Génesis 26:28 - CHUYA QELLQA La Biblia en Quechua de Ayacucho 2012

²⁸ Chaymi paykunañataq nirqaku: Yachanikum Tayta Dios qanwan kasqanta, chaymi piensarqaniku juraspa qanwan pacto ruwayta, chay pactoqa kaynam kanqa:

Quechua Ayacucho Bible 1987

²⁸ Chaymi paykunañataq nirqaku: —Yachanikum Tayta Dios qanwan kasqanta chaymi piensarqaniku juramentaspa qanwan contrato rurayta, chay contratoqa kaynam kanqa:

Chuya Qellqa 1992

²⁸ Chaymi paykunañataq nirqaku: Yachanikum Tayta Dios qanwan kasqanta, chaymi piensarqaniku juraspa qanwan pacto ruwayta, chay pactoqa kaynam kanqa:

Génesis 26:28 Iomraidhean Croise

Génesis 24:3

hinaspayá cielokunapi chaynataq kay pachapi munaychakuq Tayta Diosrayku prometeway, kay yachasqay Canaán allpapi warmiwanqa churiyta ama casarachinaykipaq.

Génesis 24:41

Aylluykuna warmi churinta qoyta mana munasuptikiqa kay juramentomantaqa mana huchayuqñam kanki, nispan.

Génesis 31:44

Kunanyá contratota ruwasun, chaynapi contrato ruwasqanchik ñoqanchikpaq testigo kananpaq, nispa.

Génesis 39:3

Potifarmi qawarqa Joseywan Tayta Dios kasqanta chaynataq tukuy ruwasqanpipas yanapasqanta.

Génesis 39:5

Chay punchawmantam Joseyrayku Potifarpa wasinta Tayta Dios bendecirqa. Chaymi Tayta Dios tukuy kapuqninpi, wasinpi chaynataq chakranpipas bendeciykurqa.

2~Crónicas 1:1

Davidpa churin Salomonmi munaychakuyninta allinta takyarachirqa. Tayta Diosmi paywan kaspan ancha atiyniyuqta ruwarurqa.

2~Crónicas 15:9

Chaymantam huñururqa Judapi hinaspa Benjaminpi yachaqkunata, huñururqataqmi Efraín castamanta, Manasés castamanta hinaspa Simeón castamanta paykuna ukupi yachaqkunatapas. Achkaqmi Israel nacionmanta rey Asaman pasakurqaku, pasakurqakuqa paywan Tayta Dios kasqanta qawaykuspankum.

Isaías 45:14

Tayta Diosmi kaynata nin: Egipto allpapi qespiq kawsaykunapas, Etiopía nacionpa kapuqninkunapas, Sabá llaqtayuq hatunkaray runakunapas, qampañam kanqaku. Qepaykitam cadenasqa rinqaku, ñawpaqnikipim qonqorakuspanku mañakusunki: “Cheqaptapunipas Diosmi qanwan kachkan, paymanta sapaq Diosqa manam kanchu”, nispanku.

Isaías 60:14

Ñakarichiqnikikunapa churinkunam uchuychakuspanku ñawpaqnikiman hamunqaku, usuchisuqnikikunam ñawpaqnikipi qonqoranqaku, paykunam sutichasunki: “Tayta Diospa llaqtan, Israelpa Chuya Diosninpa Sión llaqtan”, nispanku.

Isaías 61:6

Qamkunaqa “Tayta Diospa Sacerdoten” nispa sutichasqam kankichik, “Diospa Serviqnin” nispa sutichasqam kankichik. Wakin nacionkunapa kapuqninkunatam mikunkichik, paykunapa reqsisqa kayninwanmi alabakunkichik.

Isaías 61:9

Miraynikikunapas huklaw nacionkunapa reqsisqanmi kanqaku, willkaykichikkunapas llaqtakunapa reqsisqanmi kanqaku. Llapallan rikuqninkunam yachanqaku “Tayta Diospa bendecisqan miraykuna” kasqankuta.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

1~Corintios 14:25

Chaynapim sonqonpi pakasqakunapas yachasqa kanqa, hinaptinmi qonqorakuykuspan Diosta yupaychanqa: Cheqaptapunim Diosqa qamkunawan kasqa, nispan.

Hebreos 13:5

Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Hebreos 6:16

Runakuna juraspaqa paykunamanta aswan atiyniyuqpa sutinpim juranku imam rimasqankuta ruwayman churanankupaq hinaspa ima chaqwatapas upallachinankupaq.

Josué 3:7

Hinaptinmi Josueyta Tayta Dios nirqa: Kunan punchawmanta qepamanmi, Israelpa mirayninkuna qawanankupaq anchata hatunchasqayki, chaynapim Moiseswan kasqayta hina qanwanpas kasqayta yachanqaku.

1~Samuel 11:1

Amón runakunapa reynin Nahasmi hamurqa Galaadpi Jabes llaqtawan guerrapi peleananpaq. Chaymi Jabes runakuna rey Nahasta mañakurqaku: Contratota ruwaptinchikyá ñoqayku qamkunapa sirvientekichikña kasaqku, nispanku.

1~Samuel 18:28

Ichaqa chayta qawaykuspanmi Saúl aswanraq yacharurqa Davidtaqa Tayta Diospuni yanapasqanta, qawaykurqataqmi imaynam churin Micalpas Davidta kuyasqanta.