqokuy, kay sayasqayki allpaqa chuyam, Tayta Diospaq sapaqchasqa sitiom, nispa. Hinaptinmi Josué chaynata ruwarqa.