Génesis 24:15 - CHUYA QELLQA La Biblia en Quechua de Ayacucho 2012

¹⁵ Mañakuyta manaraqpas tukuchkaptinmi Betuelpa churin Rebeca hombronpi puyñu aparisqa hamuchkasqa. Betuelqa karqa Nacorpa churinmi, Milcañataqmi maman. Nacorqa karqa Abrahampa wawqenmi.

Quechua Ayacucho Bible 1987

¹⁵ Chaymi mañakuyta manaraqpas tukuchkaptin Betuelpa churin Rebeca hombronpi puyñuta aparikuspa hamuchkasqa. Nacormi karqa Betuelpa taytan, Milcañataqmi karqa maman. Nacorqa karqa Abrahampa wawqenmi.

Chuya Qellqa 1992

¹⁵ Mañakuyta manaraqpas tukuchkaptinmi Betuelpa churin Rebeca hombronpi puyñu aparisqa hamuchkasqa. Betuelqa karqa Nacorpa churinmi, Milcañataqmi maman. Nacorqa karqa Abrahampa wawqenmi.

Génesis 24:15 Iomraidhean Croise

Génesis 11:27

Tareypa mirayninkunam kaykuna. Tareypa churinkunam karqa Abram, Nacor hinaspa Harán. Haranpa churinñataqmi karqa Lot.

Génesis 11:29

Abrammi casarakurqa Saraiwan, Nacorñataqmi Milcawan. Haranmi karqa Milcapawan Iscapa taytan.

Génesis 21:14

Chaymi paqarinnintin tutapayta Abraham hatarispa mikuyta qoqawchaykuspa odrepi yakutawan qoykuspa Agarta warmantinta aviarurqa. Agarñataqmi ripukuspan Beerseba chunniqpi mana maymanpas yaykuykunanpaq kaptin purillarqa.

Génesis 24:14

Chaynaqa, hukkaqnin sipastam ñoqa nisaq: Ama hina kaspayki puyñuykimanta yakuta tomaykachiway, nispa; sichum payñataq niwanqa: “Tomaykuyá, camelloykikunamanpas tomaykachisaqyá” nispan, hinaptinqa chay sipasmi serviqniki Isaacpaq akllasqayki warmi kanqa. Chaynapim yachasaq patronniyman prometesqayki cumplisqaykita, nispa.

Génesis 24:24

Chaymi Rebeca nirqa: Betuelpa churinmi kani, Nacorpawan Milcapa willkan.

Génesis 24:45

Chaymi mañakuyta manaraqpas tukuchkaptiy hombronpi puyñu aparisqa Rebeca hamuchkasqa, hinaspam yakuta hurqonanpaq pozoman uraykuptin nirqani: Ama hina kaspayá yakullaykita tomaykachiway, nispa.

Génesis 25:20

Isaacmi tawa chunka watanpi Rebecawan casarakurqa, Rebecaqa karqa Padan-aram lawmanta kaq Betuelpa churinmi hinaspa arameo Labanpa paninmi.

Génesis 29:5

Chaymi Jacobqa paykunata tapurqa: ¿Reqsinkichikchu Nacorpa willkan Labanta? nispa. Hinaptinmi paykuna nirqaku: Arí, reqsinikum nispanku.

Génesis 29:9

Paykunawan Jacob rimachkaptinmi, Raquelqa ovejankuna qatikusqa chayaramurqa. Payqa taytanpa ovejankuna michiqmi karqa.

Éxodo 2:16

Madián lawpi sacerdotepam qanchis warmi churinkuna karqa, paykunam taytanpa ovejankunaman tomachinanpaq artesakunaman yaku hurqoq hamurqaku.

Proverbios 31:27

Ayllunkuna imaynam kawsasqantam sumaqta qawan, mana llamkayninpa chanintaqa manam mikunchu.

Isaías 58:9

Chayna kaptinqa qayakamuwasqaykitapas uyarisqaykim, yanapanaypaq qayakamuwaptikipas “kaypim kachkani”, nisqaykim. Runamasikita manaña ñakarichiptikiqa, runamasikita millay rimaywan burlakuspa manaña insultaptikiqa,

Isaías 65:24

Manaraqpas mañakamuwachkaptinkum paykunataqa contestasaq, manaraqpas rimayta tukuchkaptinkum paykunataqa uyarisaq.

Rutwan Sutichasqa Libro 2:17

Chaynapim Rutqa punchaw qaspaykunankama chakrapi pallapakurqa; chay cebada pallapakusqanta qaqoruptinmi yaqa iskay arroba nisqa lloqsirurqa.

Rutwan Sutichasqa Libro 2:2

Huk punchawmi Noemiyta Rut nirqa: Mañakuykim chakraman rirunaypaq, pipas chaskiykuwaqniypa chakranpi cebadata pallapakaramunaypaq, nispa. Chaymi Noemí nirqa: Riruyá wawalláy, nispa.

1~Samuel 9:11

Chay llaqtaman wichayta qespichkaspankum, tuparurqaku yakuman hamuq sipaskunawan, hinaspam tapukurqaku: ¿Hinapichu qawaq kachkanman? nispa.