Génesis 24:31 - CHUYA QELLQA La Biblia en Quechua de Ayacucho 2012

³¹ Chaymi Labán nirqa: Tayta Diospa bendecisqan, yaykukamuy. ¿Imanasqataq hawallapiqa kachkanki? Allicharamuniñam wasita samakunaykipaq, chaynallataq camelloykikunapaqpas, nispa.

Quechua Ayacucho Bible 1987

³¹ Chaymi Laban nirqa: —Tayta Diospa bendecisqan, hamuyá. ¿Imanasqataq hawallapiqa kachanki? Allicharamuniñam wasita. Camelloykikunapaqpas allicharamuniñam sitiota —nispa.

Chuya Qellqa 1992

³¹ Chaymi Labán nirqa: Tayta Diospa bendecisqan, yaykukamuy. ¿Imanasqataq hawallapiqa kachkanki? Allicharamuniñam wasita samakunaykipaq, chaynallataq camelloykikunapaqpas, nispa.

Génesis 24:31 Iomraidhean Croise

Génesis 18:3

nirqa: Señorlláy, kuyapayariwaspaykiqa amayá chayllaqa pasakuychu.

Génesis 19:2

nirqa: Taytaykuna, ama hina kaspayá kay serviqnikichikpa wasinman samakunaykichikpaq chaynallataq chakikichiktapas mayllakunaykichikpaq yaykuykamuychik, paqarin achikyaqtañachiki pasakunkichik, nispa. Chaymi paykunañataq nirqaku: Graciastam qoykiku, ñoqaykuqa kay plazallapim achkisaqku, nispanku.

Génesis 19:3

Ichaqa Lotmi paykunata hikutarqa, chaymi wasinman yaykurqaku, Lotñataqmi mikuyta yanurachispa mana levadurayuq tantatawan qoykuptin mikurqaku.

Génesis 24:30

Paninpa senqanpi areteta, brazonpiñataq brazaletekunata qawaykuspa, chay runapa imam nimusqantawan uyariykuspa, chay runapa kasqanman kallparqa; hinaspam tariykurqa camellonkunawan pozopa waqtanpi kachkaqta.

Génesis 26:29

Ñoqaykuqa manam qamtaqa imanarqaykikuchu, hawkallatataqmi kacharimurqaykikupas; chaynayá qampas ama imanaway-kuchu. Kunanqa Tayta Diospa bendecisqanmi kanki, nispa.

Génesis 29:13

Labanñataqmi paninpa wawan Jacobmanta uyariykuspan chaskiqnin kallparqa. Abrazaykuspa muchaykuspanmi wasinman pusarqa, hinaptinmi tukuy ima pasasqanta Labanman Jacob willakurqa.

Proverbios 17:8

Sobornoman amañasqa runapaqqa soborno chaskiypas hampi hinaraqmi, chayna runaqa mayman risqanpipas allinraqmi lloqsin.

Proverbios 18:16

Regalowanqa ima punkupas kichakuykunmi, munayniyuq runakunapa qayllanmanpas chayachikunmi.

Jueces 17:2

Paymi mamanta nirqa: Chunka kimsayuq kilo qollqeta suwarachikuspaykim suwata ñakarqanki, chay qollqeqa makiypim kachkan, ñoqam suwarurqayki, nispa. Chaynata niptinmi maman nirqa: Wawalláy, Tayta Diosyá bendecisunki, nispa.

Rutwan Sutichasqa Libro 3:10

Hinaptinmi Booz nirqa: Diosyá bendecisunki mamay, kunanmi qawaykuni punta sumaq ruwasqaykimantapas aswan allintaraq ruwasqaykita, munaspaykiqa aswan joventaraqmi aputapas wakchatapas maskakuruwaq karqa, ichaqa manam chaytachu ruwarqanki.