Génesis 27:28 - CHUYA QELLQA La Biblia en Quechua de Ayacucho 2012

²⁸ Diosyá qosunki cielomanta parata chaynataq allin cosecha qoq allpata, trigotapas vinotapas mana pisiyta.

Quechua Ayacucho Bible 1987

²⁸ Diosyá qosunki cielomanta parata chaynataq allin cosecha qoq allpata, trigotapas vinotapas mana pisiyta.

Chuya Qellqa 1992

²⁸ Diosyá qosunki cielomanta parata chaynataq allin cosecha qoq allpata, trigotapas vinotapas mana pisiyta.

Génesis 27:28 Iomraidhean Croise

Génesis 27:37

Isaacñataqmi nirqa: Jacobtam churaruni qampa hawaykipi munaychakunanpaq, llapa aylluykikunapas paytam servinqaku, trigotapas vinotapas paymanmi qoykuni. Chaynaqa, churilláy ¿imatañataq qanman qoykiman? nispa.

Génesis 27:39

Chaymi Isaac nirqa: Yachasqayki allpapas manam anchataqa rurunqachu, manataqmi parapas allintaqa chayanqachu.

Génesis 45:18

hinaspa taytaykichiktawan llapa aylluykichikta pusamuychik. Egiptopi allinnin allpatam qosqaykichik, kay nacionpi allinnin kawsaykunatam mikunkichikpas.

Génesis 49:20

Aserpa tantanqa miskillañam kanqa, reykunamanpas miskillaña mikuytam qonqa.

Génesis 49:25

Taytaykipa Diosninmi yanapasunki, Tukuy Atiyniyuq Diosmi bendecisunki, cielokunapi kaqkunawan, lamar qochapi kaqkunawanmi bendecisunki. Warmikitapas achka wawakunawanmi bendecinqa.

2~Samuel 1:21

Gilboa orqokuna, hawaykimanqa amañayá sullapas nitaq parapas chayamuchunchu, allin ruruq chakrakunapas amañayá kachunchu, chaypim allinnin qari-qari soldadokunapa escudonta saruparurqaku, chaypim Saulpa escudonpa llipipipiynin tukururqa.

1~Reyes 17:1

Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Dios-raykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

1~Reyes 5:11

Salomonñataqmi apachirqa rey Hirampaqwan ayllunkunapaq, tawa wara-waranqa tawa pachaknin waranqa kilo trigotawan tawa waranqa tawa pachaknin litro aceiteta. Chaynatam Salomonqa sapa wata rey Hiramman qorqa.

2~Crónicas 2:10

Qeru kuchumuq serviqnikikunapaqmi qosaq tawa waranqa tawa pachaknin tonelada trigota, tawa waranqa tawa pachaknin tonelada cebadata, tawa pachak tawa chunka waranqa litro vinota hinaspa aceitetapas hina chaynata, nispa.

Proverbios 19:12

Reypa piñakuyninqa malta leonpa qapariynin hinam, kuyapayakuyninñataqmi pastokunapi sulla hina.

Proverbios 3:20

yachayninwanmi lamar qochatapas rakinarqa, yachayninwanmi puyukunamanta sullachimun.

Isaías 45:8

Tayta Diosyá allin ruwayta hanaq pachamanta chayachimuchun, allin ruwaytayá sullata hinaraq hanaq pachamanta uraykachimuchun, puyukunamantayá parata hina chayachimuchun, allin ruwayá kay pachapi kachun, Tayta Diosyá salvacionta chayachimuchun.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Joel 2:19

Hinaspanmi llaqtanta Tayta Dios kaynata ninqa: Saksanaykichikkama mikunaykichikpaqmi trigota, vinota hinaspa aceiteta apachimuchkaykichik; kunanmantaqa manam nacionkunapa asipayananñachu kankichik.

Miqueas 5:7

Jacobpa mirayninkunamanta puchuqkunam, llapa llaqtakunapa chawpinpi kanqaku, Diosmanta hamuq sulla hinaraq, pastokunaman chayaq para hinaraqmi kanqaku. Parawan sullaqa chayamun manam runapa munasqanman hinachu.

Zacarías 8:12

Aswanqa chawpinkupi hawkayay kaptinmi, uvaspas sumaqllataña rurunqa, allpapas achkanpim rurunqa, cielokunapas sullantam chayachimunqa. Tukuy chaykunatam munaychakunankupaq kay llaqtamanta puchuqkunaman qosaq.

Zacarías 9:17

¡Mayna allinraq kanqa! ¡Mayna sumaqraq kanqa! Trigopas jovenkunatam kusichinqa, vinoñataqmi sipaskunata kusichinqa.

Números 13:20

Chay allpaqa kawsaykunapa qespinanchu icha manachu, sachayuqkunachu icha manachu. Kallpanchakuspam chay allpapa rurunta apamunkichik, nispa. Chay wateqamusqanku punchawkunaqa uvaspa punta rurunkuna rikurimunan tiempom karqa.

Números 18:12

Qoykitaqmi ñoqa Tayta Diosman ofrecewanankupaq Israel miraykunapa puntallaraq hurqosqanku aceitetapas, vinotapas hinaspa trigomanta ofrendatapas.

Romanos 11:17

Imaynam allin aceitunas sachapa kallmanta kuchuruspa huk purun aceitunas sachapa kallmantaña injertachkaq hinam, judiokunapa Diosmanta karunchakurusqankurayku qamkunaña injertasqa karunkichik. Chaymi allin aceitunas sachapa sapinwan alimentasqa kachkankichik.

Deuteronomio 32:2

Yachachikuyniyqa para hinam chayamunqa, rimasqayqa sulla hinam wichimunqa; lliwaman paramuchkaq hinam chayamunqa, pastoman paramuchkaq hinam wichimunqa.

Deuteronomio 33:13

José ayllumantam nirqa: Dios Taytalláy, allpantayá allinta rurunanpaq bendeciykuy, cielomanta chayamuq allinnin sullawan bendeciykuy, allpapa ukunpi kaq yakuwan bendeciykuy.

Deuteronomio 33:28

Israelpa mirayninkunaqa payman hapipakuspam kawsakunkichik, Jacobpa mirayninkunaqa hawkallam kawsakunkichik. Trigopapas vinopapas kanan allpapim yachakunkichik, paranan allpapim yachakunkichik.

Deuteronomio 7:13

Payqa kuyasuspaykichikmi bendecisunkichik hinaspam mirachisunkichik. Bendecinqataqmi wawa-churikichiktapas, allpaykichikpa ruruntapas, trigoykichiktapas, vinoykichiktapas, aceitekichiktapas, vacaykichikpa hinaspa ovejaykichikpa uñankunatapas. Chaynataqa ruwanqa ñawpaq taytaykichikman qonanpaq jurasqan allpapim.

Hebreos 11:20

Iñiyllawanmi Isaacpas, Jacobtawan Esauta hamuq punchawkunapi ben-dicionkunawan bendeciykurqa.

Josué 5:6

Israelpa mirayninkunaqa, tawa chunka watam chunniqpi purirqaku guerraman lloqsiq qarikuna tukunankama. Mana kasukusqankuraykum Tayta Dios jurarqa ñawpaq taytankuman prometesqan tukuy imapa kanan chaynataq tukuy imapa qespinan allpata mana qawachinanpaq.