Génesis 24:12 - CHUYA QELLQA La Biblia en Quechua de Ayacucho 2012

¹² Hinaspam Diosta mañakuspan nirqa: Patronniy Abrahampa yupaychasqan Dios, mañakuykim patronniy Abraham-man prometesqaykita cumplinaykipaq. Yanapaykuwayá imamanmi hamusqay allin lloqsinanpaq.

Quechua Ayacucho Bible 1987

¹² Hinaspam Diosta mañakurqa: —Patronniy Abrahampa yupaychasqan Tayta Dios, ruegakuykim patronniy Abrahanman prometisqaykiyta cumplinaykipaq. Yanapaykuwayá imamanmi hamusqay allin lloqsinanpaq.

Chuya Qellqa 1992

¹² Hinaspam Diosta mañakuspan nirqa: Patronniy Abrahampa yupaychasqan Dios, mañakuykim patronniy Abrahamman prometesqaykita cumplinaykipaq. Yanapaykuwayá imamanmi hamusqay allin lloqsinanpaq.

Génesis 24:12 Iomraidhean Croise

Génesis 15:1

Chaykunapa qepantam Abramman rikuriykuspan Tayta Dios nirqa: Abram, ama manchakuychu, ñoqam waqaychasqayki, llumpaytataqmi apuyachisqaykipas, nispan.

Génesis 24:21

Chaytam Abrahampa serviqnin upallalla qawarqa, imaman risqanpi Tayta Diospa yanapasqanta yachananpaq.

Génesis 24:27

kaynata nirqa: Patronniy Abrahampa yupaychasqan Tayta Dios, alabaykim patronniyman prometesqaykita cumplisqaykimanta hinaspa ayllunkunapa kasqanman hawkallata pusamuwasqaykimanta, nispa.

Génesis 24:42

Kunanmi pozoman chayaramuspay Tayta Diosta kaynata mañakurqani: Patronniy Abrahampa yupaychasqan Dios, ruegakuykim imamanmi hamusqay allin lloqsinanpaq.

Génesis 24:48

Hinaspaymi qonqoranpa kumuykuspay patronniy Abrahampa Tayta Diosninta yupaycharqani. Paymi allinllata kaykama pusamuwarqa, chaynapi patronniypa ayllunpa warmi churinta Isaacpaq pusanaypaq.

Génesis 26:24

Chay tutam Tayta Dios rikuriykuspan nirqa: Taytayki Abrahampa Diosninmi kani. Ama manchakuychu qanwanmi kachkani. Ñoqam bendecisqayki, serviqniy Abrahamraykum miraynikikunatapas mirachisaq, nispa.

Génesis 27:10

Qamñataqmi taytayki mikuykunanpaq apaykunki, manaraq wañukuchkaspa bendeciykusunaykipaq, nispa.

Génesis 27:20

Hinaptinmi churinta Isaac nirqa: ¿Imaynataq ratollaqa hapiramurqanki? nispa. Jacobñataqmi nirqa: Yupaychasqayki Tayta Diosmi ñawpaqniypi rikuriykachirqa, nispa.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

Génesis 31:42

Abrahampapas taytay Isaacpapas yupaychasqanku Dios ñoqawan mana kaptinqa lliwtachiki qechuruwankiman karqa. Ichaqa Diosmi ñakariywan llamkasqayta rikurqa, chaymi chisi tuta qaqchasurqanki, nispa.

Génesis 32:10

Cheqaptapunipas manam kuyapayakuynikita chaskinaypaq hinachu kani. Tawnayuqllam kay Jordán mayutaqa chimparqani, kunanmi ichaqa iskay atajo kapuqniyuqtaña kutirachimuwanki.

Génesis 32:9

Chaymantam Jacobqa Diosta maña-kurqa: Abueloy Abrahampa chaynataq taytay Isaacpa yupaychasqan Tayta Dios, qanmi niwarqanki: “Taytaykipa aylluykikunapa kasqanman kutikuy, hinaptinmi allinta ruwasqayki nispayki”.

Génesis 43:14

Tukuy Atiyniyuq Diosyá chay runapa sonqonman qamkunapaq llakipayakuyta churaykuchun, chaynapi Simeontawan Benjaminta kacharimunanpaq. Churiykunata qechuruwaptinqa imanasaqtaq, mana churiyuqñachiki qepasaq, nispa.

1~Reyes 18:36

Wañuchisqan animalta kañananpaq sacrificio hora chayaramuptinmi, altarman asuykuspan profeta Elías kaynata qaparirqa: ¡Dios Taytalláy! ¡Abrahampa, Isaacpa hinaspa Israelpa Diosnin! ¡Israel nacionpi Dios kasqaykitayá kunan reqsichikuy, reqsichiytaq ñoqapas serviqniki kaspay kamachiwasqaykiman hina kaykuna ruwasqayta!

2~Reyes 2:14

Hinaspam Eliaspa wichiykamuq capanwan mayuta waqtaspan nirqa: ¿Maypitaq Eliaspa yupaychasqan Tayta Dios kachkan? nispa. Chaynata nispa waqtaruptinmi mayu kicharikuykurqa hinaptinmi Eliseo chimparurqa.

Nehemías 1:11

Dios Taytalláy ruegakuykim, kay serviqnikipa mañakuynintayá uyariykamullaway, sutikita hatunchay munaq serviqnikikunapa mañakuynintapas uyariykuyá. Kunanmi mañakamullayki ima ruwasqaypipas yanapaykuwanaykipaq, chaynataq reywanpas kuyapayaykachiwanaykipaq, nispa. Chay tiempopiqa reypa coperonmi karqani.

Nehemías 2:4

Reyñataqmi niwarqa: ¿Imatataq munanki qampaq ruwanayta? nispa Chaymi hanaq pachapi munaychakuq Diosta mañakuspay,

Éxodo 3:15

Kasqallanmi Moisesta Dios nirqa, Israelpa mirayninkunatam kaynata ninki: “Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik.

Éxodo 3:6

Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Proverbios 3:6

Tukuy ima ruwasqaykipipas Tayta Diospi yuyaymanay, hinaptinqa paymi munasqanman hina kawsachisunki.

Mateo 22:32

“Ñoqaqa kani Abrahampa, Isaacpa hinaspa Jacobpa Diosninmi” nisqanta? Diosqa manam wañusqakunapa Diosninchu, aswanqa kawsaqkunapa Diosninmi, nispa.

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.