Génesis 25:21 - CHUYA QELLQA La Biblia en Quechua de Ayacucho 2012

²¹ Isaacmi warmin qolluq kasqanrayku Tayta Diosta mañakurqa, mañakusqanta Dios uyariykuptinmi Rebeca wiksayakururqa.

Quechua Ayacucho Bible 1987

²¹ Isaacmi Tayta Diosta mañakurqa warmin qolluq kasqanrayku, chayta Tayta Dios uyariykuptinmi Isaacpa warmin Rebecaqa wiksayakururqa.

Chuya Qellqa 1992

²¹ Isaacmi warmin qolluq kasqanrayku Tayta Diosta mañakurqa, mañakusqanta Dios uyariykuptinmi Rebeca wiksayakururqa.

Génesis 25:21 Iomraidhean Croise

Génesis 11:30

Saraiqa qolluq kasqanraykum mana wawayuq karqa.

Génesis 16:2

Chaymi Abramta Saraí nirqa: Mana wachakuqta Tayta Dios ruwawasqanraykum mañakuyki esclavaywan puñunaykipaq, icharaqpas paymantaña wawaykuna kanman, nispa. Hinaptinmi Saraipa nisqanta Abram kasurqa.

Génesis 30:22

Diosmi ichaqa Raquelmanta mana qonqarurqachu, chaymi mañakuyninta uyarispan wachakuq kananpaq yanaparqa.

1~Crónicas 5:20

Paykunam peleachkaspanku Diosta mañakurqaku, chaymi Diosman hapipakusqankurayku yanapaptin, Agarta yanapaqninkunatawan kuskata vencerurqaku.

2~Crónicas 33:13

Chaynapim mañakusqanta Dios uyariykuspan, Jerusalén llaqtapi munaychakunanpaq kutichirqa. Chayraqmi Manasesqa Tayta Diosqa cheqap Dios kasqanta reqsikuykurqa.

Esdras 8:23

Chayraykum ayunaspayku Diosniy-kuta mañakuptiyku uyariykuwarqaku.

Proverbios 10:24

Mana allin runataqa imapas manchakusqan kaqraqmi pasarun, allin ruwaq runapaqmi ichaqa imam munasqanpas cumplikun.

Isaías 45:11

Israelta unanchaq Chuya Tayta Diosmi kaynata nin: Hamuq punchawkunamanta tapuykuwaychik, churiykunamanta cuentata mañaykuwaychik, imaynam ruwasqaymanta cuentata mañaykuwaychik.

Isaías 58:9

Chayna kaptinqa qayakamuwasqaykitapas uyarisqaykim, yanapanaypaq qayakamuwaptikipas “kaypim kachkani”, nisqaykim. Runamasikita manaña ñakarichiptikiqa, runamasikita millay rimaywan burlakuspa manaña insultaptikiqa,

Isaías 65:24

Manaraqpas mañakamuwachkaptinkum paykunataqa contestasaq, manaraqpas rimayta tukuchkaptinkum paykunataqa uyarisaq.

Lucas 1:13

Ichaqa chay angelmi nirqa: Zacarías ama manchakuychu, mañakuynikitam Dios uyariykun. Warmiki Elisabetmi qari wawata wachakunqa, paytam Juan nispa sutichanki.

Lucas 1:7

Ichaqa warmin Elisabet qolluq kasqanraykum mana wawa-churiyuq karqaku. Iskayninkum yuyaqkamaña karqaku.

1~Samuel 1:11

Chaymi prometekuspan Ana kaynata nirqa: Tukuy Atiyniyuq Tayta Diosnilláy, kay serviqnikipa ñakarisqanta qawaykuwaspaykiyá ama qonqaruwaychu. Qari wawata qoykuwaptikiqa Diosnilláy qampaqmi wañukunankama sapaqchapusqayki, chayraykum chukchanpas mana rutusqa kanqa, nispan.

1~Samuel 1:17

Eliyñataqmi nirqa: Hawkalla ripukuy, Israelpa Diosninyá tukuy mañakusqaykita qosunki, nispan.

1~Samuel 1:2

Elcanaqa iskay warmiyuqmi karqa: Anawan Penina. Peninaqa wachakuq warmim karqa, Anañataqmi qolluq.

1~Samuel 1:27

Dios Taytamantam kay wawata mañakurqani, kayqaya qoykullawan.