Génesis 27:24 - CHUYA QELLQA La Biblia en Quechua de Ayacucho 2012

²⁴ huktawan tapurqa: ¿Cheqaptachu churiy Esaú kanki? nispa. Jacobñataqmi nirqa: Ñoqam kani, nispa.

Quechua Ayacucho Bible 1987

²⁴ huktawan tapurqa: —¿Qamchu kanki churiy Esau? —nispa. Hinaptinmi Jacobñataq nirqa: —Ñoqam kani —nispa.

Chuya Qellqa 1992

²⁴ huktawan tapurqa: ¿Cheqaptachu churiy Esaú kanki? nispa. Jacobñataqmi nirqa: Ñoqam kani, nispa.

Génesis 27:24 Iomraidhean Croise

Génesis 27:23

Manam Jacobtaqa reqsirqachu makinkuna Esaupa hina pelosapallaña kasqanrayku, bendeciykuchkaspanñam

Génesis 27:25

Chaymi Isaac nirqa: Churilláy, asuykachimuway hapimusqaykita mikuykuspay bendicionniyta qoykunaypaq, nispa. Chaymi asuykachiptin mikurqa, vinota-pas qoykuptinmi tomarqa.

2~Samuel 14:5

Davidñataqmi nirqa: ¿Imanantaq? nispa. Hinaptinmi chay warmi nirqa: Cheqaptapunim ñoqaqa viuda kani, qosaymi wañukunña.

1~Reyes 13:18

Ichaqa chay yuyaqña profetam llullakuspan nirqa: Ñoqapas qam hina profetam kani. Tayta Diospa angelninmi niwarqa wasiyman pusaspay mikuchinaypaq hinaspa yakuta tomachinaypaq, nispa.

Jobwan Sutichasqa Libro 15:5

Mana allin sonqoykim chaykunata rimachisunki, sakri runakuna hinam rimarunki.

Proverbios 12:19

Cheqap rimaq runaqa wiñaypaqmi takyanqa, llulla rimaq runam ichaqa chaylla chinkarunqa.

Proverbios 12:22

Tayta Diosqa cheqninmi llulla runakunataqa, cheqap rimaqkunatam ichaqa kuyan.

Proverbios 30:8

Engañotawan llullakuytayá ñoqamanta sapaqchay, ama qowaychu apuyayta nitaq wakchayaytapas, aswanqa mikunaypaq kamaqllata qoykullaway.

Zacarías 8:16

Chaynaqa, kaykunata ruwaychik: Runamasikichikwan cheqap kaqta rimaychik, mana pimanpas sayapakuspa allin arreglota ruwaychik, cortekunapipas hawkayayta maskaychik.

Efesios 4:25

Chaynaqa, amaña llullakuspa cheqaptapuni runamasikichikwan rimaychik, llapanchikmi huk cuerpopa partellan kanchik.

Colosenses 3:9

amataqyá llullakunataqa rimaychikchu. Ñawpaq imaynam kawsaynikichiktawan tukuy mana allin ruwaynikichiktaqa saqerunkichikñam,

1~Samuel 21:13

Chaymi paykunapa qayllanpi loco tukuruspan llutanpiña rimakurqa, hinaspam punkukunapi qellqayta qallaykurqa lawtanpas barban urayta suturisqa.

1~Samuel 21:2

Chaymi sacerdote Ahimelecta David nirqa: Reymi huk kunakuyta apachimuwaspan kamachimuwarqa hamusqaymantaqa ama pipas yachananpaq chaynataq reypa kunamuwasqantapas ama pimanpas willakunaypaq. Kamachisqay runaykunataqa huklaw sitiopi tupanaykupaqmi saqeramuni.

1~Samuel 27:10

Rey Aquisñataqmi tapuq: ¿Mayqan llaqtatataq kunan saquearamunkichik? nispa. Davidñataqmi niq: Neguev chunniqpi Judá runakunatam, Jerameelpa sur lawninpi runakunatam, Cen castakunapa sur lawninpi runakunatam, nispa.