Génesis 24:1 - CHUYA QELLQA La Biblia en Quechua de Ayacucho 2012

¹ Abrahammi llumpaytaña machuyarurqa. Tayta Diosmi bendeciykurqa tukuy imakunapi.

Quechua Ayacucho Bible 1987

¹ Abrahanmi karqa llumpay machuña. Tayta Diosmi bendeceykurqa tukuy imakunapi.

Chuya Qellqa 1992

¹ Abrahammi llumpaytaña machuyarurqa. Tayta Diosmi bendeciykurqa tukuy imakunapi.

Génesis 24:1 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

Génesis 13:2

Abramqa apu runam karqa, animalninkunapas, qorinpas, qollqenpas achkallañam kapurqa.

Génesis 18:11

Abrahamwan Saraqa llumpay yuyaqñam karqaku. Sarapaqa manañam killanpas hamurqañachu.

Génesis 21:5

Abrahammi pachak watayuq karqa churin Isaac naceptin.

Génesis 24:35

Patronniytam Tayta Dios sinchita bendecispan ovejakunawan, vacakunawan, camellokunawan, asnokunawan, qoriwan, qollqewan, criadokunawan criadakunawanpas apuyaykachin.

Génesis 25:20

Isaacmi tawa chunka watanpi Rebecawan casarakurqa, Rebecaqa karqa Padan-aram lawmanta kaq Betuelpa churinmi hinaspa arameo Labanpa paninmi.

Génesis 26:12

Isaacmi chay allpapi tarpurqa, hinaspam tarpusqanmanta chay wata cosecharurqa hukllamanta pachak kuti masta, Tayta Dios bendecisqanrayku.

Génesis 49:25

Taytaykipa Diosninmi yanapasunki, Tukuy Atiyniyuq Diosmi bendecisunki, cielokunapi kaqkunawan, lamar qochapi kaqkunawanmi bendecisunki. Warmikitapas achka wawakunawanmi bendecinqa.

1~Reyes 1:1

Rey Davidmi llumpaytaña machuyaruspan qatakunawan qataptinkupas manaña qoniriqchu.

Proverbios 10:22

Diospa bendicionninqa apuyachikuqmi, Diospa bendicionninqa manam llakikuytaqa apamunchu.

Isaías 51:2

Taytaykichik Abrahammanta yuyariychik, mamaykichik Saramanta yuyariychik. Abrahamta qayaptiyqa sapallanraqmi karqa, ichaqa bendecispaymi mirachirqani.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Lucas 1:7

Ichaqa warmin Elisabet qolluq kasqanraykum mana wawa-churiyuq karqaku. Iskayninkum yuyaqkamaña karqaku.

Gálatas 3:9

Chaynaqa, haykam Abraham hina iñikuqkunaqa paywan kuskam bendecisqa kanqaku.

Efesios 1:3

Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.

1~Timoteo 4:8

Cuerponchikwan ejercicio ruwayqa asllatam yanapawanchik, Diospa munasqan kaqkuna ruwaymi ichaqa lliwpi allinpaq yanapawanchik, kayqa kunan kawsaypipas hinaspa hamuq kawsaypipas allinninchikpaqmi.