Génesis 25:28 - CHUYA QELLQA La Biblia en Quechua de Ayacucho 2012

²⁸ Isaacmi Esauta masta kuyarqa, purun animalkuna hapimusqanta mikuchisqanrayku. Rebecañataqmi Jacobta masta kuyarqa.

Quechua Ayacucho Bible 1987

²⁸ Esautam taytan Isaac masta kuyarqa purun animal hapimusqanta mikusqanrayku. Rebecañataqmi kuyarqa Jacobta.

Chuya Qellqa 1992

²⁸ Isaacmi Esauta masta kuyarqa, purun animalkuna hapimusqanta mikuchisqanrayku. Rebecañataqmi Jacobta masta kuyarqa.

Génesis 25:28 Iomraidhean Croise

Génesis 27:14

Chaymi chivatochakunata Jacob aparamuspan mamanman qoykuptin qosanpa gustasqan mikuyta yanuramurqa.

Génesis 27:19

Chaymi Jacob nirqa: Ñoqaqa piwi churiki Esaumi kachkani, imam niwasqaykitam ruwaramuni; chaynaqa tiyaykuspayá kay hapimusqay animalmanta mikuy ruwamusqayta mikuykuspa bendicionnikita qoykuway, nispa.

Génesis 27:25

Chaymi Isaac nirqa: Churilláy, asuykachimuway hapimusqaykita mikuykuspay bendicionniyta qoykunaypaq, nispa. Chaymi asuykachiptin mikurqa, vinota-pas qoykuptinmi tomarqa.

Génesis 27:3

Chaynaqa, flechaykitawan arcoykita aparikuspayá purun animalta hapirapamuway.

Génesis 27:31

Esaupas mikuy yanumusqanta aparamuspanmi taytanta nirqa: Hatariy taytáy, hapimusqayta mikuykuy chaynapi bendicionnikita qoykuwanaykipaq, nispa.

Génesis 27:4

Hinaspayá gustawasqan mikuyta ruwarapamuway, mikuykuspay manaraq wañukuchkaspa bendicionniyta qoykunaypaq, nispa.

Génesis 27:9

Kanchamanta iskay allinnin chivatochakunata aparamuy, hinaptin taytaykipa gustasqan mikuyta yanuramusaq.