Génesis 25:27 - CHUYA QELLQA La Biblia en Quechua de Ayacucho 2012

²⁷ Iskayninkum wiñarurqaku. Esaumi karqa purun animalkuna hapiq hinaspa campoman amañasqa runa, Jacobñataqmi karqa carpallapi yachaspa hawkalla kakuq runa.

Quechua Ayacucho Bible 1987

²⁷ Warmakunam wiñarurqaku hinaptinmi Esau karqa purun animalkuna allin hapiq hinaspa campopi puriq runa, Jacobñataqmi karqa karpallapi *f**yachaspa hawkalla kakuq runa.

Chuya Qellqa 1992

²⁷ Iskayninkum wiñarurqaku. Esaumi karqa purun animalkuna hapiq hinaspa campoman amañasqa runa, Jacobñataqmi karqa carpallapi yachaspa hawkalla kakuq runa.

Génesis 25:27 Iomraidhean Croise

Génesis 10:9

Paymi Tayta Diospa qayllanpi purun animalkuna hapiq kallpasapa runa karqa. Chayraykum pipas kallpasapa runamantaqa niqku: Kay qariqa Nimrod hinaraqmi, payqa Tayta Diospa qayllanpi purun animalkuna hapiq kallpasapa qarim karqa, nispanku.

Génesis 21:20

Dios yanapaptinmi warmaqa hatunyaruspan chunniqpi yacharqa, hinaspanmi flecha manejayta yacharurqa.

Génesis 27:40

Espadaykimantam kawsanki, wawqekitam servinki. Yugota pakiruq toro hina lluptikuspam wawqekipa munaychakuyninmanta librakunki, nispa.

Génesis 46:34

Kaynatam ninkichik: “Serviqnikikunaqa warma kasqaykumanta chaynataq ñawpaq taytaykumantapacham animalkuna michiqkunalla kaniku”, nispaykichik. Chaynapim Gosén lawpi yachankichik, Egipto runakunapaqqa millakuypaqmi kasqa oveja michiqkunawan kuskanchakuyqa.

Génesis 6:9

Kaymi Noeypa vidanmanta willakuy. Noeyqa karqa runamasinkunamantapas allin ruwaq runam, payqa mana faltayuq kaspam Diospa munasqanman hina kawsarqa.

Jobwan Sutichasqa Libro 1:1

Uz nacionpim Job sutiyuq runa yacharqa. Payqa karqa mana huchayuqmi, allin kaqkuna ruwaqmi, Tayta Diosta manchakuqmi, mana allin ruwaykunamanta sapaqchakuqmi.

Jobwan Sutichasqa Libro 1:8

Chaymi Tayta Dios tapurqa: ¿Yaqachum rikumurqanki serviqniy Jobta? Payqa mana huchallikuqmi, allin kaqkuna ruwaqmi, ñoqatapas kasuwanmi, mana allin ruwaykunamantapas sapaqchakuqmi, pay hinaqa manam pipas kay pachapiqa kanchu, nispa.

Jobwan Sutichasqa Libro 2:3

Hinaptinmi Tayta Dios nirqa: ¿Yaqachum rikumurqanki serviqniy Jobta? Kay allpa pachapiqa manam pipas pay hinaqa kanchu mana huchallikuspa munasqayman hina ruwaqqa, payqa kasuwaspam ima mana allinkunamantapas sapaqchakun. Yanqapuni paypa kapuqninkunata tukurachiwachkaptikipas hinallam payqa mana huchayuq kachkan, nispa.

Jeremías 35:7

Wasitapas amam ruwankichikchu, amam chakrakunapipas tarpunkichikchu, amataqmi uvastapas plantankichikchu; aswanqa kawsanaykichikkamam carpallapi yachankichik, chaynapi huklaw llaqtayuq hina kay yachasqaykichik allpapi unay watakuna kawsanaykichikpaq”, nispa.

Hebreos 11:9

Iñiyllawanmi Diospa prometesqan allpapipas runapa allpanpi mana llaqtayuq hina purirqa. Pay hinallataqmi Isaacwan Jacobpas maypim yachanankupaq promesata chaskirqaku.