Génesis 28:14 - CHUYA QELLQA La Biblia en Quechua de Ayacucho 2012

¹⁴ Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Quechua Ayacucho Bible 1987

¹⁴ Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman chaymi kay pachapi llapallan ayllukuna bendecisqa kanqa qamrayku hinaspa miraynikirayku.

Chuya Qellqa 1992

¹⁴ Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Génesis 28:14 Iomraidhean Croise

Génesis 12:3

Bendecisuqnikikunatam bendecisaq, ñakasuqnikikunatam ñakasaq. Qamraykum kay pachapi llapallan ayllukunatapas bendecisaq, nispa.

Génesis 13:14

Lot sapaqchakuruptinmi Abramta Tayta Dios nirqa: Maymi kasqaykimanta hanay lawta, uray lawta, intipa qespimunan lawta, chaynallataq intipa seqaykunan lawtapas qawariy.

Génesis 13:15

Kay qawasqayki allpatam qanmanwan miraynikikunaman wiña-wiñaypaq qosqaykichik.

Génesis 13:16

Miraynikikunatam ñutu allpata hinaña mirachisaq, manam pipas yupayta atinqachu.

Génesis 18:18

Abrahampa mirayninkunaqa ancha hatun nacionmi kanqa, payraykum llapallan nacionkunata bendecisaq.

Génesis 22:17

Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 32:12

Qamtaqmi niwarqanki: “Ñoqam yanapasqayki allin kanaykipaq chaynataq lamar qochapi aqo hinaña mana yupay atina mirayniyuq kanaykipaq”, nispayki.

Génesis 48:16

Tukuy mana allinmanta libraqniy angelyá kay warmakunata bendecichun. Ñoqapa sutiy, taytay Abrahampa sutin chaynataq taytay Isaacpa sutinpas paykunantakama yuyarisqa kachun. Kay pachapiyá sinchillataña mirachunku”, nispa.

Génesis 48:19

Taytanñataqmi mana munaspan nirqa: Yachanim churilláy, Manasespa mirayninpas hatun nacionmi kanqa, ichaqa sullkanmi aswan allin qawasqaqa kanqa, mirayninmantapas achka nacionkunam hatarinqa nispa.

2~Crónicas 1:9

Chaynaqa, Dios Taytalláy, taytay Davidman prometesqaykiyá cumplikuchun, qanmi ñutu allpa hinaña nana-nanaq runakunapi munaychakunaypaq churaykuwarqanki.

Éxodo 32:13

Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Isaías 54:3

Alleqmanpas ichoqmanpas mastarikunkim, miraynikikunam achka nacionta hapikuykunqaku, purmachisqa llaqtakunapim yachakunqaku.

Números 23:10

Jacobpa mirayninkunaqa ñutu allpa hinañam, ¿pitaq yupayta atinman? ¿Pitaq hayka kasqankutapas yachanman? ¡Ima allinraq kanman allin ruwaq runakuna hina ñoqapas wañukuptiyqa! ¡Ima allinraq kanman paykunapa wañukuyninta hina ñoqapas chinkaruptiyqa! nispa.

Mateo 8:11

Nikichiktaqmi, achkaqmi tukuy hinastinmanta hamunqaku, hinaspam Diospa munaychakuyninpi Abrahamwan, Isaacwan hinaspa Jacobwan mikunankupaq tiyaykunqaku.

Hechos 3:25

Qamkunaqa profetakunapa castanmi kankichik, qamkunapaqmi pactota Dios ruwarqa ñawpaq taytaykichikkunawan, hinaspam Abrahamta nirqa: “Kay pachapi llapallan ayllukunam miraynikirayku chaninchasqa kanqaku”, nispa.

Gálatas 3:16

Diosmi Abrahammanwan, mirayninman prometekurqa. Chay promesakunapiqa manam “miraynikikunaman” ninchu aswanqa “miraynikiman” ninmi. Manam achka runakunamantachu rimachkan, aswanqa huk runallamantam, payqa Cristom.

Gálatas 3:8

Qellqapiqa rimarqañam iñikuptillanku mana judío kaqkunatapas mana huchayuqpaqña Diospa chaskisqan kanankumanta. Chaynapim ñawpaqmantaraq kay allin noticiakunata Abrahamman Diosqa nirqaña: Kay pachapi llapallan nacionkunam qamrayku bendecisqa kanqa, nispa.

Efesios 1:3

Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.

Deuteronomio 12:20

Sichum allpaykichikta Señornikichik Tayta Dios mirarachiptinqa, aychanayasusqaykichik punchawpim aychata mikunkichik.

Deuteronomio 13:17

Chay pasaypaq chinkachisqa kaq-kunamantaqa amam imatapas hapikuykunkichikchu, chaynapim Tayta Diospas qamkunawan mana piñakunqachu, aswanqa kuyasuspaykichikmi achkallataña mirachisunkichik, imaynam ñawpaq taytaykichikkunaman prometesqanman hina.

Apocalipsis 7:4

Chaymi uyarirqani llapallan Israel ayllukunamanta sellowan marcasqakunaqa pachak tawa chunka tawayuq waranqa kasqankuta.

Apocalipsis 7:9

Chaymantam rikurqani achkallaña runakunata llapallan nacionkunamanta, ayllukunamanta, castakunamanta hinaspa tukuy rikchaq rimayniyuqkunamanta. Paykunaqa yuraq pachayuqkama palmera kallma hapiyniyuqkamam sayachkasqaku hatun tronopi tiyaqpa ñawpaqninpi hinaspa Corderopa qayllanpi. Paykunaqa kasqaku achkallaña mana pipapas yupay atinanmi.