Génesis 25:23 - CHUYA QELLQA La Biblia en Quechua de Ayacucho 2012

²³ Hinaptinmi Tayta Dios nirqa: Iskay nacionkunam wiksaykipi kachkan, chay nacionkunam wiksaykimantapuni rakinasqa kachkan. Huknin nacionmi hukninmanta aswan kallpayuq kanqa, piwi kaqmi sullkanta servinqa, nispa.

Quechua Ayacucho Bible 1987

²³ Chaymi Tayta Diosñataq nirqa: Iskay nacionkunam wiksaykipiqa kachkan. Iskay nacionkunataqmi wiksaykimantapuni rakinasqa kanqa. Huknin castam aswan kallpayoq kanqa. Puntata nacemuqmi sullkanta servinqa.

Chuya Qellqa 1992

²³ Hinaptinmi Tayta Dios nirqa: Iskay nacionkunam wiksaykipi kachkan, chay nacionkunam wiksaykimantapuni rakinasqa kachkan. Huknin nacionmi hukninmanta aswan kallpayuq kanqa, piwi kaqmi sullkanta servinqa, nispa.

Génesis 25:23 Iomraidhean Croise

Génesis 17:16

Payta bendeciptiymi churikita wachakunqa, chaymi nacionkunapa maman kanqa, paymanta nacemuqkunam nacionkunapa reyninkuna hatarinqa, nispa.

Génesis 17:4

Kaynam qanwan pacto ruwasqayqa kanqa: Qanmantam achka nacion-kuna lloqsinqa.

Génesis 24:60

Chaymi Rebecata kaynata bendecirqaku: Panillayku, wara-waranqa runakunayá qanmanta mirachun. Miraynikikunayá enemigonkuta vencechunku, nispanku.

Génesis 25:24

Wachakunan punchaw chayaramuptinmi wiksanpiqa awa kasqa.

Génesis 25:27

Iskayninkum wiñarurqaku. Esaumi karqa purun animalkuna hapiq hinaspa campoman amañasqa runa, Jacobñataqmi karqa carpallapi yachaspa hawkalla kakuq runa.

Génesis 27:29

Nacionkunam qamta servisunki, llapa runakunam qayllaykipi kumuykunqaku. Aylluykikunapim munaychakunki, aylluykikunapa mirayninkunam ñawpaqnikipi kumuykunqaku. Ñakasuqnikikuna ñakasqa kachun, bendecisuqnikikuna bendecisqa kachun, nispa.

Génesis 27:33

Chaymi Isaac sinchita hukmanyaruspan nirqa: Chaynaqa, ¿pitaq hapimusqanta aparamuwarqa? Manaraq chayamuchkaptikim mikuruniña. Bendicionniytapas paymanmi qoykuniña, chaynaqa payñam Diospa bendecisqan kanqa, nispa.

Génesis 27:37

Isaacñataqmi nirqa: Jacobtam churaruni qampa hawaykipi munaychakunanpaq, llapa aylluykikunapas paytam servinqaku, trigotapas vinotapas paymanmi qoykuni. Chaynaqa, churilláy ¿imatañataq qanman qoykiman? nispa.

Génesis 27:40

Espadaykimantam kawsanki, wawqekitam servinki. Yugota pakiruq toro hina lluptikuspam wawqekipa munaychakuyninmanta librakunki, nispa.

Génesis 32:6

Chay willakuqkunam kutimuspanku Jacobman kaynata willarqaku: Wawqeki Esaumanmi rirqaniku, chaymi paypas tawa pachak runakunawan chaskisuqniki hamuchkan, nispanku.

Génesis 33:3

Jacobñataqmi paykunapa ñawpaqninkuta rirqa, hinaspam wawqenman chayanankama qanchis kutikama pampaman kumuykurqa.

Génesis 36:31

Israel runakunapa reynin manaraq kachkaptinmi, Edom allpapi paykuna kamachikurqaku.

Génesis 48:19

Taytanñataqmi mana munaspan nirqa: Yachanim churilláy, Manasespa mirayninpas hatun nacionmi kanqa, ichaqa sullkanmi aswan allin qawasqaqa kanqa, mirayninmantapas achka nacionkunam hatarinqa nispa.

2~Samuel 8:14

Chaymantam rey Davidqa soldadonkunata Edom nacionpi chu-rarurqa, chaynapim Edom runakunaqa Davidtaña servirqaku. David mayman peleaq riptinpas Tayta Diosmi vencechirqa.

1~Reyes 22:47

Chay punchawkunapiqa manaraqmi Edom nacionpiqa rey karqaraqchu, reypa rantinpim huk gobernador kamachikurqa.

1~Crónicas 18:13

Chaymantam rey Davidqa soldadonkunata Edom nacionpi churarurqa, chaynapim Edom runakunaqa Davidtaña servirqaku. Tayta Diosmi Davidta mayman peleaq riptinpas vencechirqa.

Abdías 1:21

Llapallankum kusisqallaña Sión moqoman qespinqaku hinaspam Esaupa orqonkunapi munaychakunqaku, Tayta Diosñataqmi paykunapi munaychakunqa.

Números 20:14

Cades lawmantam willakuqkunata Moisés kacharqa Edom nacionpa reyninta kaynata nimunankupaq: Castayki Israelpa mirayninkunam kaynata nimusunki: Tukuy ñakariykuna pasasqaykutaqa yachankim.

Deuteronomio 2:4

Runakunata kaynata kamachiy: Esaupa mirayninkunapa allpantam pasankichik. Paykunaqa aylluykichikmi, Seir orqopim yachachkanku. Paykunaqa manchakusunkichikmi, chaywanpas anchatayá cuidakuychik.

Deuteronomio 2:8

Chaymantam Elat llaqtanta, Ezión-geber llaqtanta hinaspa Arabá law ñanninta rispa Seir orqopi yachaq ayllunchik Esaupa mirayninkunapa allpanpa hichpanta pasarqanchik, Arabá wayqoman riq ñanmanta rakikuspanchikmi Moab law chunniq ñanninta rirqanchik.

1~Samuel 17:14

Paykunapa sullkankum karqa David. Isaipa kimsan mayor churinkuna Saulwan tarikusqankuraykum,